今次破天荒, 半個月內第3次食pizza, 真是太熱氣。
因小的很鐘意食pizza, 所以在個多星期前, 見到這間得獎pizza店做團購, 就不理偏遠地方, 預購了一個12寸pizza。
甚少機會去到遠一遠的鰂魚涌, 今次因為去看30x30 展覽 (十分好看, 熱烈推介), 既然在附近, 就決定食這間pizza店。
先講食品, 我們叫是50/50 - 煙肉芝士漢堡拼水牛雞肉。
煙肉芝士漢堡 – 有生菜是面, 好特別, 不過食的時候有些麻煩, 生菜不斷跌下。酸瓜做配料,好醒神。這邊好特別亦都好好味道。
水牛雞肉 – 這邊辣辣地, 食到辣椒仔的味道, 鐘意這種味道的朋友應該好鐘意, 我自己就麻麻, 但總括來說都是好味!
如果總括這半個月的3件pizza來講, 我覺得這間新奇,創意配搭是拎滿分, 此店的餅底同配料都非一般香港巿面的pizza, 但如果講傳統款式, 芝士同餅底軟熟程度, 我會鐘意soho區的Daddyos。
今日因為有團購, 只是用了$59食到這個pizza, 真是物超所值。
講完食物, 要講服務, 因此店都幾混亂, 所以有以下好長篇的評論
根據coupon 所指示， 要早一天訂位， 我知這間店得2張枱 (其實他主打做外賣, 速遞, 我估若非團購, 他不會有人堂食…)
訂位經過....
我: 我想book明晚, 7,8點都得
Staff: 你講定啦, 你想幾點架!
好suprise, 咁少位星期日都有得揀,
我 : 你們明晚2個時間都得, 你冇其他客咩?
Staff: 你8 點黎啦, 我們7點有客 (我滴汗……), 咁你們要訂邊個pizza呀!
我: 吓, 而家要講架?
Staff: 係呀, 如果唔係你黎到咪又要等! (張coupon….冇寫明…)
我: 咁你們有乜推介
Staff(好唔耐煩咁講): 你自己上網睇啦, 我們有十幾款,你慢慢揀啦!
好, 我們7:45到達, 同個staff 講了訂了邊個pizza 啦! 咁我們早到,個pizza未ready是正常。
坐了一陣, 見到這間pizza店好混亂下。跟住聽到個staff 講, 個團購pizza焗了未呀, 個客到了!其他staff講, 未焗呀!
……結果, 我們個pizza 8點15分先到, 完全做唔到電話講的唔洗等。
有空閒的時間, 就8掛他們預備食物過程, 眼見他們焗完幾個意粉, 個staff要搵支叉逐個去睇下有乜料先知個個是乜意粉, 已經覺得他們好唔得, 點解唔係焗的時候有記認? 咁樣個意粉咪涷, packaging時間又慢了…
跟住就不斷聽到有個女staff, 係咁叫送外賣的double check, 係咁話個外賣唔double check,頭先拎錯袋。我覺得他們不如指定一個人check 貨, check完貨要貼張單是袋面, 咁就唔會拎錯。但 他們而家的做法是, 個女的將貨物入完袋啦, 外賣的收到order, 又再一次打開袋, 慢慢咁睇下齊貨未, 完全拖慢哂, 食物又會涷…
跟住又聽到他們送錯order, 話16 樓, 送了去6樓, 咁唔知間舖定個客錯。 總之個pizza返了舖,又要再送過。有個staff就話, 拎個pizza 入去焗爐慶返熱。點知過了一陣, 個staff再問個pizza入了爐未呀, 有個staff問發生乜事, 個staff又再重覆一次送錯單這件事, 跟住個staff先開始放個pizza入去…唔知個個客最終要等幾耐先食到個pizza
他們閒聊時, 個女staff好自豪咁講 “有個團購客, 今日話要訂位, 張coupon 今日deadline, 今日太多單, 叫他明日啦, 問他食乜野pizza, 話唔知, 我咪叫他上網睇, 跟住cut了他線” ß咁既待客之道都得…真是好佩服!
總括來說, 這間食店食物質素一流, 但是服務或經營手法9流。希望這間店有所改善, 我都想再幫襯, 不過下次要叫外賣, 仲要他們有機會開分店到九龍先得啦!
