我看叱吒勁歌2009

唔知點解今年叱吒變了下午開始,無線有得直播,不過都幾好, 唔洗捱眼瞓看!

今年點滴:
- 蘇永康竟然坐在第一行 
- 方大同拎好多獎,不過我很out地說,我沒怎麼聽過他的歌, 可能由於天生對R&B抗拒。
- 歐陽靖竟然拎到一首金曲, 但佢現場rap中文都幾差, 怪怪地!
- JUNO同側田的歌hit過歐陽靖, 點會冇獎。
- 點解成日影住黃偉文。
- Eason最近唱歌差了。
- 基仔打嬴Eason, 不過都是拎銀獎。
- 原來現在無了樂壇班霸這個獎
- 林二汶件衫真的好似朱咪咪(在apple看到這形容,心有同感)
- 何韻詩竟然一個獎都冇
- 新人獎金獎都冇得唱歌...
- 男新人金喊得有些誇張... 

今年勁歌又咁早舉行, 我一點兒都唔知, miss左...
- 只在youtube看了很很很少部份, 點解總未有人upload上去既
- 關心妍一段超爆笑, 我而家諗起都識笑
- TVB是不是玩黃宗澤,點解佢會被抽中,慘出洋相。
- 王祖藍唱歌好得,勁呀!
- 無線囡囡著的衫都有些老土,鐘嘉欣同胡杏兒著到老氣橫秋。鐘嘉欣套衫好似汪明荃台慶的衫!
- 同容祖兒唱那位新人都一流!
- G.E.M. 好惦!!
- 其實關心妍應該一早知有獎拎, 只是她以為是傑出, 點知是金曲獎...
- 好高興千嬅拿女歌手, 其他人鬧不打緊, 最緊要是都已成事實!- 千嬅件衫好得意, 有結他又有lego- Eason唱k歌之王時都有少少失準
- Eason最後話『唔講,唱歌!』我覺得好型同不覺得他是發脾氣!
- 暫時只看到咁多, 其他未有機會看到


其實都只是一場遊戲, 大家何必咁勞氣!(借千嬅說話一用)

2008音樂回顧

2008的樂壇對我來說好平淡, 不知是我out了、還是事實如是。
回顧一下2008年的樂壇
一年之最
由年頭講到年尾的陳冠希事件, 應該是最最最熱爆的新聞啦!事件影響到2個音樂單位 - 陳冠希同亞Gill都差不多要退出樂壇,
叱吒一時的Twins可能從此都不能再現樂壇了。其實講真影房照這些都是他們的私人事, 是香港的人又要睇又要傳又要批判吧了!
回歸
鄧健泓同陳曉東都雙雙回歸樂壇, 2個都是我鐘意的歌手, 不過回歸成績平平, 不知下年會否再接再厲!而不見了一排的衞蘭也終於出了碟, 一直好不明白為何公司在她紅的時候突然停止她的歌唱事業。

演唱會
今年看了很多很好的演唱會, 有千嬅All the love、張敬軒、關淑怡Unexpected 同東亞華星演唱會。千嬅演唱會好好看, 唱歌好好同好有感情, 看得出千嬅的用心, 好感人的一個演唱會。張敬軒演唱會, 唱歌好有水準, 跳舞都唔似其他人講得太差。關淑怡演唱會就真是unexpected的好。東亞華星演唱會是一個充滿回憶的演唱會。

唱碟
今年鐘意的唱碟有:


『Words of the silence』 -麥浚龍 - 做得很好很有誠意的一隻碟。
『舉高隻手』-農夫 - 好搞鬼的一張唱碟, 歌曲正面, down down地時候聽一流。
『Continue』-周柏豪 - 我自己好鐘意的一隻EP。而周柏豪又演譯得好好!
『Binary』-謝安琪 - 慶幸謝安琪沒有向K歌/情歌那邊發展, 這張保持她一貫風格, 可喜可賀。
『阿田』-側田 - 好多元化的一張唱碟, 看得出側田的用心!
『King of the Road』-黃耀明 - 有人話這張比『若水』差,
但我卻覺得好好聽,玩Country Music, 好舒服的一隻碟!
『Viva da vida』-Coldplay - Very good album
『Wonder Miriam』 -楊千嬅 - 這隻碟我只有一半喜愛,好希望千嬅可以回復當年勇。

歌曲

『然後怎樣』、『酷兒』、『貪生怕死』

其他

何韻詩, 覺得阿詩好勢利,可以不顧巿場,好勇敢的做了這張關注一群弱勢社群的大碟,
若然香港樂壇可以多些阿詩這類歌手就好了!