掛不成8號的一天
2010年11月27日星期六
2010年11月26日星期五
2010年11月22日星期一
2010年11月19日星期五
2010年11月10日星期三
Duo 陳奕迅2010演唱會
今次Eason唱好多都是華星年代的歌, 打頭陣的歌就已經是用『今天等我來』, 這首經典的歌是收錄是他的第二隻大碟, 估唔到是十幾年後今日, 可以聽到他現場演唱。仲有就是『我什麼都沒有』、『我的世界末日』、『與我常在』、『我的快樂時代』、『反高潮』及『天下無雙』 , 差不多將成隻我最鐘意的大碟『我的快樂時代』的歌都唱哂, 只是欠『黃金時代』。
『我什麼都沒有』這首是我開始好鐘意Eason的歌, 個時日煲夜煲, 仲記得個時等這隻碟出, 等到頸都長, 唱片公司登了廣告話出, 都等多了2,3星期後先推出到!
『我的世界末日』好玩味的一首side cut歌, 不過我覺得今次沒他之前Third Counter個演唱會唱得咁好聽。
『與我常在』、『我的快樂時代』用這首咁有意義的歌做結尾, 正! 大家可以細心睇下歌詞。
最後encore仲唱埋『反高潮』同『天下無雙』 實在太興奮!! 完全係回憶演唱會。
不過第一晚仲唱了『那一夜有沒冇說』, 這首我又是我favourite的side cut的歌, 真係無諗過他會唱現場, 可惜…我冇份聽!
第二個驚喜就是Eason唱 了3首張國榮的歌, 估唔到他唱『寂寞夜晚』, 因為好多人揀張國榮的歌都會揀比較新的, 而這首『寂寞夜晚』都只算是Hit 過下, 但我自己覺得這歌都好touching。 之後唱『熱辣辣』就普普通通啦。不過跟住再唱『芳華絕代』就超勁, 他完全能唱到個種神韻, 這首咁難Handle的歌, 我諗除了陳奕迅, 應該再沒其他人的了。
Eason演唱會主題是 Duo, double的意思。Eason話他的選擇的歌都是會找2 首差不多意思的一齊唱, 好似『禁色』同『無人之境』都講Forbidden Love, 『七百年後』同『約定』都講恆久的愛等等。看得出Eason 揀歌是有心思, 不是只揀Hit 歌。
今次演唱會有好多人話Eason 失準, 應該取消演唱會退飛或者補開第二場; 亦都有人話要體諒, 話最唔開心都是他自己等等。有人又話最唔開心個個是Eason, 唔好再怪責他。
雖然最唔開心的應該真是Eason, 但我覺得他作為一個負責任的表現者, 唔可以就咁講就將責任賴過。試想想樂迷買飛入場是看你的表現, 但若然你自己都知今次表現失準得好厲害, 是否應該取消又或者休息一下以後補場?
我都希望Eason會好快好 返, 最緊要唔好為了今次演唱會, 而傷了聲帶。
P.S有冇搞錯.. 蘋果日報寫錯了『禁色』原唱者是何韻詩, 個個記者麻煩惡報下香港流行樂壇史先啦!!!! 我要更正一次『禁色』原唱者是達明一派!!
 |
| 每一次去演唱會都好鐘意影燈 |
 |
| Eason with Ellen (At 17) |
 | |||||||||||||||||||||||||||||||||||||
好鐘意eason 背後的光
|
 | ||||
| 好似由黑暗中走出來的Eason |
 |
| 唱緊芳華絕代 |
 |
| 禁色 |
 |
| 無人之境 |
  | ||||||||
自彈自唱 - 我的快樂時代 , 好似第一次睇eason彈結他~
|
2010年11月5日星期五
黃子華棟篤笑 - 娛樂圈血肉史 II
前前後後睇過3次黃子華的現場楝篤笑, 這個是我看過最好睇的一次。睇他上一個show 時, 真係覺得他有少少江郎才盡, 但今次可能係因為講番他自己, 就算係講以前, 都唔會覺得好out !
開場個時有意外發生, 就是黃子華支咪無聲, 即刻群情洶湧啦! 好彩黃子華好有急才, 將危變機。
今次個talk 是主要講他近十年發生過的, 可能真是人睇人好, 他唔講真是唔知他的路都咁崎嶇。 最感動是他講他在內地拍溥儀的一段, 有時真是就算你幾努力做, 都要天時地利人和。 另外, 聽到他話用左20年時間先可以踏足到紅館, 其實真係有些少心酸。雖然唔知他是為了搞氣氛, 還是他自己唔想是紅館開show。
Get到的point :
無夢想的人會被有夢想的人迫死
可能你做緊的唔係你自己預期, 但都應該盡力做, 可能因為你做得好這樣, 而被你有機會做到你想做的
你係咩就係咩, 唔好要求人地個樣
揹得就揹
其實個talk入面我覺得仲有好多points未get到, 到時出DVD真是要重溫一下。
上網睇黃子華這個show 的評語的時候, 睇到有人話黃子華是一個『悲觀中積極的人』, 以前未聽過這種生活態度, 聽完又覺得幾有道理, 要改變對事物的睇法好困難, 但當要想辦法應對的時候, 就應該可以想得積極.........
訂閱：
文章 (Atom)