黃子華棟篤笑 - 娛樂圈血肉史 II

前前後後睇過3次黃子華的現場楝篤笑, 這個是我看過最好睇的一次。睇他上一個show 時, 真係覺得他有少少江郎才盡, 但今次可能係因為講番他自己, 就算係講以前, 都唔會覺得好out !

開場個時有意外發生, 就是黃子華支咪無聲, 即刻群情洶湧啦!  好彩黃子華好有急才, 將危變機。

今次個talk 是主要講他近十年發生過的,  可能真是人睇人好, 他唔講真是唔知他的路都咁崎嶇。 最感動是他講他在內地拍溥儀的一段, 有時真是就算你幾努力做, 都要天時地利人和。 另外, 聽到他話用左20年時間先可以踏足到紅館, 其實真係有些少心酸。雖然唔知他是為了搞氣氛, 還是他自己唔想是紅館開show。

Get到的point :

無夢想的人會被有夢想的人迫死

可能你做緊的唔係你自己預期, 但都應該盡力做, 可能因為你做得好這樣, 而被你有機會做到你想做的

你係咩就係咩, 唔好要求人地個樣

揹得就揹

其實個talk入面我覺得仲有好多points未get到, 到時出DVD真是要重溫一下。

上網睇黃子華這個show 的評語的時候, 睇到有人話黃子華是一個『悲觀中積極的人』, 以前未聽過這種生活態度, 聽完又覺得幾有道理, 要改變對事物的睇法好困難, 但當要想辦法應對的時候, 就應該可以想得積極.........

玩得起 - 詹瑞文

無意中看了詹瑞文的 『玩得起』DVD, 本來還以為是楝篤笑, 睇下睇下原來是個工作坊, 不過都好好笑。

最深印象是Enjoy your failure個part, 他話

“BB學行路, 跌低會好開心咁爬起身再學過; 而唔會跌低之後好嬲咁講聲Shxt”

一聽完就覺得佢講得好啱, 現在做事很多事都會畏首畏尾, 說到底都是因為驚失敗, 但其實可以好似詹Sir咁講Enjoy your Failure, 就算失敗後都可以笑笑口起身!

好推薦大家看這部DVD, 在結尾還有少少詹Sir與觀眾的真誠對話, 可以睇得出詹Sir點看他的事業, 他的理想好宏大, 表演不單只是為了賺錢同帶歡樂給人, 而是希望透過他的表演同教學來帶藝術給香港人。(好偉大的理想, 詹sir 果然與眾不同!!)

一期一會

看完一期一會舞台劇，覺得今次W劇團個舞台劇麻麻，可能是座位的問題，也可能期望太高。

劇裡描寫了好多段情，支線太多，劇情推得太快，每 段情還未健立得好，就完結了！

好像加奈（盧凱彤演）與一男一女的三角關係，只用一、兩幕就帶出她選擇了誰，但她何以有此選擇，劇裡好像完全沒有帶出。而健次（梁祖堯演）的那段情，也發展得很快，由一夜情很快就到深愛，惟有話他對那個女的一見鐘情罷了！

當然劇情賣點是講他們數人的友情，不過我覺得劇中他們遇到的困難太多，每次都以好短篇幅來講件事情的來龍去脈，對於描寫他們如何一起克服困難時候，不夠深入，只知道他們總是在 一起吧了！

劇情也有些反駁的地方，林一峰在初期是自閉症患者，病情有幻覺的出現，不過劇裡只是用說他的朋友和他講幾句，一峰就痊癒了，這 好像用太膚淺的角度來看自閉症這個疾病。

總括來說，承接了一貫W劇團的風格，笑料集中在上半場，而感情戲就在下半場，感覺是不夠統一，而 此作沒有W劇團之前的作品那麼感人及細膩，不知如果加入了趙學宜的話，這劇會否好看些呢！