最近在Youtube 裡追看一套紀錄片，叫做 "UP Series"，是紀錄一群小朋友，由他們七歲開始，每七年訪問他們一次，紀錄他們成長中不同的階段。我在看的那輯是"56up"，他們個個都已經由7歲小朋友變成56歲的老人家，看這個節目就好像看著每個人的一生。
在網上見到有人話如果由7歲特輯開始看，會更加投入同更能了解受訪者的感受喎，等我遲些都搵來看看先。
入面最深印象是Neil ，他的轉變最大。他在二三十歲的時候窮到流落街頭，但到四五十歲時，突然成為了一個議員，雖然不是太清楚中間發生什麼事，但能有這麼大的改變，實在佩服他的毅力。不過有少少可惜的是，最終Neil都是不快樂，他說是因找不到其他工作，才做議員（但明明在之前訪問說從政是他是志願），他的夢想是要做一個作家。
還有的是上等人真的是有優勢的，片中有三位富有小朋友，他們在七歲時已被安排入讀名校，受訪時既問答就已經有人教路。
(我當時係youtube到搵到，仲有中文字幕，不過搵唔返。。。。。）
今日睇區家麟的blog: http://aukalun.blogspot.hk/（區家麟個Blog有好多好有意思的文章，強烈推介給大家。），其中一篇講運氣，講一個人的成功，或多或少都是因為運氣，但最緊要的是你要努力裝備自己，等有好運到時都識把握。
我都好想努力裝備自己，但我自覺自己又真係好懶，點先可以叫自己勤力啲呀！？
2015年2月26日星期四
新年喜喜喜四日假
恭喜發財, 祝大家身體健康!!
一連放四日假
年三十晚
夜晚晚去左行維園花巿, 我地都已經成一點鐘先入到去, 但都逼到痴左線, 人貼人個隻, 咁結果梗係乜都睇唔到啦!
不過好搞笑, 係花巿買左個地拖, 個Sales 真係好識sell, 講到好好, 咁100元都可以試下既 :)
年初一
梗係拜年啦, 班細路拎左我部電話去打機, 仲要打到勁興奮, 真係好誇張。
佢地本身都有IPAD架, 見佢地睇既節目, 我心都寒埋
佢地而家睇緊普通話既兒童節目....
對於我呢啲唔識講普通話既人, 真係覺得佢地好上進!
夜晚就留在係屋企睇左套西班牙片...個名好似叫『我的美麗XX』, 睇睇下又幾好睇喎~得閒講下先。
年初二
去左冬日嘉年華, 每位$125, 包10個金幣。本身無諗住自己咁鐘意玩攤位, 哈哈, 玩開有條路, 玩得勁開心, 仲好想換多啲金幣玩, 不過成$10一個金幣，實在太貴喇！下次去冒險樂園玩啦！
入去玩其實係想影下相，因為好少見咁大型既活動係香港，不過最後太夜，又無乜影到相喎，拍左個少少video，遲啲放出黎比大家睇下。
冬日嘉年華出面係摩天輪。。。不過個摩天輪啲燈有啲唔識著，點解咁快壞架！
年初三
好晏起身，不過都入左長洲。好好彩咁啱有快船，都幾貴架，成$40一程，但就真係好快，半個鐘就到喇！
入到去人山人海，勁勁多人。
原來長洲初一至三又係會有小販出動架～有一檔賣壽司，啲壽司無雪住架喎，我地本來諗應該無乜人食既啫，點知。。。。都有唔少喎！
年初四
係屋企hea啦！睇埋＂選戰＂，都真係幾好睇，係有幾處地方我覺得有啲唔合理啫！
可能今日臨近返工日子，反而都唔知自己做得乜，結果乜都無做><
－－－－－－－－－－－－－－－
就係咁一連四日既假完結喇。。。
要等復活節喇～
一連放四日假
年三十晚
夜晚晚去左行維園花巿, 我地都已經成一點鐘先入到去, 但都逼到痴左線, 人貼人個隻, 咁結果梗係乜都睇唔到啦!
不過好搞笑, 係花巿買左個地拖, 個Sales 真係好識sell, 講到好好, 咁100元都可以試下既 :)
年初一
梗係拜年啦, 班細路拎左我部電話去打機, 仲要打到勁興奮, 真係好誇張。
佢地本身都有IPAD架, 見佢地睇既節目, 我心都寒埋
佢地而家睇緊普通話既兒童節目....
對於我呢啲唔識講普通話既人, 真係覺得佢地好上進!
夜晚就留在係屋企睇左套西班牙片...個名好似叫『我的美麗XX』, 睇睇下又幾好睇喎~得閒講下先。
年初二
去左冬日嘉年華, 每位$125, 包10個金幣。本身無諗住自己咁鐘意玩攤位, 哈哈, 玩開有條路, 玩得勁開心, 仲好想換多啲金幣玩, 不過成$10一個金幣，實在太貴喇！下次去冒險樂園玩啦！
入去玩其實係想影下相，因為好少見咁大型既活動係香港，不過最後太夜，又無乜影到相喎，拍左個少少video，遲啲放出黎比大家睇下。
冬日嘉年華出面係摩天輪。。。不過個摩天輪啲燈有啲唔識著，點解咁快壞架！
年初三
好晏起身，不過都入左長洲。好好彩咁啱有快船，都幾貴架，成$40一程，但就真係好快，半個鐘就到喇！
入到去人山人海，勁勁多人。
原來長洲初一至三又係會有小販出動架～有一檔賣壽司，啲壽司無雪住架喎，我地本來諗應該無乜人食既啫，點知。。。。都有唔少喎！
年初四
係屋企hea啦！睇埋＂選戰＂，都真係幾好睇，係有幾處地方我覺得有啲唔合理啫！
可能今日臨近返工日子，反而都唔知自己做得乜，結果乜都無做><
－－－－－－－－－－－－－－－
就係咁一連四日既假完結喇。。。
要等復活節喇～
2015年2月17日星期二
超能煞姬Lucy (超體) 有啲詭異
最近睇多左戲, 因為呢排唔想打咁多機，就連電話都放左幾套戲。
今次套戲內地譯＂超體＂，香港就叫＂超能煞姬＂，係由法國導演洛比桑拍，講個女主角Lucy因為一次意外，吸入過多藥物，令到佢個腦既潛力去到100%。
今次套戲內地譯＂超體＂，香港就叫＂超能煞姬＂，係由法國導演洛比桑拍，講個女主角Lucy因為一次意外，吸入過多藥物，令到佢個腦既潛力去到100%。
個故仔好吸引，但拍唔拍到出黎又另一回事。
開頭導演係中間穿插動物弱肉強食片段，製做蒙太奇效果，我自己覺得有啲老土加突兀。
跟住都搞左一輪, Lucy被黑社會捉左去運毒, 跟住意外啲毒係佢體內釋放, 佢就開始變做超級人類。
劇中穿插著Morgan Freeman扮演教授講解人腦發展, 不過唔知點解我覺得Freeman唔似教授....
同埋講解個段都悶, 導演又搵左啲Discovery Channel 既片, 但真係好無趣。
Lucy變左超級人類時候, 明明搵到個黑社會頭目, 但又無殺到個個黑社會頭目, 結果最尾就黑社會頭目同警察槍戰, 個幕拍得好混亂, 搞到好似笑片咁。
而最後Lucy變左隻USB手指出黎。。。。但又話自己係everywhere.....咁係咪唔洗變隻手指出黎, 同埋變隻USB出黎有點兒lowtech....
套戲我自己就麻麻, 其實好似好計算, 好commercial，好似跟住電影公式拍既戲咁，有打鬥、有槍戰、有飛車。。。
6/10
2015年2月12日星期四
我們都是這樣長大的 Boyhood
點解會去睇呢套戲?
因為睇好多雜誌同FB話呢套片好特別, 導演係用左12年時間, 每年拍少少咁, 等觀眾可以真實咁睇到主角既成長, 唔係靠化妝, 又唔係搵相似既人去拍。
咁係幾特別既, 但係故事就好平淡。我諗如果你係美國既男仔, 應該會有共嗚好多, 但係我睇到覺得有啲悶。咁係既, 講真成長個個都差唔多, 除非你係當事人, 又或者係當事人既親人, 其他人真係無乜感覺。
睇套戲時覺得個美國離婚率真係好高, 主角個媽咪都離左婚3次, 最深刻有幕媽咪睇住個仔要離開自己, 佢當時好唔開心, 因為佢辛辛苦苦養大哂一對仔女, 結果由個一刻開始佢好似只係剩返佢一個人咁。其實成套戲個媽係最好睇, 因為佢既戲係最多起起跌跌。
有幕主角同女朋友話, 社會好叻, 將大部份人變哂做機械人, 日出而作, 日入而息, 仲要識自己照顧自己, 根本就唔洗發明機械人。 (大約意思)
我都覺得每日返工放工食飯訓覺既生活, 真係好似機械人, 但又好似好難先可以逃離呢個既困境。唉!!
套戲我自己麻麻, 仲要成差不多三個鐘, 應該唔會再睇第二次, 我真係唔識欣賞。
PS: 入場睇個日, 仲發緊燒, 咁都捱到, 比啲掌聲自己。啪啪啪!
(個男仔細個都叫幾得意, 不過大個左呢就.........真係仔大十八變)
訂閱：
文章 (Atom)