祝大家羊年萬事順利

今日年三十喇~~

明日就過年喇~

係度拜個早年~~

祝大家撈到風生水起~

身體健康~

心想事成~

楊千嬅演唱會

嘩嘩嘩, 琴晚真係好HIGH, 睇完千嬅演唱會真係好興奮!!

本來對千嬅既熱愛程度已經少左好多, 但係今次個演唱會真係喚回我好多好多少時回憶呀!!

唱左好多估唔到佢唱既歌, 好似出埃及記、E715342、因為所以, 嘩諗返起個時我仲係細路一名渣!!

不得不讚千嬅唱功又進步左喇！

今次個嘉賓係郭富城, 當然無陳奕迅咁好啦, 但係點都好過容祖祖既!

郭富城一出, 成個場勁HIGH, 氣氛超好, 城城你係得既!

睇完後, 仲好想睇多場, 仲想睇埋尾場, 可惜已經無哂飛喇><!

（題外話：今次大會螢幕有delay，搞到佢好似咪咀咁
---------------------------------------------------------------------------

不過今日係網上睇到篇話千嬅既文章, 大致上係講話千嬅唱得普通, 樣又普通,乜都普通, 但係佢有好多好既幕後人員幫佢, 所以就成到名。

我真係要話比寫呢篇文既作者聽, 諗野唔好咁片面。 搵個五音不全既, 又成唔成到名呀?  千嬅唱歌技巧唔算好高, 但你如果聽歌淨係聽技巧, 咁你聽電腦唱就得, 個啲包保上幾多個八度都得架! 但千嬅既可貴之處係佢點樣投放感情落去啲歌度嘛！

仲有呀，佢自己既努力呢？你真係以為求其唱下歌就得呀？佢咁多年不斷出show、上電視、拍電影、練歌、練舞、錄音、做訪問。。。。



(相後補)

X Japan＿

自從10月12日睇完X Japan Live轉播之後，我又再度沉迷於呢班大叔喇！

10月12日X Japan終於在美國殿堂級場地－MGS舉行演唱會，雖然我無飛去美國睇，不過香港戲院有做現場轉播，於是我第一次以$250價錢入電影院睇Live。

今次戲院轉播，雖然同我想像有落差（以為音響會好勁，畫面質素有高清。。。點知。。），不過可以見證佢地終於衝出亞洲，去到美國，我超級興奮。

話說今次演唱會時間是香港早上8:00，入到場都未醒哂，又最近都係身體麻麻，只係坐係度睇佢地表演，我好好好期待下次睇佢地係睇現場同埋要傾哂起身係咁fing。

演唱會入面，Yo san講到以前會同Hide同Taiji要去美國開Show，今日終於成功左，可惜Hide同Taiji已經不在人世，佢講呢句既時候真係好感動，Hide, I miss U!

其實我只係鐘意左佢地兩三年，佢地已經過哂最輝煌既時候，亦都由後生仔變左做大叔。因為佢地已經一把年紀，所以唔知佢地仲可以玩Live玩到幾時，尤其係Yo san打鼓打到成身傷哂，我真係唔知佢可以捱到幾時！

今年對佢地都唔算狂熱，如果好似前年咁鐘意佢地，可能我會飛去之前個大阪演唱會（始終美國要拎簽証比較困難）

不過呢個時候要吐糟一下，Yo san你可唔可以唔好咁追求完美？等你地既大碟都已經等左五年，而新歌都仲係咁耐先得一、兩隻，我明白你要追求完美，但有時都要比啲時限自己架嘛！佢地出道成差不多廿年（扣返空白個十年），都只係出過三張大碟，即係大約30-40隻歌，仲要好多好Hit既歌都已經成三十年歷史，YO san你可唔可以加把勁，令我可以聽多啲你既歌呀！

好似有人講過要成為傳奇樂隊，隊中一定有成員死，而X亦都有一個隊員.....

結他手Hide在1998年意外生亡，不過就算而家睇返佢當時造型，就覺得佢時代觸角超好，走前了20-30年，我好鐘意他一頭粉紅色頭髮。

有時會諗如果Hide唔好咁鐘意杯中物，可能就唔會發生意外；但如果佢唔係性格乜都去到咁盡，佢又未必可以做到我地既偶像既！

好，講住咁多先，下次講主音的遭遇。

黃耀明太平山下演唱會2014

每次睇黃耀明演唱會都有少少失望，但我又每次都買飛，成日驚會miss左明哥精采的表演。

我其實只喜歡早期的明哥，在達明一派時期的、在《一一》時期的，之後的《窮風流》到近期的《太平山下》，我都只是覺得麻麻地。

我喜歡簡簡單單的明哥，現在的他是個很迷幻很重型電子的歌曲。

可能你會話以前達明一派都是電子音樂，不過呢我覺得達明一派的編曲相對來說無咁複雜，但現在明哥的編曲就好複雜，令到我感到有層隔模同佢既音樂。

講返個演唱會，個visual effect仍然好正，一開場見到個好靚既香港舊樓CG，真係好靚。

上半場主題係黃耀明自己既故事，由佢細細個開始講起，最鐘意就係睇佢細個啲相，但係呢部份唱得太多別人的舊歌，我接受唔到。（我鐘意啲歌手唱返自己歌多啲）

全晚明哥狀態一般，影響了演出，有時會唱到甩嘴。

中途唱《這麼遠，那麼近》有黃偉文出來講對白，本來應該好正既，但我隔離班師奶們卻覺得呢個係個笑位，不斷笑，又不斷叫Wyman個名，一首好歌就此被遭塌。

正如我上面所講，我真係麻麻地而家明歌的編曲，所以今次唱《你真偉大》同《一一》，我只覺得好嘈，無左以前既感動。

其實明哥把聲咁好聽，佢可唔可以再搞個不插電又或者做一個編曲簡單些的演唱會？

我只係想聽個簡簡單單的明哥演唱會，當然明哥想做一個有深層意思的演唱會都可以的，但始終明哥單飛的歌不像達明的歌般帶有政治性，做出來的效只有事倍功半，若真的想做有政治含意的表演，倒不如考慮做舞台劇。今次的演唱會，我只覺得力不從心，表達不到什麼深刻意思出來，又做不到一個唱到令人聽出耳油的演唱會出來。今次的演唱會，在我眼中就只是一個東一忽西一忽的演唱會吧了！

我好想聽到黃耀明唱以下幾首舊歌架，可惜今次仍然聽唔到。

《忽爾今夏》

《身外情》

《風月寶鑑》

《如果你愛我》

2013。音樂

又到每年頭回顧下上年既聽歌走勢

越近年尾就越記憶猶新，又好似係越鐘意。

1. 美麗到不能－藍奕邦
這首簡直是正面到不能既歌，而又唔似好說教，似藍奕邦同你傾緊計，講緊故仔你聽。
呢幾年都冇聽藍奕邦，因為佢之前啲歌實在太過懷舊喇，一聽就覺得我聽緊20年前既歌，我唔係好接受到啲歌玩懷舊。
好彩佢終於玩夠，返番黎喇！今次成隻碟我都好鐘意，期待藍奕邦下一張既大碟！


2. 音樂殖民地－CAll Star
一來好鐘意電子風格既曲風、二來首詞好得。首詞講音樂媒體發展經過，除左我冇經歷過黑膠碟，我都差唔多經歷哂音樂媒體既變化。



3. 我就是主角－ J.Aire

很愛王迪詩填的這份詞，很有意思！

『恐怕不再心跳　快樂記憶忘掉　高處去找奧妙
　小單位買到了　但夢已經生疏了　消散飄渺
　拋開一切需要　放任放聲撒嬌　再遇上生命浪潮
　來抱著這刻為盡情歡笑　明日呼吸可會繼續誰知曉』


4. 牆外之音－黃浩琳
作曲：黃浩琳　填詞：黃浩琳、游思行

係好後期先識得呢首歌，第一次聽已經好鐘意。同J.Aire一樣都是今年新人同埋都係唱作人。今次填詞仲搵左好耐冇見既游思行合寫，歌詞好有意思，係叫人唔好淨係追逐名利，好應該跟住自己感覺走，同J.Aire既《第一志願》、《我就是主角》既題材一樣，而我自己亦都超鐘意呢個題材。

5. Shine

愛迪生－Shine
作曲：James Ting 填詞：黃偉文

好想有機會去睇Shine演唱會。佢地既歌永遠都係咁正面！


6. 青春頌－許鋌鏗
呢首唔洗多介紹，我成日諗青春係咪已經遠離左我，定係老土啲講心境青春就得？


7. 任我行－陳奕迅
都係講成長既歌，究竟係隨波逐流定任我行開心？


8. 講多變真－沈震軒
十分期待的男歌手，有樣貎又有歌藝。


9. 世界劇團－馮允謙
呢首歌聽得好舒服，正！



10. My Little Airport
本來諗住搵十首2013既歌，但真係搵唔到，呢排最鐘意聽既係My Little Airport，佢地出道左好耐架喇，佢地既歌好有玩味，歌詞抵死，有時又會有啲黑暗，好特別的一隊組合！



往年的：
2012．音樂 

2011．音樂 
2010．音樂
2009．音樂
2008．音樂

搬blog+What I am listening?

琴晚先記得原來我唔記得搬BLOG， 唔係而家寫緊呢個， 係http://cantonpopsong.blogspot.hk/。搬左我差唔多三、四個鐘，終於算搬完喇。。。。

搬BLOG過程有苦有樂，苦就係要用好多時間，樂就係睇番以前自己啲post，睇番以前啲心機。

其實我都有個開blog癮，開左勁多blogs，有個講歌，有個講相，一個就係而家呢個，相個個好耐冇updater喇，所以遲啲都應該會放埋落呢度。

－－－－－－－－－－－－－－－－－－－－－－－－－－－－－－
琴日係屋企睇勁歌金曲馬拉松，聽到呢首歌，覺得好好聽，一定要post 出黎比大家聽下，　我好鐘意呢啲熱血追夢歌！（講開勁歌金曲，我真係好唔鐘意睇到阿蛋，可唔可以搵第二個做主持，見到佢我就轉左台喇）

黃浩琳－牆外之音



沈震軒－講多變真
估唔到呢個靚仔唱歌咁好聽！！佢就係My盛Lady入面個靚仔～～show 哂肌肉個個呢！



藍奕邦－美麗到不能
近期favour，越聽越好聽，超正能量既砍！！


馮允謙－世界劇團



J. Arie－第一志願
又係新人，呢首又係熱血追夢歌，都係好好聽！！！



最後梗係我既歌神－
Eason－任我行

人大左，而家成日都好鐘意hae係屋企，唔想有太多gathering .....

何韻詩Memento演唱會 2013

先利申一下，我唔係何韻詩既忠實fans，對佢既歌熟悉程度也只是好一般，唔知係咪今次個位唔靚啦，我覺得今次何韻詩演唱會唔係咁好睇。

今次我地坐正個bad of the “bad”既位置，＄380第32行轉角位，遠唔係一個問題，但轉角位就慘喇，睇唔到大電視；而我地不單睇唔到個大電視，係我地既正前方有兩大條電纜，呢兩條電纜陪足我地差唔多3個鐘，真係慘爆！

HOCC今次既衣著呢，我真係唔係好識欣賞，特別係個幾件扮真空既衫。同埋HOCC係我心目中係型架嘛，但今次演唱會比我既感覺係好90年代，我仲睇睇下話諗起少林足球既趙微。

開場呢套扮真空衫。。。唔識欣賞

另一套扮真空既衫。。。

今次唔知係咪因為多衫換，我覺成個演唱會既連貫性好麻麻，好似成日唱1,2首歌要等好耐先再有下一首歌咁！

呢對黑絲襪我都係唔識欣賞

開場時，HOCC狀態好似麻麻，有甩咀情況，個人覺得佢唱新歌順過唱舊歌。

我覺得睇佢賈寶玉唱歌好聽好多，今次唔知係咪兼顧太多野，反而麻麻定係我被佢啲衫嚇親．．．

最深印象就HOCC梁祝個段，特別係慢慢行上樓梯個Part，好感人，個part 真係做得好好。

套衫令我諗起倩女幽魂既小倩

最靚既一幕，好鐘意啲五顏六色既燈射落去～

另外深印象既係佢唱"滿地可"，之前都沒留意呢首歌，反而今次最鐘意呢首，佢話無論做什麼事，都唔好忘記初衷（大約意思），講完之後配合埋呢首歌真係一流！

最鐘意都係呢套衫

HOCC今次唱左陳百強"愛沒有不對"，好好聽；我其實冇聽過陳百強唱呢首歌，反而我係聽梁漢文唱架，梁漢文都唱得唔錯架！

何韻詩－滿地可

歌詞賞析-《今天終於一人回家》, Gin Lee

好耐無試過講下歌詞， 其實都唔算什麼分析，都只是寫番首歌講乜。
今次講的Gin Lee的《今天終於一人回家》，這首都已經是舊年的歌，但唔知點解最近我突然間愛上這首歌。

首歌講的是歌都失戀後,鼓勵自己走出幽谷,一個也可以很開心!

我試過放開一生之後墜下 墜下於幽谷三天之後站立 站立後看我 我身邊鋪滿靈魂碎	由歌者跳樓一幕開始，”放開一生之後墜下”來形容歌者的絕望，為了愛情放棄一切！ 「站立後看我 我身邊鋪滿靈魂碎」 很喜歡「靈魂碎」這個詞語，雖然被救回，但她的心已經散落於四周，失魂落魄，要再做回一個正常人，要逐點逐點拾回碎片。
片說 那管他 天大地大 別寂寞 誰會永遠兩個回家 忘掉昨日愛著誰 記住我是誰	碎片借喻自己，既然死過翻身，應該忘記從前的他，自己才是最重要
今天終於一人回家 今天終於堅強回家 不需要他 可以嗎 可以的 一個於路上才明白 披起一些傷痕回家 日後慢慢自豪地結疤 不要怕 只等過去過去吧	歌者起初都有疑問，是否真的可以自己一個，「不需要他　可以嗎」，但只要你行第一步就發覺是可以的，「可以的　一個於路上才明白」 時間可治療一切「不要怕　只等過去過去吧」
我發覺愛戀當中都是練習 練習於失戀當中都是浪漫 浪漫在信我 我彎腰執過靈魂碎	詞人用頂真方式,以突出當中的連鎖關係，戀愛／練習／浪漫，失戀也可以很浪漫
碎片說 那管他 天大地大 別寂寞 誰會永遠兩個回家 忘掉昨日愛著誰 記住我是誰
今天終於一人回家 不需要他 可以嗎 可以的 一個於路上才明白 披起一些傷痕回家 日後慢慢自豪地結疤 不要怕 等想再愛再愛吧
今天有風吹 竟覺得有點虛 靈魂和夢統統可以碎 可以嗎 可以的 若是無路退 便漂亮行下去 今天終於一人回家 今天終於堅強回家 不需要他 可以嗎 可以的 一個於路上才明白 即使孤單回家 笨亦是我選擇 不要怕 只等過去過去吧 不要怕 可知有我愛我嗎	「靈魂和夢統統可以碎 可以嗎 可以的」 歌者又再問自己，靈魂和夢碎了，可以嗎？前文其實已經答了「浪漫在信我 我彎腰執過靈魂碎」，現在再重申一次，是可以的，只要堅持下去，「不要怕 可知有我愛我嗎」

Listening to...Gin Lee 《今天終於一人回家》

上年的作品，最近不斷重聽，越聽越有味道！



今天終於一人回家
曲：馮穎琪
詞：周耀輝

我試過放開一生之後墜下
墜下於幽谷三天之後站立
站立後看我 我身邊鋪滿靈魂碎

碎片說 那管他 天大地大
別寂寞 誰會永遠兩個回家
忘掉昨日愛著誰
記住我是誰

今天終於一人回家
今天終於堅強回家
不需要他 可以嗎 可以的 一個於路上才明白
披起一些傷痕回家
日後慢慢自豪地結疤
不要怕 只等過去過去吧

我發覺愛戀當中都是練習
練習於失戀當中都是浪漫
浪漫在信我 我彎腰執過靈魂碎

碎片說 那管他 天大地大
別寂寞 誰會永遠兩個回家
忘掉昨日愛著誰
記住我是誰

今天終於一人回家
今天終於堅強回家
不需要他 可以嗎 可以的 一個於路上才明白
披起一些傷痕回家
日後慢慢自豪地結疤
不要怕 只等過去過去吧
不要怕 等想再愛再愛吧

今天有風吹 竟覺得有點虛
靈魂和夢統統可以碎 可以嗎 可以的
若是無路退 便漂亮行下去
今天終於一人回家
今天終於堅強回家
不需要他 可以嗎 可以的 一個於路上才明白
即使孤單回家
笨亦是我選擇
不要怕 只等過去過去吧
不要怕 可知有我愛我嗎

懷念張國榮

很鐘意張國榮這個mtv, 入面的風光如畫, 歌詞也很有意思。

哥哥, 祝您在遠方愉快!

我（國） 張國榮 Leslie

作曲： 張國榮   作詞： 林夕   編曲： 趙增熹

I am what I am

我永遠都愛這樣的我

快樂是　快速的方式不只一種

最榮幸是　誰都是造物的光榮

不用閃躲　為我喜歡的生活而活

＊我就是我　是顏色不一樣的煙火

　天空開闊　要做最堅強的泡沫

　我喜歡我　讓薔薇開出一種結果

　孤獨的沙漠裡　一樣盛放的赤裸裸　＊

多麼高興　在琉璃屋中快樂生活

對世界說　甚麼是光明磊落

--------------------------
不知為何放不到土豆網上來
http://www.tudou.com/programs/view/1S2wkWboZNc/

郭富城舞臨盛宴演唱會2013．安哥篇

今次看的是本來是尾場的3月22日，不過當然是有加場．．．看不到城城的除衫！

不知是否因為星期五又或是坐山頂的關係，觀眾們都好似好疲累，氣氛不甚熱烈！

而城城今晚上半場唱歌表現麻麻，幾首歌都入得不準，而key也好像有些不對。不過好在城城的強項－跳舞仍然是這麼好，而今夜更發覺他真的是很會說甜言蜜語！

今次演唱會，

• 造型好似動畫人物，銀河鐵路999?
• 城城再沒有表演樂器，我很懷念他的色士風同鋼琴
• 唱《脈搏》時冷了一半的場
• 城城與台上播著電腦動畫互動跳舞一幕很精彩，但缺點是因為太黑，好難見到他正在跳什麼！
• 叫大家開閃光燈的一幕，很美很美！
• 有架名車出來，不過可惜我是坐是離架車好遠的地方，看不到！
• 除了車，仲有隻白馬出來，但隻白馬好假．．
• 最尾的跳彈床環節，看似簡單，不過城城話過這個環節其實是最危險的，最後見他成功打了幾個筋斗，好強勁！
• 仍然沒唱《純真傳說》

好，仍然期待城城下次演唱會，今次唱片用S95拍，都不錯啊！

燈光效果一流


見不見到被抬高了的城城


同郭富城最近距離




好靚，現場仲震撼！




鐵幕誘惑

白馬王子


－－－－－－－－－－－－－－－－－－－－－－－－－－－－－－－－－－－－－－－


完場後，意猶未盡，回家又重溫城城2005演唱會（光頭的那一個），發覺那一次演唱會真的很classic，特別是舞蹈編排上，有不同類型的舞蹈：ballet、現代舞、hiphop等等。原來那次的演唱會，城城邀請了幾位不同的舞蹈老師編舞，連日本的大師都請了來，就因為有不同風格的老師編舞，完完全全豐富了2005年的演唱，令觀眾看到這個精彩及創新的演唱會！

Listening to...Adele & Juno Mak

第一次接觸Adele是因為關淑怡重唱她的《Skyfall》，最初都不是太喜歡Adele磁性帶沙啞的聲線，不過估不到後來越聽越鐘意！最近成日開住youtube聽！


《Someone like you》


《Turning Table》


之前夜晚重播《仁心解碼》，聽到這首由麥浚龍唱的主題曲《荒島隔岸》，覺得好好聽！（同朋友傾起，先知原來大不家不認得是Juno唱的．．．）

林一峰遊樂會2013

 

突然其來的機會看《林一峰遊樂會13》，今次林一峰在伊館舉行紀念他十周年的演唱會。

今次演唱會同上次《一峰一人一結他》最大分別是今次full band上陣，不過呢，我比較鐘意一峰的音樂靜靜地，Full band伴奏反而覺得好嘈。

今次演唱會的Slide好好看，出歌詞出得好靚，間中還有些插圖，讚！不知一峰是在搞氣氛，還是他本人也是如此，今次勁多爛Gag！(當中他講話鐘意林峯既，應該不會聽他的歌．．．我想講呢，我其實2個都鐘意架！)

 聽完今次演唱會，發現自己最鐘意一峰的歌是《十七歲》，很感人！

 

多才多藝的林一峰！

吹口琴中

Encore是場中出場

好Chok!

關淑怡Your Favourite演唱會 2013尾場

第二次看關淑怡演唱會，因覺得上次十分好看，所以今次特地買$280!

 

今次快歌的比例很大，差不多七成，我其實偏愛她的慢歌。一開場有她翻唱Adele的歌，我鐘意她把聲線多過Adele。

 

差不多Ex（即是翻唱別人歌那隻）大碟的歌都有唱，好似《李香蘭》（我好麻麻，雖然我知好難唱）、《深夜海灣》（好聽）、《夢伴》、《拒絕再玩》（麻麻），我自己是麻麻地翻唱別人的歌！ 關淑怡病了，很多高音位都不夠圓潤，而且好似有些不夠氣的情況出現。平時見關淑怡覺得她是一個冷冰冰的人，今次看她演唱會又覺得她是頗熱情，亦都有努力搞氣氛。 

不知是否因病，所以很多嘉賓，我個場有黃耀明（竟然不是唱《萬福萬利亞》，而是唱《漩渦》）、CAllStars（好聽，不過合唱時，CAllStars太大聲，Shirley把聲完全聽不到）、李克勤（首合唱歌好好聽），每個嘉賓都有獨唱環節（我好麻麻），我個人來說是不太喜歡嘉賓的，因會少了聽主角唱歌的時間。

   

好多新歌都冇，好似我最想聽現場的《地盡頭》、《三千年前》 總括來說，今次比她上次的演唱會略為遜色，但都是一個好好的演唱會，我期待她說明年的廿五週年演唱會。

 最鐘意她只有簡單音樂伴奏的一part,可惜太短。 

 

唱人生可有知己,好touching!