好耐冇旅行之台南之旅

很久沒去旅行, 今晚心情緊張~~不知道好不好玩~

不過最緊張的是天氣, 看天氣預告是五天都是下雨天!!

希望到時天朗氣清, 我要影好多靚相呀!!!

Sleeping all the Days

我人生可能有一半時間都在睡覺....近來聽到有2首歌都講睡覺, 完全好係我的心聲!!
特別是藍奕邦首<賴床>, 裡面寫『越睡越是累 越累就越睡』, 好到肉的歌詞, 我有時可以瞓10小時以上, 唔願起身, 只想繼續訓, 就算起左身, 都會覺得很累。藍奕邦可以寫到咁到, 唔通佢都係賴床人仕? 我就如歌中所講有時睡覺只是想逃避, 好多時有煩惱的時候, 我都會走了去睡。最記得以前是會寫essay寫到寫不出時, 走去諗住睡一會兒, 結果當然睡到天昏地暗, 差點兒就趕不到交功課!

另外, 農夫的<眠眠>就好切合每朝起身上班的想法『點解我哋朝朝都要鬼咁早就起身』, 『我日日諗 我可唔可以瞓多一陣, 離開個床襟仲難過遠離毒品. 你有無聽聞有人起身會精神』,『城市人就係咁 我地係瞓又唔願瞓 起身我又要呻』


其實我有諗過如果我每日只睡8小時, 將多出的時間來做些有意義的東西, 我想...我的人生應該豐盛很多!

賴床 - 藍奕邦

越睡越是累 越累就越睡　
雜務萬千堆 不知怎應對
攬枕攬緊些 窗簾別拉開　
恬靜世界裡 我自閉隱居
無辦法 來面對　
門外世界變幻與興衰
蒙著眼 沉下去　
寧願再蘊藏被窩之中找允許
懶得起身落床去　
也許於這昏暗角 落裡面　
找得出興趣

http://www.youtube.com/watch?v=maXsHQ4nDTk&feature=related

眠眠 - 農夫

點解我哋朝朝都要鬼咁早就起身
瞓得幾粒鐘返工有邊個會夠瞓
一路un 搭親巴士 一路哼
貼住窗口果條鐵柱 中吓中吓釣魚
到 咗公司就竄 竄去男廁女廁恰番幾個字
快叉個電 諗起返工就眼瞓 起身走人就醒神
恰多一陣無過分 就當頂一頂癮


我日日諗 我可唔可以瞓多一陣
離開個床襟仲難過遠離毒品
你有無聽聞有人起身會精神
我諗陳志雲要揾佢做個訪問


城市人就係咁 我地係瞓又唔願瞓 起身我又要呻


http://www.youtube.com/watch?v=Hbpfjjmy5rY

2月至4月的電影

志明與春嬌
好好睇的一齣戲, 我成場都不停咁笑, 十分之有共鳴。用香港政府立例加強禁煙帶出一連寸的故事同笑話。

我自己好鐘意導演係戲入面的幽默感, 好似志明與春嬌在街上遇見衞生幫, 又或者谷德昭在7-11創意食煙法 (這幕真係好搞笑), 好貼題咁用禁煙來做笑話的主題。 而且好佩服導演有咁細膩觸角, 係戲入面會睇到好多生活化的場景, 就好似一大堆人揸住相機圍住食物影相, 又或者係FACEBOOK入面post左張完全同自己個樣唔同的相, 同埋春嬌想轉同男朋友同一台, 仲有當然大家圍埋食煙就結交到五湖四海的朋友等等。

今次余文樂同楊千嬅擔正, 千嬅都好耐冇新片出喇, 不過我覺得佢今次係戲入面個樣都幾老, 唔知係咪特登。而余文樂就一貫的靚同型仔啦!

好鐘意睇這些地道的電影, 絕對表達到現在這個時代香港是點樣。我自己就好唔鐘意那些中港台合作的電影, 完全無角色的文化背景。

絕對推薦大家看這一套戲!








 型男靚女~

半天假

放半天假去拿特區護照, 本來以預約了就可以很快取到, 結果還是要等小時。

之後就好爽咁嘆我的半天假, 好鐘意平日放假的感覺, 可以是不用同人迫, 食什麼都不用排隊, 還有特價的茶餐, 真爽!

上帝早已預備

『上帝早已預備　我不相信運氣
    即使風光明媚　但卻不是你預期
   上帝早已預備　至少我不被遺棄
   難得你為我死』


雖然已經是上年的歌, 不過這鄭秀文的福音大碟仍然是我的favor。
好欣賞同佩服Sammi今次的嘗試, 從沒想過福音大碟可以做到這樣pop。  之後還要舉辦了一個十分精采的演唱會, 我想現今香港樂壇應該只得她可以做到!

Change Blog Again .....

貪新鮮的我, 又轉到Blogger 了。
不喜歡Yahoo, 因為server時常有問題, upload 相又有問題, 而且最近仲有很多不法商人留言...
本來又想過在Wordpress 的, 因為那個可以支援放在server, 而且比Blogger還多template。
不過可能我自己不懂用 ==' 覺得Wordpress upload相好麻煩, 結果揀來揀去, 又去了Blogger 。


不過揀了Blogger , 還要揀template , 網上有太多free templates...
結果我一揀揀了數小時, 都總是覺得the best is yet to come....


結果... 就是暫時揀了這個, 不然可能不知會揀到何時何日了..


希望今次這個Blog 不要再被冷落!