2011年3月25日星期五

日本 地震



天災己經很可怕,
估唔到人禍更恐怖。

由出事到現在, 我都十分關注日本的災情, 好希望日本可以盡快解決幅射的問題!

可能由於細個已經接觸日本文化, 卡通片、任天堂、漫畫、百貨公司、糖果等等, 都令我對日本好有親切感!  今次見到日本人就算面對咁大的困境, 日本人都可以咁守規距, 真的很受人敬佩!

2011年3月6日星期日

鄭伊健 It’s a beautiful day Concert

坐到紅館最尾一行~~~~

其實對鄭伊麵的歌已經無什麼印象, 只是記得『古惑仔』同『我的歌』。上年因覺得伊麵歌藝麻麻, 所以沒有買飛。不過因為上年他的演唱會好評如潮, 今年決定買$180飛親身經歷一下浩南哥的氣勢!(不過真是好FULL, 要多謝文迪撲到最後一場最尾一行的飛。)
  • 入到場,全場full-house同上個星期的GIGI真的相差很遠很遠..。伊麵以一身紅噹噹再加2隻大翼好型咁出場, 成場氣氛超high。勢估唔到他咁型格的造型唱It’s a beautiful day, 應該唱中華英雄,古惑仔等氣勢磅薄的歌嘛。  伊麵一開首就唱多首快歌, 好好氣氛。(雖然沒有太多首是認識的)
  • 意外驚喜是伊麵的慢歌, 他唱下唱下先發現他以前有咁多首hit的慢歌, 仲要原來好多首都是冧歌, 唔怪得之他以前可以俘虜咁多少女fans
  • 今次個台棵樹幹是台上, 好特別, 同埋舞台的燈光效果都好華麗。之不過棵樹有陣時會阻住我睇鄭伊麵……同上次郭富城演唱會一樣。
  • 雖然有人話謝安琪唱『一個甘願蹈火海的人』好好聽,我自己唔係好覺,我都是鐘意伊麵自己唱返。
題外話一提, 我好鐘意今次演唱會主題曲:


2011年3月1日星期二

我的MPF

其實政府唔派錢唔緊要,但看到政府話入 $ 6,000 MPF 戶口, 都幾眼火爆!政府係就係有派錢,不過政府是將錢注入香港人的MPF,而這些錢卻是要好多好多年之後先拿到 (我就要等35年….真是有冇命拎都唔知)。 政府唔注資入MPF, 都可以諗政府的錢可能放了落有用的地方, 但政府現在肯注資入MPF, 即是明明有錢, 但偏偏不肯放入你銀包入面!

政府這個勁廢政策,一來遠水不能救近火,二來政府入錢落MPF,即是MPF公司無端端賺一筆行政費,班巿民第時6,70歲收到時,可能都冇現時六千元的價值。講真,我一向都不是太鐘意MPF計劃, 點解MPF冇一個選擇好似銀行存款,只是收息,不用交行政費。講真, 好多公公婆婆同我, 都唔係好識得揀投資組合,如果有一個選擇是0風險,好似銀行存款,而又不用支付那些無謂的行政費,我實舉腳支持!