2012年2月13日星期一

Concert YY 黃偉文作品展

  • 這個音樂會簡直目不暇給,數一數今晚就見到超過10位歌手仲要好多都是天皇巨星!!
  • 一路睇一路好驚喜因為不知道誰是下一刻的歌手又不清楚他們會唱什麼歌。每首歌出intro時就好似玩緊估歌仔遊戲最記不起的歌就是許美靜《傾城》一直都無留意這首是Wyman的手筆。 
  • 粒粒巨星,充滿各人對Wyman愛的音樂會。有好多已經好耐冇出現過的嘉賓好似盧巧音、李蕙敏和彭羚。 
  • 盧巧音已經好耐無在香港樂壇出現好期待她可以再戰香港樂壇或者她在較小型的場地再開音樂會我都會支持! 
  • 鄭融唱現場好聽。
  • 李蕙敏再出來唱《(你沒有)好結果》及《活得比你好》是一件好感動的事, Wyman都講話《(你沒有)好結果》是打開他千萬之門的一首歌,令到更多人找他填詞同賞識他,不過我覺得遺憾的是李蕙敏的聲線變得沙啞,已經不能夠唱回她應有的水準。
     
  • 陳奕迅的出場真是一個大surprise, 仲唱5首歌咁多真是太開心!原來自出道而來陳奕迅自己作的歌都會給Wyman 填詞他唔講我都留意唔到!《時代曲》、《反高潮》、《沙龍》 -這3首都是Eason 作曲 《 浮誇《傾城》
    另再唱了《 浮誇《傾城》
  • 另外一大驚喜就是Eason唱《傾城》,不過我都是比較鐘意聽女仔唱這首歌。
  • 一直都知有『男人玩具五部曲』,但就不知道有『垃圾五部曲』,雖然Wyman話覺得好可惜不能完成這五部曲,不過我自己覺得有這4首都已經好圓滿。4首包括絕、垃圾、漩渦、破相 (全都是陳輝揚作曲的) (P.S 當年勁鐘意陳輝揚作的曲直頭想因為他而學鋼琴) 
  • 我好記得當年傅佩嘉《絶》一出,就已經好鐘意,不斷repeat這首歌聽,今日可以是現場聽到傅佩嘉唱這首歌,真是十分興奮。總覺得好可惜傅佩嘉不能憑這首歌在樂壇中彈起。 
  • 彭羚把聲真是天瀨一出聲就令全場哄動!  同容祖兒唱的那一part, 我自己覺得容祖兒被比下去。 
  • 完場的那一節設計得好好各個歌手一起唱好圓滿的一個結尾。Wyman話他自己再看自己寫的歌詞好多時都以同一個意思結尾大家又可以留意一下究竟是什麼。 
  • 看這個音樂會,可以感受到Wyman同各歌手的感情,特別是陳奕迅話直頭當Wyman是家人,十分感動。 
  • 到場嘉賓陳奕迅、容祖兒、何韻詩、鄭秀文、黃耀明、傅佩嘉、周柏豪、鄭融、薜凱琪、彭羚、盧巧音、張敬軒、蘇永康
 P.S. 入到場先知道自己坐紅館最後一行,就覺得今次好幸運可以買到飛來睇wyman :)
看完這個音樂會,重新燃起我對歌詞的熱愛,好多年前就想為歌詞起一個網頁,但結果一拖再拖,連對歌詞的興趣都漸漸減退,不過這個音樂會後, 令我重新再想這個構思的可行性。暫時整網頁比較困難,就先起個blog
其實我文筆一向很差,所以一直以來都無信心/能力可以做到一個關於歌詞的網頁。不過最近在想,這個網頁如果作為以記錄為主,可以讓更多人知道有關歌詞的事,也是一件美事。
....自己開了超多個blog, 見到都覺得有些可怕。 

2012年2月9日星期四

2011.音樂

今年到2月頭先post這篇出來, 我承認我太懶了, 好開始講下2011年我鐘意的歌先:
1.《年少無知》、《天與地》
相信大家有看這套富爭議性的劇集的話, 就一定不會對這2首歌感到陌生。


而我就好鐘意《年少無知》這首歌, 到而家都會無啦啦哼起『如果命運能選擇…』, 首歌歌詞淺白易明, 最重要是他真是有跟返個角色來寫歌詞, 好似鼓佬個段, 就將差不多將他是劇入面的一生講哂出來。 

『年少多好 頑劣多好
不甘安於封建制度裡
  迷信上街真理會達到
旗幟高舉 群眾聲討
不惜犧牲一切去上訴   權貴的想法太俗套
只可惜生活是一堆挫折 只可惜生命是必須妥協』
首歌寫到成長的無奈, 社會上成功達到理想的人有幾多? 相反好似這首歌講既, 大家不斷長大, 要向現實低頭既就好多人。

 2. 《那誰》蘇永康
這首簡直我覺得是今年的神級之作, So永康強勢回歸之作。
 這首歌好似醇酒咁, 聽完會想再三回味, 不斷repeat。
希望So哥可以在2012年繼續有第二首神級之作啦!
P.S mtv好好睇

3.《你們的幸福 / 十二月二十》謝安琪
我覺得今年謝安琪出這隻碟, 真是好正。
好鐘意她的歌是有社會感, 講真我聽廣東歌咁耐, 有幾多個pop singer的歌是咁社會化。好似首十二月二十, 拎了末世來借題發揮, 講香港富商的霸權。而首你們的幸福就講了香港人對社會事的麻木。

4.《我總是一個在練習一個人》
之前林出第一隻碟的時候, 都有嘗試去聽他的作品, 當時就覺得他隻碟太雜亂, 未有個人風格。但來到這一張的時候, 就比了一種耳目一新的感覺我。
PS. 2011年聽多了國語歌, 雖然暫未遇到令我有沉迷的歌手, 不過聽他們歌又令我覺得好清新, 可能因為他們音樂類型真是多好多。

5.《因為愛情》 陳奕迅 x 王菲
這個簡直是夢幻組合, 首歌亦超正~

春晚當晚, 王菲確實唱得有點..囧

6. 《六月飛霜》陳奕迅
林夕填得非常好的詞, Eason好正的演繹。
好鐘意Eason是新城頒獎禮的演繹


 
7. 《Can’t bring me down黃貫中
我唔確定我之前有冇聽過這首歌不過是叱吒個晚聽過之後就好鐘意。  其實我真是好鐘意熱血的所以這首熱血歌好click到我!
一路都好鐘意亞paul, 希望他2012年繼續rock落去~
8.《It’s a beautiful day 鄭伊健
這首我估是今年掛,雖然我自己都唔係好肯定。
其實鄭伊健唱歌麻麻, 不過他的歌又真是好易聽入耳, 仲要這首歌有種好開心的氣氛, 每次聽都覺得好開心呢!
9.《In the end》何韻詩
這首應該是2010的歌, 但是呢….我2011先聽, 所以唔理喇照放落黎先。
我好後期先找返hocc這隻碟來聽, 說實在真的好好聽。
10. Deadline》張敬軒
來一個首尾呼應先, 這首應該是我2011年頭post的歌, 到這個2012年頭我都仍然咁鐘意這首歌。好有意的的一首歌詞~
 -------------------------------------------------------- 
今年年頭看完叱吒的感覺就是我好out…
先講個十大叱吒歌曲
李克勤《天河》- 好似只聽過1,2次…
容祖兒《牆紙》- 是頒獎禮個刻我先聽第一次, 我覺得《花千樹》HIT 啲
方大同《好不容易》- 是好聽, 但至尊咁誇張?
其實我一心以為謝安琪一定拿到歌曲獎, 因為首《十二月二十》不斷是叱吒聽到, 點知只得個女歌手獎, 唔知同她要同唱片公司解約有冇關係。
2011樂事 
  • 我一直好鐘意岳薇首《如果我會飛, 簡直百聽不厭。隔了咁多年, 岳薇終於再出碟, 隻碟我自己就普普通通啦, 不過都想她再有第二隻碟, 繼續落去。
  • 今年睇了好多個演唱會, 最印象深刻就是千嬅Minor Classics Concert, 真是十分讚!!
  • 郭富城演唱會, 十分好睇, 佩服佩服!
  • 王苑之演唱會, 藝術性甚高, 可惜我今次坐大側邊, 好多影像都看唔到, 希望再睇一次正面的!
  • 賈寶玉舞台劇我自己就理解不到, 但是我就由這個舞台劇開始, 開始鐘意上hocc, 好欣賞她的努力同她唱現場的感染力, 搞到我想買返她個home coming concert來睇。
  • 鄭伊健演唱會, 氣氛爆燈的演唱會, 鄭伊健你係得既, 我仲好希望你繼續唱歌!!
  • 許志安演唱會, 可以再唱多啲經典歌, 又或者好似千嬅咁搞個小型但是就首首都classic的演唱會就一流喇。

唔知點解年紀越大越少聽歌,又或者講而家多數聽來聽去都是某幾個歌手,自己都覺得有些少out out 地...(每年都講一次...= ='|| )