買Design...Sony Xperia Arc S

用了蛇果一段時間, 但始終很不滿意她200萬像素的鏡頭。為免蛇果5出時, 我個部二手價插水, 所以不斷物色新手耭。今次唔再想出蛇果機, 介面一樣, 換了好似冇換一樣, 所以今次投靠安特機。
我要求是想要800萬像相機, 又唔想要太貴的機身,  結果左揀右揀, 揀了這部個樣一流, 有我鐘意的白色 =), 個mon又sharp, 仲要個鏡頭有好高質素的Sony Xperia Arc S。
 
這部相機個樣是好正, 但功能就...
- 部機反應有些遲鈍
- 影相一定有快門聲 (這個我難容忍...)
- 個headphone冇得搞大細聲....(這個好大影響....點解連咁簡單的功能都冇...)
- 個跟機音樂播放器好削...影相的時候會無得播歌
其實仲有好多技術上問題, 可能是我未適應, 不過大致上我都滿意部機~ 

和民

一直都好鐘意食和民, 可惜...永遠都要等好耐好耐先有位, 所以好少機會有得食...
今日見時間都已經9點幾, 而且明日仲要返工, 心諗應冇咁多人...點知, 上到去都是要等10張枱 囧, 結果等了半個鐘先入到去。 
今日叫了
和民沙律--本身應該第一道菜, 不過其實好後期先來, 一直好鐘意食這個沙律, 每之來都order~

豪華壽司組合-- 都幾好食, 可惜是件壽司好散, 一夾就散, 根本就好難成舊食。

牛油帶子--第一道來的菜, 好肚餓,都好似冇細賞個味道。印像中就是好好食, 又是每次都會order, 不過今次食覺得油了少少, 唔知是不是我現在食得健康了, 所以有此感覺。  

最後一道, 就是明太子薯仔pizza, 一直都好鐘意食這款薄底pizza, 不過我覺得今次這款的材料就好似不是太配這隻pizza, 感覺好麻麻。

今次食得好開心, 希望下次食和民唔洗等咁耐, 現在心郁郁想申請和民信用卡, 下次食和民就有得訂位。
以上相片皆由Xperia Arc S影的~

Three idiots

好好看的一套戲

第一次看印度電影

套戲時間都幾長

好多歌舞片段，不過我唔識欣賞，可以沒咁多就好喇！

套戲帶出來的意義好好， 好記得入面的一句 "只要你追求卓越, 成功就會自然走過來" (大約意思)
仲有其實個男主角個樣唔錯， 不過估唔到原來他已經4字頭， 真是Baby face 喇!

竊聽風雲 2 -有些少失望

抱住相當大的期望看這套電影，大家都對這套電影好評如潮， 更有人說超越《無間道》。

看後卻有少少失望...太多犯駁位, 令我不能投入劇情, 而且亦不如外間所說的緊湊。

最過份的一幕就是當古天樂由沿岸救了吳彥祖, 再打暈他之後，中竟然背向吳打電話到警署要求支援, 仲要古天樂明明有孖葉都無走去鎖起吳彥祖!

不知是否期望越大， 失望越大， 反而我覺得《保持通話》比這套更好看。

買不到樓的理由......

最近有太多好表演想看, 一買就買了三場。

其實還有很多想看, 好似古巨基, 方大同, CAllStar 和月球下的人...可惜銀根有限...
點解好的節目要端埋一起!!?? 

好, 講講這3個節目有乜好!!

 一直都好喜歡林一峰的歌, 睇過他第一個演唱會, 可惜的是那晚他唱太多英文歌 (我對外語歌...認知有限...), 所以有些釣魚...

結果沒到現場看他story teller那一個演唱會,  但我看dvd時, 又發現不俗。所以今次再入場支持一峰!

『 賈寶玉』一來鐘意林奕華, 二來好似好久沒看舞台劇, 而今次由hocc反串做賈寶玉, 好型! 好有興趣想知今次林奕華會點玩賈寶玉這個小說人物。


 王苑之就是陪人睇之餘, 我一直都幾like她的。希望今次好看啦~