2月至4月的電影

志明與春嬌
好好睇的一齣戲, 我成場都不停咁笑, 十分之有共鳴。用香港政府立例加強禁煙帶出一連寸的故事同笑話。

我自己好鐘意導演係戲入面的幽默感, 好似志明與春嬌在街上遇見衞生幫, 又或者谷德昭在7-11創意食煙法 (這幕真係好搞笑), 好貼題咁用禁煙來做笑話的主題。 而且好佩服導演有咁細膩觸角, 係戲入面會睇到好多生活化的場景, 就好似一大堆人揸住相機圍住食物影相, 又或者係FACEBOOK入面post左張完全同自己個樣唔同的相, 同埋春嬌想轉同男朋友同一台, 仲有當然大家圍埋食煙就結交到五湖四海的朋友等等。

今次余文樂同楊千嬅擔正, 千嬅都好耐冇新片出喇, 不過我覺得佢今次係戲入面個樣都幾老, 唔知係咪特登。而余文樂就一貫的靚同型仔啦!

好鐘意睇這些地道的電影, 絕對表達到現在這個時代香港是點樣。我自己就好唔鐘意那些中港台合作的電影, 完全無角色的文化背景。

絕對推薦大家看這一套戲!








 型男靚女~
















歲月神偷

好評如潮下去看, 感覺只是一般。歌中的歌又或情景和我年紀始終有段距離, 很難得到共鳴 !
不過真係好欣賞任達華是戲入面的演出, 以前睇開他做有型的大佬/警察角色, 覺得冇乜特別, 但今次他做一個平實的鞋匠, 都可以放低身段, 真是值得他得到金像獎。

愛麗斯夢遊仙境
因為添．布頓，所以看這套戲。3D效果對我來說是可有可沒, 故事可能因為是大家耳熟能詳的故仔, 所以我自己覺得冇添.布頓以前的戲咁有趣。
最記得部戲入面講個個訊息 – 唔好為跟隨別人/大眾的價值觀, 而隨波逐流。每個人應該有自己的思想, 仲要有偉大的目光。
 
情婦的情夫

這套比預期中好看, 故事特別, 最記得講述他們2人駕車回城巿, 很有希治閣的感覺。

全城熱戀熱辣辣
都2月先睇, 印象都有些濛糊。只是個人覺得張曼玉在劇中的那一幕有些突兀, 有些畫龍點晴的感覺。