2013台灣宜蘭遊記 2.2 國立傳藝藝術中心

我們食完早餐打算去國立傳藝藝術中心玩，剛巧民宿主人都要外出，主動提出車我們去，Lucky!!

 去到剛巧有傳統儀式，有表演及拜神。中間放著一大堆長枱及祭品，好大堆頭。

 呢度有好多特色舖頭，主打係台灣傳統手工藝。條街兩旁都係紅磚樓，好有特色！

有啲舖頭個會有啲職員係度製作，都幾得意。不過有啲舖頭好奇怪架喎，明明係門口到示範整玻璃，但見你影相又會鬧鬼你架喎，我又唔明喎既然唔想比人影相就唔好係門口到整啦！

呢間整木屐，團友有試佢啲鞋話好好著，不斷諗買唔買好，最後都冇買，因為覺得係條街著木屐好似好怪咁．．．

呢間類似整雕塑，不過呢我地拎起左個小丸子，發現佢後面連日本trademark都有，覺得好似好似淘寶貨．．．．．

每段時間都有唔同既展覽，我地就撞啱係呢種手偶既展覽。我記得亞視好耐以前有播過用呢種公仔做既電視劇返黎架，估唔到到而家台灣都仲Keep住呢種傳統！

我地臨走仲係度買左花生糖，勁好味！十分推介大家買黎食，不過掛住走唔記得影間舖既相比大家睇。

有間舖頭專賣懷舊野，好似呢本簿都好過癮！ 

這間舖頭裝修緊，不過佢啲banner 好搞笑，我估佢係賣番梘

呢度有好多古舊的建築物，也有好多不同的舖頭，值得到此一遊。

呢個茶檔話唔飲會哭一輩子，真係實在太誇張喇，團友飲過話覺得冇乜特別！佢個原價$350同特價$80又實在相差得太遠喎，個原價會唔會誇左啲？

行下行下會見到有一個公園，有一大片草地，好正。

    好鐘意影呢啲背影相，不過呢下次唔要黑衫黑褲，要好似咁。

台北宜蘭之全紀錄

宜蘭台北遊記5.2 －Delay delay and delay

宜蘭台北遊記5.1 －戰利品,蜂大,書局街

宜蘭台北遊記4.3 －金峰魯肉飯，師大夜巿，寧廈夜巿

宜蘭台北遊記4.2－華山1914文化創意產業園區

宜蘭台北遊記4.1　胡同燒肉

宜蘭台北遊記3.2 紅樓 + 24小時誠品

宜蘭台北遊記3.1 橫風橫雨走佬去台北－Hotel Via丰居酒店

2013台北宜蘭自由行 2.4 晚飯時間

2013台北宜蘭自甲行 2.3 羅東林業文化園區

2013台灣宜蘭遊記 2.2 國立傳藝藝術中心

2013台北宜蘭之旅 2.1 早餐

宜蘭台北遊記1.2

宜蘭台北遊記1.1--到埗喇！

2013台北．宜蘭玩完雜感

在台灣也要上網

台灣大陸書大對決

ORZ.....最近好懶好懶好懶.....

之前幾日轉天氣，搞到我病下病下，幾日返工都覺得唔係咁舒服，唔想做野。。。（其實幾時都唔想做野ＸＤ）

琴日終於的起心肝拎左部iphone 去整喇，我部機個開關製其實係幾個月前就壞壞地，用唔夠一年就壞，真係兒戲，而家apple既質素真係吖。。。。去到維修中心唔洗排隊，不過啲服務就麻麻，佢話換個部比我，不過要我等個半鐘。。。其實我唔明既然換個部比我，點解要我等個半鐘呢！？？

返到屋企諗住好快就可以restore返部機，點知又話部iphone version太舊要update IOS先比我restore，最搞笑係佢一定要我係連接到wifi先比我update IOS，而唔可以用電腦又唔可以用4G......點解iphone 咁低能架！！！！結果搞足我成晚先可以搞惦部電話！

Any肥，終於換左部機，了左件心事！睇黎都要比多幾百蚊續保先得!

今日超低Ｂ，漏左份功課係屋企，結果Lunch跑返屋企拎，勁衝忙底下食左個麥當勞，跟住又跑返公司，返到公司就覺得個胃唔係咁舒服。。。

放工又去上堂，又到番個個悶到爆既Monday Sir，仲好似以後都要對住佢，好慘呀！

之前咪講過話買左書學畫公仔，而家再黎比較下呢兩本書，左邊個本係台灣書係商務買；右邊個本係大陸書係綠野仙踪買。本來諗住大陸書平啲，點知後來睇返兩本係一樣價錢。。。。蠢左，仲有就係左邊個本係彩紙印刷，而右邊個本就只係用cheap cheap紙印刷。。。同埋左邊個本可能係由日本翻譯過黎，Pro啲；而隔黎個本呢。。。好唔得，只係有好多圖，其實都冇乜點教你畫！

結果而家右邊個本比我打入冷宫，下次都係等書局減價先去入貨。

彊屍

原來又三個星期沒寫blog了....

上上星期五, 去左睇Juno既殭屍，好彩都唔係好驚嚇，我仲頂得住！

套戲令我諗返起好多Juno既MTV，個風格好似，又令我諗返起我好耐好耐以前睇過既cult片鐵男，好多鏡頭都會突然抽離左去啲好抽象既畫面，係香港黎講又真係好少見。

套戲由錢小豪同陳友擔正，唔明點解錢小豪講野咁慢，慢度好似機械人咁。而陳友就係潦倒過氣道士，每句說話都夾雜句粗口，不過我唔明點解香港既觀眾每次聽到粗口會覺得係好笑....

套戲勾起好多回憶，殭屍片都成十幾年冇人再拍喇，套戲好似講叫人唔好咁執著，如果錢小豪唔好咁執著就唔洗自殺；鮑姐同養鬼仔個法師唔執著，就唔會搞出咁大件事，害死幾個人，其實最尾結果都係一樣。

個故事唔係特別，不過我好欣賞Juno既拍攝手法同特技，值得去睇既一套戲！

星期日去左屋企附近既舊式茶餐廳，係度住左咁耐都冇入過去，因為外表麻麻，又唔知有乜食。入到去原來價錢都幾抵，同埋都幾好食，可以再來encore。

最近冇端端鐘意左畫公仔，所以走左去綠野仙踪（專賣簡體字書）同商務睇，一路以為簡體字書係平啲架嘛，點知！真係吹脹，竟然係商務仲平啲，仲要有啲係繁體字版架嘛，哂左我啲錢喇！！

之後走左去食好耐冇食既仁和豆付花，味道普通啦，都係黎懷緬下啫～

星期日.不斷買不斷食

又破財，今日要去黃埔吉之島買傢俬（都唔明屋企細細點會有咁多傢俬買架），坐坐下車兩個人都話肚餓．．．結果去到紅磡就落車食左野先。

其實紅磡舊啲個邊好多好野食又平，得閒黎呢到行下都幾開心，不過個日好晏先去到就冇周圍行啦！

今次揀左呢間韓點，呢間係正宗韓國人開，之前上過電視就排哂長龍，而家無人排隊喇。舖入面有大約十個位比大家堂食。之前都有買過呢間泡菜返屋企食，食過覺得麻麻。今次再黎試過。

韓式紫菜卷－麻麻地好食

泡菜薄餅－呢個我覺得個味怪怪地。

至尊年糕－係有幾隻唔同味既年糕組合而成，最初拎到黎時，我仲以為係魚蛋，腸仔，真係低B，食落呢，其實隻隻都差唔多，呢個幾好味，不過越食越辣。

每人40幾元，都好抵，雖然味道麻麻，不過見佢咁抵可以再黎！地址係：紅磡寶其利街59-67號寶威大廈地下2號舖

食飽飽就繼續行街，途經紅磡759，超大間，今日仲要有7折，咁梗係入去8掛下，咁就買左成50元零食。

跟住去左紅磡德民街既卓悅買零食，行過呢度幾次都唔知入面有零食賣，係同事話我知，入到去發現原來超多零食賣架，價錢都合理，又唔似759咁迫，我好鐘意行！

不過可惜個收銀係個西人黎，真係激氣！

行完吉之島，就搭小巴出返佐敦又入多次759，可惜冇麵包蟹、又冇麥片，所以買左少少野就走左喇。

雖然唔係好肚餓，不過呢就口痕，結果入左糖水舖。

呢間糖水舖好特別架，有熟食叫架！

腸粉（＄１５）都幾貴，不過佢又幾好味喎，又夠熱，食唔停口！

紫菜鹽酥雞瓜（＄２９）－唔知係咪紫菜既關係，咸左啲呀！

黎呢度其實為左呢件Cake，係芒果層層疊，之前食過榴槤覺得好味道，所以再黎。

今次味道呢，都好味但同以前好似有啲唔同，咁我睇返舊相，之前每層之間係薄啲，咁可能個口感會好啲！

今次每人五十塊錢，間舖叫綿綿冰，地址係佐敦吳松街11號

1102

睇緊公主檢察官時，又忍唔住上網去睇結局。。。

唔知大家會唔會好似我咁，成日都會忍唔住上網睇結局，其實睇左結局就冇之前咁想追黎睇，不過呢唔睇好心掛掛！！

夜晚去左heihei媽屋企，heihei而家兩歲，好百厭呀，我一定無咁既耐性對細路仔呀！

聽到佢地養個細路真係要好多錢呀，而家做父母又真係幾大壓力，又要驚個細路輸在起跑線，乜都要準備最好既比個細路，但係最好既即係要錢啦，咁即係要努力賺錢比個細路；但咁之餘，你又要分時間比個細路，做父母真係好偉大！

－－－－－－－－－－－－－－－－

成個十一月都冇假期架，好漫長呀！

1027 大食日

本來諗住去和亭食下午茶，點知上到去先發現無，咁又因為太肚餓，所以就照食啦！

叫左個二人餐，入面有：

厚切三文魚四片

和亭沙律－呢個麻麻地，轉左整法，份量又少，我鐘意以前個個呀！

重頭戲－壽喜燒，好味道，但啲配料好似少左既！

小型泡菜飯－我都係鐘意食石頭泡菜飯多啲！呢個冇飯焦，好普通！

小型牛肉飯，普通啦！

每人百幾蚊啦！普普通通啦，都係和民好食啲！

地址：油麻地彌敦道518-520號彌敦行M層

晏晝食左個咁勁既下午茶。。。。夜晚既然係食Pizza Hut！

有我鐘意既薄批，海鮮寬條麵同蒜蓉包。

可惜係。。送到黎暖既，結果我要拎入微波爐叮熱去！

食完呢餐好滿足，可惜係我個胃頂唔順個蒜蓉包，成晚頂住瞓得好唔舒服！！

太子鳳城

有日見早起就約埋小宅去鳳城酒家，呢間酒家我由細見到大，不過唔知點解我一次都未入過去！　

有次睇食尚玩家見佢地黎呢間酒家食點心，仲話好好好味喎！咁我呢個地道人，冇理由唔黎試下既！

呢度唔多點心揀，大點差唔多成$30，好貴！

炸腐皮卷－幾好味，炸野幾時都係啱胃口！

呢個得意，係出面未見過，炸粉果，都好味架！

排骨無乜特別

糯米雞－OK，水準之作

牛栢葉，大點黎架，又話有腐乳既，都唔覺，我覺得唔抵！

燒賣－唔好食，煮得好　＂老＂

每人成$80，都幾貴，應該唔會特登再過去食！

呢間地址：太子彌敦道749號歐亞銀行大廈1-2樓

之後仲走左去太子既85度買左件cake，好味道！