Online Shopping

近這一、兩年多左係網上買野, 以前最多係淘寶買, 不過有啲淘寶衫質料好差, 買過一、兩次就無買喇。

近年, 買衫最多係CACO, 係一個台灣

http://www.caco.com.tw/Shop/

台灣網站, 用順豐到香港, 一個包裹大約50元, 看衣服重量啦!

我鐘意這間店, 主要是價錢平, 衣料質地好, 台灣的衫褲鞋襪, 簡直超值的!

不過呢都都買左幾條褲唔啱著...唉隔山買衫, 始終差啲><

最近又到香港一間網購買, 主要係有50元coupon, 我承認我太貪小便宜喇!

$50 COUPON 在此, 3月31日到期

http://www.fingershopping.com/t15ru5c.html

網站網址: http://www.fingershopping.com/

不過呢網購有樣唔好, 就係唔係拎住實物, 會估唔到SIZE同睇漏野囉!

我總共買左2次, 用埋個FD既COUPON。

第1次買左啲焗荼物品, 塊MASK係為左籌夠錢既,

但啲茶包我睇錯左囉, 原來得3包, 我以為有6包, 足足DOUBLE左價錢, 

唔抵買!

第二次我就買洗面同eye gel, 支eye gel無問題, 但支洗面勁細支!!

我認我又無好細心睇佢份量...又衰左!

呢間SHOP有時都有平野既, 最好既係買滿150, 

可以free去OK拎貨, 仲可以去到OK先比錢!

之後, 應該會去買埋維基既HKTV既,

因為個度又送左一百元coupon,

個度好多玩具買, 買完再分享比大家睇下!

HKTV－港視不要再想紅海了，行藍海戰術吧！

港視開台都差不多4個月喇！唔知大家睇過未？睇過又睇左幾多套呢？

我自己睇得最完整的是選戰，來生不做香港人，而開台劇警戒線、我阿媽係黑玫瑰又或第二人生都只是看過一點點。

HKTV配件夠，技術夠，但劇本始終差啲！

我睇過幾套，都覺得虎頭蛇尾，個頭開得好好，但到尾段就好似唔識結尾咁，求其結尾。
好似來生不做香港人，最後張可頤被懷疑殺人，套劇主線講港人同內地人矛盾，但個高潮位既然同個主線無乜關係，仲要一拖拖咁耐，而我覺得最好笑係張可頤男友被槍擊個幕，明明套劇開頭都拍得唔錯，但無端端結尾變左普通師奶劇。



再講我睇第二人生大結局時（這套只看了大結局），音樂比賽中，主角們的樂隊在準決賽唱的歌曲既然是Beyond的歌，大佬，1.樂隊講求原創，你唔係普通參加歌唱比賽呀，點會唱Beyond歌，就算唱都改篇下先。2.我想講Beyond雖然是神，但實在太多太多時候唱佢地啲歌，實在唱到有點爛！（就好似逢遊行時實唱海濶天空一樣）

如果HKTV做既題材只係同無記一樣，都係啲警匪、戀愛師奶劇、專業人物愛情劇等，真係好難會令睇開無記既人轉台去睇HKTV，因為佢地唔會理個啲乜野畫面、燈光、攝影角度，佢地只係鐘意就手，總之無記比乜佢地就食乜啦！

佢地最鐘意講既就係返工已經咁累喇，做乜睇電視都要諗野喎！

HKTV好應該做啲無記唔做既題材，好似選戰同導火新聞線咁，咁樣先會吸引到一班平時唔睇電視既人去追看。（觀乎觀眾反應，HKTV都係呢兩套比較多啲人睇）

我都明當初佢地可能諗住係電視播，所以先會拍左啲咁既劇，不過我覺得佢地就算係電視播，收視都會係麻麻！


不過HKTV都有值得讚既地方，畫面係靚過無線既好多。Technical 啲講，你睇下佢啲景深，就知佢部攝錄機幾Top，再講佢既打燈真係靚好多，唔係度度都係世界光，而係參考返真實既狀況黎打燈，仲有好多都係實景拍攝，質素真係高幾班。

好似醫院景咁，無線既話一定係廠景加世界光，你係畫面到見唔到乜係亮點。但係HKTV就實景，安排角色係個窗邊，滲啲自然光，有少少自然光射落角色度，再加上個主角戴住頂紅色帽，觀眾自自然然放個眼光落個角色度。




呢場又係做得好靚，側光大光圈，智叔最sharp，矇矇地見到佢啲下屬既表情。

講左咁多，其實都只係希望HKTV可以繼續生存，繼續做啲好電視劇俾我地睇！

我唔想見到佢地咁有誠意既製作，因為少少既問題而無得繼續！

最後真係希望各位，可以既話就上去佢官網睇啦！

唔好DOWNLOAD啦！

比啲支持佢地啦！

下次等我講下選戰套劇！

運動運動運動

又病左，

皮膚敏感之餘又咁啱食錯野，腸胃炎。

本來希望羊年之後可以健康啲，但結果都係要去睇醫生。

其實無乜做過啲乜，又真係唔會無端端健康左既，

睇黎我真係做運動喇，真係要的起心肝做運動！

不過真係年紀大機器壞，而家一腸胃唔舒服，就要好幾日先可以好番。。。。

睇黎係時候睇下有乜可以進補下先得。

KJ音樂人生－忠於自己

想看這套紀錄片很久很久(其實我好鐘意睇紀錄片)，有日行過唱片店，見到做緊$100元3隻，就即刻買左返屋企睇！

這套紀錄了名校生KJ 11歲同17歲兩年既生活點滴。

KJ是個什麼人?KC是黃家正，他在11歲已經彈鋼琴彈到嬴了全港音樂比賽, 出國錄唱片；當人人以為他在六年後，音樂旅途會更光芒四射，他卻好像停滯不前。

看此片時，覺得KJ是一個有獨立思考又好成熟的一個人，年紀少少已經想到世界不公，又會思考比賽同音樂的關係，又可以看看這個少年思考人生。

看紀錄片好的地方就是不會只是歌頌被訪者，也可以看到KJ內心掙扎。有人覺得KJ在片中好狂妄自大，但我自己又覺得這些只是少年人的一些輕狂（其實多數名校出身都是這樣，在我讀書時代，接觸過的，他已經不算很寸了），況且他言之有物，我又不是太過反感。

又人話覺得他不愛音樂，又話他音樂操藝退步，我好奇怪點解會有人會有這樣的理解（我甚至懷疑我們是否看著同一套戲）。如果他不喜歡音樂，他不會還去指揮音樂團，不喜歡的話會掂到不掂！而話音樂操藝退步，拜託！他爸爸話他退步，是指他再沒有參加比賽並且獲獎，就當他退步，而全套片中，他就是要說他不為獲獎而參加比賽，所以他為了對抗他父親，沒有參加任何比賽。片中用了很大的篇幅講他對比賽的反思，但卻有人還會誤解，那等如沒看這套片吧！

看完此片，我很欣賞KJ黃家正，你看到他不是一個只懂追逐名利，而只是一個真誠生活的一個人。在這個金錢社會裡，還能抱著這樣的赤子之心，實屬難能可貴。

在片中，KJ不斷提著要學做人，亦都有要忠於自己。人越大，就覺得要忠於自己越難，有時真的要為五斗米折腰，但有時真的要不斷提醒自己，忠於自己才是在世上最大的任務。


不負責任推介：10/10 (我太愛看紀錄片了）

推介大家看看這個影評，寫得很專業的！

http://jimulder.pixnet.net/blog/post/24826426-%E9%9B%BB%E5%BD%B1-%E3%80%8A%E9%9F%B3%E6%A8%82%E4%BA%BA%E7%94%9F%E3%80%8B

雛妓-任達華真係好好戲

好耐無睇過純劇情愛情片既港產片，之前既港產片，好似志明與春嬌咁，點都會有啲搞笑元素引你入場。

我自己都覺得套戲唔錯, 導演能夠在戲中每件事都有好好舖排, 亦都能夠塑造出角色們既性格, 唔會啲野好似無啦啦出現咁。

不過係泰國被人追逐個幕，我覺得好似為驚險而驚險咁。而阿Sa同泰國雛妹傾計拜神回鄉個段，我自己就覺得幾悶！泰國個段有啲唔拖唔水。

阿Sa演技就有待改善，但任達華真係做到出神入化。總括來講，呢套片值得去睇，是一套有誠意既電影！

（有劇情慎入）

套戲講既其實就是一個色色版的長腿叔叔中間穿插著泰國既雛妓新聞透視。何玉玲(阿Sa演)由好細個就已經離家出走，期間遇到長腿叔叔甘浩賢（任達華演）。

咁呢個冒牌既長腿叔叔當然唔係咁偉大，係要啲野黎交換啦！

故事發展落去就係何玉玲愛上左呢個長腿叔叔，但長腿叔叔又已經結婚生子。

咁跟住我諗大家都估到啲啦！

而另一方面，何玉玲大個左就做左記者，仲要係好正義，結果當然同老編有啲爭吵，一氣之下先飛左去泰國既！

去到泰國，遇到個雛妓，佢憑住佢靈敏既新聞觸覺，覺得有故仔做喎，於是不斷叫個雛妓賣個故仔比佢！

追報導既時候，總會有啲驚險，於是一輪追追逐逐！

－－－－－－－－－

最後，何玉玲突然感懷身世下，發覺原來自己都係一個雛妓。

工作上的牢騷

等我發下牢騷先

我都唔明點解有啲人咁鐘意擺款，仲要最近係我公司個啲都係後生個批（細個我就叫後生啦）,唔知係咪真係唔同年齡唔同風格。

話說我地公司有幾層, Senior A 要落去下面幾層開會, 佢首先開會前就CALL人拎個FILE 比佢, 咁大家以為佢唔記得拎, 就無乜野啦。

點知開完會喇, 佢CALL人落去收野, 咁個同事問佢無野收呀? 收乜呀?
佢答人地收個FILE!
洗唔洗呀
佢自己都要上返黎自己個位架啦, 拎埋個FILE上黎都唔係好重啫, 仲要自己哂時間係樓下等個clerk落去, 等完先自己上返黎!
你請左個clerk渣, 唔係請左個OA/工人呀!

以前同一個位既Senior, 大住肚都自己拎FILE上上落落啦! 佢都唔知係咪殘廢架!

------------------------------------------------------------------------------
話說我公司有另外一個Senior B, 佢又係好經典。成日比野人做既時候, 會講好多助語詞, 唔係粗口, 但係都係難聽!

唔係好多啫!
兩份啫, 你好快做完!
好簡單啫!
都係COPY & PASTE啫!
呢份急架!

份份佢都話急, 我地已經唔理佢! 仲要成日都講到啲野好快做完,好簡單咁, 大佬有時啲唔係你想像中咁簡單架, 都要時間去做架!
做野係ok架, 但唔洗加你啲comment落去囉！
－－－－－－－－－－－－－－－－－－－－－－－－－－
最近有朋友間公司執笠，咁公司就遣散佢地啦！
朋友就好勞氣話公司筆遣散費不單止係由公司供個筆MPF度拎出黎，仲拎埋佢用MPF投資賺既錢出黎遣散！
佢覺得自己好眼光投資得利既錢，點解要比個老闆拎黎做遣散費！

不過政府條例就係咁衰，根本就幫哂班老闆。其實遣散費可以係MPF度拎已經好唔合理，咁樣個老闆根本就著數哂！

MPF個原意係幫個僱員儲錢養老，但老闆個筆就可以拎黎做遣散／長期服務金，咁即係老闆個筆無左啦，咁如果得個僱員自己儲錢，做乜唔自己儲，要益班基金佬？

個MPF又唔可以做定期，一定要投資落基金，你都識講基金有蝕有賺啦，我蝕左咪一樣無錢養老！？

都唔知邊個用pat pat諗野，諗埋啲咁既野出黎！

個MPF真係好唔得，點解香港無乜人反對架！

－－－－－－－－－－－－－－－－－－－－－－－－－－
再講間公司真係計到盡，黎緊4月有復活節假，佢計到啲員工last day係復活節假期之前個日。真係絶！

－－－－－－－－－－－－－－－－－－－－－－－－－－－
同樣程況其實都發生過係我身上，話說當年第一份工喎。
做左差不多一年辭職啦，老闆就話不如等佢請到人我先走，個時我唔識同佢地講條件（真係好蠢）。
咁結果真係同佢做到請到人，handover哂，佢一個屈尾十就叫我第二日唔洗返工，而家諗起佢應該係有違勞工法例架喎，好應該要一個月通知我架喎，有乜理由一日通知，今次件事我覺得我蠢哂，而家諗起都有啲激氣！

－－－－－－－－－－－－－－－－－－－－－－－－－－－