Disney Tsum Tsum bingo no. 7, 8, 9

終於過左6個張卡喇，而家到789。

呢排係咁瘋狂玩緊，真係玩到手抽根。。。


轉自：http://forum.gamer.com.tw/C.php?bsn=26598&snA=202




感謝ppeterr大大提供（灑花）
第７張

全攻略獎勵：幸福箱抽獎券２張

１．賓果開始

２．使用高級箱ｔｓｕｍ一回合獲得的金幣最後兩位數為２６

３．使用女生ｔｓｕｍ一回合７次狂熱 (我用ANNA過的)

４．分數累積３８，０００，０００點

５．名字字首Ｐ的ｔｓｕｍ一回合獲得９００金幣 (這個用PERRY+道具過的)

６．大ｔｓｕｍ累積消除１００個

７．使用公主ｔｓｕｍ，連鎖１８個ｔｓｕｍ (都是ANNA)

８．中央消除系ｔｓｕｍ一回合使用１２次技能 (灰兔)

９．使用男生ｔｓｕｍ一回合８次狂熱

１０．手是白色的ｔｓｕｍ一回合剛好獲得２３０金幣 (聖誕唐老鴨女朋友)

１１．一回合消除７個分數泡泡

１２．玩具總動員系列一回合消除５００個ｔｓｕｍ

１３．名字字首Ｂ的ｔｓｕｍ一回合消除１１個大ｔｓｕｍ (用杯麵(EASON)過)

１４．茶色ｔｓｕｍ技能使用累積３０次

１５．消除系技能一回合消除１８個泡泡

１６．累積遊戲３０次

１７．累積消除２００個泡泡

１８．使用橫向消除系技能一回合１１０ｃｏｍｂｏ(我用左道具5-4同加時間, 用TINKER BELL過)

１９．使用看的見嘴巴ｔｓｕｍ累積獲得１３，０００金幣

２０．一回合消除１３０個白色ｔｓｕｍ

２１．使用綁頭髮（毛髮）的ｔｓｕｍ一回合獲得４３０經驗值 (都是ANNA)

２２．一回合消除５６０個ｔｓｕｍ

２３．分數最後一位數為８

２４．使用綠色ｔｓｕｍ一回合９０ｃｏｍｂｏ (我用PERRY過)

２５．冰雪奇緣系列一回合分數１，５００，０００ (ANNA)

第８張

全攻略獎勵：高級箱抽獎券

１．賓果開始

２．有緞帶的ｔｓｕｍ累積技能使用２０次

３．有睫毛的ｔｓｕｍ累積技能使用５６次

４．使用高級箱ｔｓｕｍ累積消除７８個星星泡泡

５．使用黃色ｔｓｕｍ累積７２次狂熱

６．分數累積１２０，０００，０００點

７．使用有角的ｔｓｕｍ累積消除１６０個大ｔｓｕｍ （最快是毛毛）

８．使用有眉毛的ｔｓｕｍ累積４次狂熱

９．使用女生ｔｓｕｍ累積９，９００經驗值

１０．使用白色ｔｓｕｍ累積消除７８個大ｔｓｕｍ

１１．紅臉頰ｔｓｕｍ累積分數５，６００，０００點

１２．累積遊戲１００次

１３．累積３２，０００經驗值

１４．累積７２，０００金幣

１５．累積消除２０１５個泡泡

１６．累積消除２２，０００個ｔｓｕｍ

１７．累積４８０次狂熱

１８．累積８，８００ｃｏｍｂｏ

１９．使用戀人招喚ｔｓｕｍ累積７００ｃｏｍｂｏ

２０．使用名字字首Ｔ的ｔｓｕｍ累積消除１９２個分數泡泡 (Tinker Bell, 灰兔）

２１．使用縱向消除系技能累積消除１６，２００個ｔｓｕｍ

２２．使用綁頭髮（毛髮）的ｔｓｕｍ累積獲得４，２００金幣

２３．使用中央消除系技能累積消除１１０個金幣泡泡

２４．使用兔子ｔｓｕｍ累積消除３７個時間泡泡

２５．使用戴帽子ｔｓｕｍ累積遊戲２５次

賓果9

獎品：技能升級券

02.使用happiness角色一局取得900,000分 (我用CHIP)

03.使用pixar角色達到25個的chain (毛毛)

04.一局消去150個綠色公仔

05.使用premium角色一局消去230個my tsum（即正在使用的角色）

06.使用結蝴碟結的角色一局消去30個炸彈

07.使用happiness角色一局取得600個金幣

08.使用黑色角色一局消去10個炸彈 (我用左初形米奇)

09.一局消去250個happiness公仔 (Eyore+道具)

10.使用英文字母為B字頭的角色一局消去8個star炸彈 (用黃兔+道具)

11.使用 Rapunsel魔髮奇緣的角色達到22個的chain

12.使用英文字母為M字頭的角色一局達到7次fever

13.使用happiness角色一局使用6次skill

14.使用 Alice in Wonderland的角色一局取得到1,200個金幣

15.使用耳朵垂下的角色一局取得450exp (用左初形米奇)

16.使用Little Mermaid 的角色一局達到140個combo 

17.使用premium角色一局剛好消去100個公仔 (3粒3粒消除)

18.使用premium角色一局取得1,800個金幣

19.使用貓科角色一局取得2,000,000分

20.使用英文字母為S字頭的角色達到15個以上的chain (毛毛)

21.使用Mickey & Friends 的角色一局得到2,000,000分

22.使用圓形耳朵的角色一局消去3個金幣炸彈

23.使用公主角色一局消去580個公仔

24.使用Bambi角色一局取得380exp (黃兔)

25.使用黃色角色一局取得1,200個金幣

Disney Tsum Tsum Bingo Card no. 5 & 6

原本無玩好耐喇, 不過最近開返~~見有新BINGO CARD, 呢度係網上搵返黎既翻譯, 大家參考一下啦~

沉迷中, 呢隻Game真係會上癮, 我一日打完左Bingo 5喇, 但係6就好難。

而家打緊聖誕活動, 仲有發現原來邀請人有$500, 我之前Add左好多空號, 所以而家有啲錢, 可惜仲未抽到杯麵。。。

轉貼: http://f4bigyan.pixnet.net/blog/post/372476189-%5B%E9%9B%BB%E7%8E%A9%5Ddisney-tsum-tsum-bingo%E5%8D%A1%E6%94%BB%E7%95%A5-(%E6%8C%81%E7%BA%8C%E6%9B%B4%E6%96%B0%E4%B8%AD)

BINGO NO.06.

2.使用見到個口的公仔累積消除4,200個公仔 (OLAF/ 紅蟹/魚/小蠔/JACK/鴨類XDDDD)

3. 使用男子角色一局發動12次SKILL (最方便用灰兔啦).(我用EEYORE過的）

4. 一局得到2,400,000分或以上

5. 使用兔系角色累積6,000 COIN (灰兔/ MISS BUNNY/ 白兔)

6. 使用"FROZEN" 系列角色 (ANNA/ OLAF/ ELSA) 一局發動7次FEVER

7. 一局1,800COINS 以上.

8. 用三萬BOX的公仔一局達到150 COMBO (MARIE/ miss bunny)

9. 一局達到250個COMBO (DONALD)

10.使用"呼喚戀人SKILL"的公仔, 一局1,700,000 分或以上 　( MINNIE/ DAISY/ 灰兔 )

11. 使用" 打橫消除SKILL" 的公仔, 一局1,900,000分或以上.( TINKERBELL/PLUTO)

12. 使用貓系角色一局發動12次SKILL (MARIE/ 妙妙貓) （我用MARIE過的）

13. 一局消除3個TIME BOMB

14. 使用小魚仙系列角色 (小魚仙/ FOUNDER 魚仔/ 紅蟹)一局發動9次SKILL

15.使用一萬BOX 公仔, 一局得到700 COINS 或以上.

16. 累積 6,000 經驗值

17. 總分數的個位數字為"3"

18. 一局450經驗值

19. MICKEY & FIRENDS 系列 一局發動8次FEVER

20.　使用"有綁頭髮的公仔一局發動9次SKILL (TINKERBELL/MARIE/ELSA 可能重有....大家REPORT PLS)

21. 連食30 個公仔得到FATASTIC COMMENT.(可用OSWALD/ 毛毛/ 黑魔后連大頭公仔好易過)

22. 一局消除120個白色系公仔 

23.一局發動9次FEVER (我用pluto 加全道具同19 一齊過！)

( 有網友提供有用方法:(蜜蜂維尼/ 小豬, 維尼等時間停止的公仔)+5＞4過了。方法是技留在無fever時即放，由於技的特性是時間停頓的情況下做出大連數，於是乎一放技便會再進入fever。如此反覆:fever時儲技＞無fever即放技＞fever時儲技便可做到9~10次fever了。)

24. 一局得到整整399 個COINS 

25. 使用斑比系列公仔累積消除200個MAGICAL BOMB. (斑比/ 灰兔/MISS BUNNY)

BINGO 紅色No.05

2.累積消除15個TIME BOMB  (加時間的BOMB, 可用MISS BUNNY 發動SKILL 得到, 不過BOMB的內容是RANDOM的)

3. 一局得到550個或以上COINS

4.累積消除 350個MAGICAL BOMB 

5. 累積玩20局

6. 用圓耳朵公仔一局取得600,000分 ( 好像是指人類, WOODY OK~)

7. 累積消除1500個茶色系公仔(松鼠,ROO,WOODY,BAMBI, ANNA)

8.　累積發動SKILL 60次.

9.　用狗仔類TSUM 累積發動40次FEVER (ZERO, LADY, GOOFY, PLUTO)

10. 一局發動5次FEVER

11.累積9000 經驗值

12. 使用垂耳公仔在一局內連食14只公仔CHAIN (GOOFY, PLUTO, EEYORE, DUMBO, OFWAH)

13.使用有帽子的公仔累積得到5000 COINS (WOODY, DONALD, GOOFY)

14. 使用有羽毛的公仔(?)一局達到70個COMBO. (BAMBI/ STITCH/DONALD) 

15.一局得到750,000分

16. 使用黃色手的公仔(?) 一局違到70個COMBO (BAMBI, POOH, LADY)

17. 使用白色系公仔 累積發動 40次SKILL (OLAF, JACK, MARIE, ZERO, 白兔, DONALD, DAISY)

18. 累積得到5,000,000分

19.累積消除5600個男仔角色 

20. 累計得到16,000 COINS

21. 使用藍色系公仔累積得到2300經驗值 ( STITCH, 小甘, 毛毛, PERRY, DUMBO)

22. 一局消除 30個MAGICAL BOMB (有網友提供MAGICAL BOMB唔一定係指有道具的BOMB, 所以 MARIE 都可用~)

23. 總分數個位數是7

24.使用D字頭的公仔一局發動5次SKILL (DUMBO, DONALD, DAISY) 

25.一局得到300 經驗值~

 完成後會有一張三萬BOX待抽券

Interstellar

上星期六晚去左睇Interstellar，都幾好睇呀，同埋都唔算難明，之前仲驚睇唔明。

唔知點解，我覺得成套戲感覺都好舊，好似睇緊80年代製作，特別係女主角，唔知係咪導演特登要同2001太空漫遊致敬。

今次套戲，我覺得係講人性既醜惡，反而太空只係一個背景。個個教授明知條formula係唔可行，但都一直隱瞞，又同埋另一個教授，偽造數據，呃左cooper佢地去。而係星球個個教授，呃左cooper 佢地過去，仲想殺埋cooper，雖然佢地個理想係好宏大，但咁做始終唔啱！

不過佢地好似咁精密。。。但點解會無計到地球同當地星球既時間距離？如果佢地遲啲起程，咁咪會知第一個星球係唔啱住囉! 

我自己鐘意Inception多啲，個個故事特別好多。

網上找到這套戲同多啦A夢的幾個相似點。

另外，推薦大家看這個Blog，好詳細解構這部電影。

http://blog.udn.com/katydid951/18827571

X Japan-林老板Yoshiki

前幾天林老板生日，轉下眼他都已經4x歲了，好難想像他年老時候的樣貌。

先送上令我遇見林老板既video比大家睇下, 當年就係因為在youtube上找鼓solo, 結果遇上林老板....




最近走去八掛了林老板的歷史，X Japan在1998年已經解散，咁究竟係1998-2007年之間，林老板係以什麼為生，我覺得簡直係一個謎。

話說當時林老板整左隊violet uk，都出左好似大約3,4首歌曲，而佢曾經講過話已經整好大約160分鐘既音樂，以雙CD形式出，當時好似係2005年，仲好似已經有埋出碟日期，但結果唔知因為什麼原因，到今年仲未見隻碟出現。

林老板唔出碟既原因多數都係佢對音樂有唔滿意，但雖然係咁，但要歌迷等成十幾年會唔會太誇張了！？雖然我對佢有咁崇高既堅持，可以視錢財如米田共，我好佩服！但我又好驚佢究竟係咪走入左個死胡同呢？因為原來好多古時既音樂人，都會寫歌寫到神經衰弱。。。

而時至今日，佢又話會係明年完成X的大碟，但對於下年我可唔可以買到呢隻大碟，我真係好有保留。。。

雖然以上好似係佢既缺點，不過又係佢既優點，真係令人又愛又恨。。。我好欣賞佢唔會理其他人既眼光，佢覺得正確就會做，同埋佢一決定做，就會想盡方法去實踐，佢既堅持令我好佩服佢！

近況-十一月

由於最近勤於追星.......所以好耐無update個Blog喇!!

話說因為發現祖國有很多偉大的懂翻譯的Fans，將他們的新聞呀，Blog等等翻譯，而他們也實在出道得太耐，有海量資料。。。我結果成日走上去八掛八掛!

另外，我係IVE報既course，終於開課喇。。
真係一拖再拖，課程都幾好玩，不過由本來一星期一堂變左做一星期兩堂，實在有些吃力喇！而IVE既admin混亂到不得了,真係唔明佢收左咁多錢,但啲職員可以咁HEA....
不過呢, 因為我最近掛住追星...........實在太懶散喇, 係時候要努力啲先得啦!!

另一方面, 我由試完中醫之後,而家又轉去睇西醫, 今次終於搵左個專科睇喇,雖然好貴,但希望可以快啲好番!

而家諗返起, 睇左咁多次郭醫生都同我唔夾, 我諗我都係要轉醫生喇!! 可惜我屋企附近啲醫生, 個個都好似麻麻地, 要努力做下research先得!

係呢段空檔入面, 我睇左《Gone Girl》同《麥嘜》, 兩套都好好睇, 套Gone Girl個女主角真係好恐怖, 最恐怖係最後大家都要依附住大家, Oh my god.....
《麥嘜》就一如過往,都係超感人!

X Japan＿

自從10月12日睇完X Japan Live轉播之後，我又再度沉迷於呢班大叔喇！

10月12日X Japan終於在美國殿堂級場地－MGS舉行演唱會，雖然我無飛去美國睇，不過香港戲院有做現場轉播，於是我第一次以$250價錢入電影院睇Live。

今次戲院轉播，雖然同我想像有落差（以為音響會好勁，畫面質素有高清。。。點知。。），不過可以見證佢地終於衝出亞洲，去到美國，我超級興奮。

話說今次演唱會時間是香港早上8:00，入到場都未醒哂，又最近都係身體麻麻，只係坐係度睇佢地表演，我好好好期待下次睇佢地係睇現場同埋要傾哂起身係咁fing。

演唱會入面，Yo san講到以前會同Hide同Taiji要去美國開Show，今日終於成功左，可惜Hide同Taiji已經不在人世，佢講呢句既時候真係好感動，Hide, I miss U!

其實我只係鐘意左佢地兩三年，佢地已經過哂最輝煌既時候，亦都由後生仔變左做大叔。因為佢地已經一把年紀，所以唔知佢地仲可以玩Live玩到幾時，尤其係Yo san打鼓打到成身傷哂，我真係唔知佢可以捱到幾時！

今年對佢地都唔算狂熱，如果好似前年咁鐘意佢地，可能我會飛去之前個大阪演唱會（始終美國要拎簽証比較困難）

不過呢個時候要吐糟一下，Yo san你可唔可以唔好咁追求完美？等你地既大碟都已經等左五年，而新歌都仲係咁耐先得一、兩隻，我明白你要追求完美，但有時都要比啲時限自己架嘛！佢地出道成差不多廿年（扣返空白個十年），都只係出過三張大碟，即係大約30-40隻歌，仲要好多好Hit既歌都已經成三十年歷史，YO san你可唔可以加把勁，令我可以聽多啲你既歌呀！

好似有人講過要成為傳奇樂隊，隊中一定有成員死，而X亦都有一個隊員.....

結他手Hide在1998年意外生亡，不過就算而家睇返佢當時造型，就覺得佢時代觸角超好，走前了20-30年，我好鐘意他一頭粉紅色頭髮。

有時會諗如果Hide唔好咁鐘意杯中物，可能就唔會發生意外；但如果佢唔係性格乜都去到咁盡，佢又未必可以做到我地既偶像既！

好，講住咁多先，下次講主音的遭遇。

好嬲

我今日真係好嬲, 好火, 好憤怒!

警察清場咪清場囉,

點解要拉人去暗角, 跟住係咁打人踢人,

個示威者都已經無反抗能力, 警察咁做係濫用暴力, 係私刑黎囉!

咁即係第時警察只要有懷疑, 咁乜人都打得架喇!

點解仲有人會覺得警察咁做係啱既, 仲會話警察打得好!

你可以唔認同示威者既示威方法, 但而家係警察使用暴力, 係良知既問題!



我仲有好多問題，

點解梁振英收五千萬，大家仲可以話無問題!

點解黑社會可以咁肆無忌憚, 明目張膽?

Begin Again 一切從音樂再開始--輕鬆小品

有歌聽有劇情，演員又表演得好，唔好睇都好難。

歌曲好夾到戲入面既內容，賞心悦目。

電影一開頭首歌已經好好聽，女主角Keira好唱得，我亦好鐘意簡簡單單，一結他一歌者咁既表演模式。

之後男主角Mark出現，觀眾和他一齊經歷他的bad day。

兩個失意既人碰上，變為莫逆之交，佢地無自怨自艾，反而一起振作，成為音樂拍檔。

好鐘意Mark既演譯方法，外表滄桑，講野好爛撻達，又無乜廢話，對住Keira好似老豆教女咁，感覺好好。

好彩編劇沒有好老土咁將Keira 同Mark變為一對，反而係變為音樂上既好拍檔。

戲入面個idea都十分正，戶外錄音，收錄每個角落既聲音。最後，唱片以一元賣出，如果係真實世界都係咁就好喇。

另外，戲入面講分享自己聽歌的playlist，令我回想起細個會同朋友交換mp3機聽，好懷念，　好想而家都可以玩返。

唔知大家係youtube有冇playlist,有既話大家分享下比我聽啦!

我係youtube都有個playlist, 有興趣黎聽下！

https://www.youtube.com/playlist?list=PL8rfR_6kgh_CGm5sgSILIQd2z5HSs3xe7

等一個人的咖啡--I don't like coffee

初初看戲名，還以為是一部浪漫愛情片，點知一開場就知自己錯喇！

原來是一套搞笑片...omg

我係受唔到個啲低能笑話，好似個啲男主角著住三點式，拎住顆大白菜，又或者練鐵頭功個啲，我完全笑唔出，仲會覺得好無聊。

今次男女主角都樣子麻麻地，特別係男主角，如果男主角靚仔啲，我應該睇得開心啲！

戲入面隻鬼(周慧敏個男友)，表情好生硬，每次睇到佢啲鏡頭，我都覺得好古怪。

周慧敏真係keep得好好，不過係戲入面佢真係無乜發揮機會，同埋呢我唔明點解個老闆娘咁hea，間cafe都可以維持到呢？

唔知係咪我一把年紀，我唔係好明點解咁多人話呢套戲好睇。。。

呢套應該係我最後比錢睇九把刀電影既戲，佢既戲真係唔啱我睇。。。

之前睇那些年，我們一起追的女孩時，都已經覺得麻麻地，不過因為相隔咁多年，唔記得哂, 結果又踩雷....

中秋節快樂

各位

中秋節快樂~

人月兩團圓~~

健健康康~

廣告既威力－救救莎莉Line Rangers

睇電視話有T-shirt送.....我又貪心...

結果無拎到T-shirt完......又上左癮喇!

呢隻就係Line Rangers喇

我暫時都係玩到90關，無朋友無道具就過唔到關。。。。

跟住因為成日過唔到某關，我又好唔忿氣，

結果越玩越多。。。

這隻Game吸引既地方就係好多Line 公仔既不同造型，

都幾得意！

而家我仲未好識組隊，只係不斷升緊級！

我ID 係africa_yip，有興趣黎add 我啦！

入差館

星期六入左差館走一轉.......

人生第一次入差館.....

不過放心， 今次入去係喜事黎既...

話說我星期五的起心肝走去跑步，仲用左個新袋袋住啲身份証、錢同電話，點知自己一時大懞，竟然無拉哂拉錬，跌左張身份証。。。。

我雖然即刻沿路搵，不過都係搵唔到，咁我惟有報失啦，原來而家有得上網報案，跟住仲book埋補領服務。

係我萬年俱灰既時候。。。。。就係呢個時候，收到警察局既電話話執到我既身份証，實在太幸運喇！

結果我星期六就去左差館拎返我張身份証 :)

PS:講番轉頭。。。當時我要開電腦上網報案既時候，部電腦竟然開唔到，令我雙重打擊，好彩重開左N次後，開得返！

電腦呀電腦，雖然我買左新電腦，但係我仍然會用你架，你要長命百歲！

近況八月

成日都想寫多少少日記，結果呢。。。。。大家有目共睹啦。。

近況就係。。又大一歲，今年只係想健健康康喇！今年真係好多病痛，好陰功，究竟我係搵錯醫生，定係定係。。。

最近我又去試下中醫喇，如果呢個中醫都唔得，就惟有去睇專科啦！

今次個中醫好好人，好有心機聽我講症狀，不過我又有啲黑仔喎，因為撞正中醫師放大假，要隔成兩個禮拜先有得再睇。。。希望醫師可以醫好我啦！

－－－－－－－－－－－－－－－－－

最近賣走左部大相機，買返部細相機，賣走大相機時有個奇遇。
話說我放左部相機去DCfever網，好快就有買家1號同我whats app，好似好順攤，約好交收地點同時間。好啦，去到交收地點，打電話比佢，佢就話係佢朋友來交收。

點知原來佢個朋友，簡稱買家2號，原來係內地人。買家2號完全無上過個網睇我個description，出到黎係咁話好舊，要減價，又話唔要我支閃光燈，我即刻好鬼嬲，

一來我係諗住相機同閃光燈一齊買，先同佢交收架嘛！
二來我係description度寫明唔可以出黎先議價架嘛！
三來我唔明點解買家一號唔講哂所有資料比買家2號聽囉，而家搞到我拎哂啲野出黎同佢彊持！

呸！結果我地拉址左成十幾廿分鐘，我嬲嬲地執野走啦，佢又話咁減一百啦，我都頂唔順佢，結果我都係減左一百元賣比佢！
－－－－－－－－－－－－－－－－－－－

除左賣走左部相機，仲賣走左啲好耐無睇既書。我之前都有試過免費送出，不過呢好似越來越多人拎啲免費書去賣，所以而家我會低價出售，咁我諗願意出錢買書既都應該係愛書人啦！
－－－－－－－－－－－－－－－－－－－－－

最近我都有時睇下TVB既沒女，我其實有啲懷疑佢係咪真架？我最覺得奇怪係見佢地啲教練成日好惡咁話啲沒女，啲沒女又爆喊，乜咁樣真係可以輔導到人架？同埋佢地係咁鬧人，有啲心靈碎弱啲，會唔會做傻事架。。。。
其實呢我睇過日本既減肥節目，人地健康好多，又唔會係咁踩啲肥妹，唔會突登搞喊人地，乜真係好多香港人鐘意睇人仆街咩？
－－－－－－－－－－－－－－－－－－－－－－－－－－－－－－－

這間和民不用排隊

太好了，終於有間和民不用排隊。

這間是在銅鑼灣利舞台的和民，講真，唔係之前有睇到和民的宣傳，我都留意唔到呢間和民

好，睇下今晚食左乜。

和民沙律－－這個好好食，食極都唔厭，好想知點整

餃子，樣就好似好靚喇，可惜咁樣好難分開啲餃子，一夾就爛哂

燒牛（唔記得邊部份），睇相好靚，但食落麻麻地

照燒雞肉pizza，點解好似無以前咁好食既。。。

今次覺得中規中距啦，好似有啲退步。不過和民又唔算太貴，坐得又舒服，又唔會趕你走，我會繼續支持佢既！

大家覺得今次啲相得唔得意呀～呢套係賤熊扭蛋～～超搞笑～

係灣仔玩具街買架～只係$100一套，好抵！

Book3--星巴克救了我一命

(圖: 元智大學電子報)

無意中係圖書館借左呢本書，點知一開始睇就欲罷不能，好快就睇完本書。

我好鐘意睇人物傳記 ，本書係講一個中老年人，被公司炒左魷魚，自己成立間公司又無生意，自己生活又一團糟。因為一次好偶然的機會，佢入左去星巴克做，結果估唔到佢開心過以前。

伯伯本身是名牌大學出身，又是大公司高層，我諗好多人都估唔到佢老年會變到咁。

睇呢本書，先知美國的星巴克會有好多福利，好似會有醫療保險，仲要保埋你屋企人（伯伯都因為咁先吸引左入去），就咁呢樣香港好多公司已經無啦！

我好佩服伯伯可以保持好樂觀心境，接受他生活上既改變。而另一方面，他又從這份新工，接觸到他以前不會接觸到的基層巿民，他仲覺得呢份工開心過以前既工作。

我覺得美國既星巴克好好，見作者咁老都願意請佢，反觀香港就一見你老，就多數唔請。

睇完本書搞到我都好想入星巴克做，不過呢我覺得美國同香港一定勁大分別，所以都係唔好諗喇！

竊聽風雲3－－是誰令青山也變 變了俗氣的咀臉

• 土豪形象一絕，幾位演員真的入型入格，令我想起電視刻大時代內丁蟹四父子，大仔做指揮，其他幾個都無乜腦，淨係識執行任務
• 有幕眾人為了幫周迅，就算自己再窮，都一起夾錢給她還給土豪們，看到眼濕濕 
• 戲裡見到不少社會上的荒謬情形，如土豪們為了收集丁權，先引誘年青丁人染上毒癮，再威逼他們賣出丁權換取毒品。又如現代人的土地是用來買賣，已沒有人用地來耕種。而最荒謬的是丁權原意是給新界男丁有地起屋來安居樂業，現在卻淪為地產項目 
• 古天樂點解會咁幫葉蔙同吳彥祖點解咁幫古天樂，都無詳細交代過 
• 眾men坐埋一齊唱歌個幕，好突兀 
• 碰碰車那幕令我想起另一套電影《阿嫂》 
• 首主題曲好應景，勾返起我童年回憶，小時候有時會好夜好夜訓，會睇到用同一首歌做主題曲既《風雲》，我記得好似幾好睇，搞到我而家都想睇返。 
• 成套戲都幾好睇，當然最開心是見到班惡霸有惡報，不過始終如果政府唔立法，走左一班之後咪又黎過一班。。。

（其實套戲睇左好好好耐，之前寫左幾句就停左，而家搵返出黎．．．）

Playmobil in Hong Kong Part II

之前世界盃影的Playmobil

同場加影情侣野餐

同林源三合照

女孩情深款款望著男友

男友卻只掛住食

唱K點可以唔預埋我!

Banana

有日係超巿買左一梳青色既蕉返黎，

諗住未熟啦，

就放左係度等佢變黃．．．．

點知，

原來呢梳蕉係青蕉，

青色係佢最靚仔既時候，

放到變黃既時候佢已經係就黎爛

orz..

獨立人格

究竟選擇做抺窗工人還是外科醫生?我相信大部份的人都會揀外科醫生，但若然要做外科醫生，就要違背自己良心呢？大家又會如何選擇？

雖然良心唔可以當飯食，但要違背良心過日子話，會唔會比死更難受？

害怕中共的管治，就是怕有一天，連出一篇blog、一個facebook status 又或是私人訊息，都會被人定罪．．．．

----------------------------------------------------------------

李怡 - 沒有比獨立人格更重要了

蘋論   香港蘋果日報   2014年7月23日

1968年初，捷共領袖杜布切克推行自由化政策，一度出現布拉格之春的活躍局面。腦外科專家托馬斯一晚與朋友喝酒時隨興講了希臘神話中伊迪帕斯（Oedipus）的故事：伊迪帕斯在不知道的情況下，殺了父親，娶了母親，當他知道真相後，他把自己的眼珠子挖出來，作為對自己罪行的懲罰。托馬斯說，當斯大林實行大規模整肅運動時，蘇共當今領導是參與或至少目睹的，捷共更把這種做法推行到捷克，如果共產黨人對自己曾經參與或目睹的惡行有一點人性感覺的話，他們也應該把自己的眼珠子挖出來。在座朋友很欣賞托馬斯的意見，鼓勵他寫成文章。托馬斯既忙於做手術，又忙於在女人堆打滾，不過他隨手就寫了，也拿給了雜誌社。編輯非常欣賞。但文章還沒有印出來，蘇聯的坦克就開進布拉格，杜布切克被捕，也結束了布拉格之春。托馬斯與妻子流亡到瑞士，後回流捷克，到原來的醫院要求復職。醫院的行政領導對他說，歡迎他回來，只需辦一個小小的手續，就是在一封信上簽個名，這封信說他出於無知而寫了「伊迪帕斯」這篇短文，他的意思不是要共產黨人把眼珠子挖出來，他願意撤回這篇文章。醫院領導說：「寫文章不是你的專業，撤回這篇登不出來的文章，對你有什麼損失？何況這封信只作存檔用，不會發表。」托馬斯沒有反應。領導問：「這篇文章對一個外科醫生，有什麼重要意義？」托馬斯面無表情地說：「再也沒有比這更重要的了。」其後內政部官員來找托馬斯，提出較溫和的要求，但仍是要他在撤回文章的信上簽名。托馬斯當面把信稿揉成一團，送客。下一個鏡頭，這位著名腦外科專家，轉行去做抹窗工人。

這是捷克作家米蘭．昆德拉小說《生命中不能承受的輕》的其中一個情節，小說二十多年前拍成電影，香港取名《布拉格之戀》。最近筆者在電影頻道重看，深有感慨。小說寫了很多生命中的「輕」，其中之一就是上述情節，涉及的是要求一個醫生簽名表示撤回偶然寫的文章，而不簽的代價就是從備受尊敬的腦外科專家變成抹窗工人。值得嗎？從經濟價值判斷，或從個人一生從事的專業來衡量，答案都太明顯。為甚麼托馬斯覺得不能簽這個名、「再也沒有比這更重要」呢？

因為他是一個有獨立人格的人，他可以否定、而且應該有勇氣否定自己過去的錯誤認識，或否定自己認為做錯的事，但絕不可以否定自己沒有做錯的事。「伊迪帕斯」雖是他的隨興感想，卻出自他的真正想法，並由他的獨立意志作出寫成文章的行為。能否刊出，對一個外科醫生來說無關緊要，但要他在一封信上簽名把文章撤回，就意味要他否定自己的獨立意志，如果他這麼做了，他會一輩子看不起自己。作為一個有獨立人格的人，簽一封否定自己的信去繼續當外科專家，所獲得的是當權者拋出的肉骨頭，而不簽這信去當抹窗工人，所獲得的報酬則心安理得。從這個意義上，托馬斯認為沒有比這更重要了。這是「生命中不能承受（簽一個名）的輕」。

對於大部份聰明的香港人來說，托馬斯的行為簡直不可思議。對於天生就要找有權有錢的勢力依靠的人，否定自己一貫價值觀這種事毋須領導人提出，自己早就自動「識做」了。梁愛詩說，若外籍法官不愛（中）國，大可以不當法官。對她和她這類人，獨立人格不值一分錢。而法官如果沒有獨立人格，還能維持公正獨立的司法嗎？沒有獨立司法，法治也就會成為「中國法治」了。

一位在小型進出口公司工作的年輕人對筆者說，她老闆拿一叠「反佔中」表格要僱員簽署，幾乎所有同事都簽了，她問筆者該怎麼辦。筆者跟她講了托馬斯的故事。她說她會誠實告訴老闆，她不想簽。她未必會被解僱，但在公司的地位會受影響。

有人拿錢遊行；有人拿錢代發傳單；有人在接近中共最高權力層之後無比亢奮，胡言亂語。建制的高牆是由權力和利益築成的，因而許多人在簽名時說不出「佔中」是啥意思，有人把「反佔中」說成「反中央」，他們雖有生命卻沒有自己的獨立意志，言不由衷，因而不是完整的生命。正如電影《逆權大狀》中說，堆砌起高牆的石頭會粉碎，但以卵擊石的卵卻是生命。在今天，高牆以摧枯拉朽之勢向生命壓來，真正尊重生命的人，沒有比堅守獨立人格更重要了。（https://www.facebook.com/mrleeyee）

書展2--話唔買又買．．

本來無諗過買咁多書架，但因為今次買平日送夜場關係，結果我又入多一次書展，今次堅破財！

原來打算入去是買謝曬皮的，但因為謝曬皮個Counter sales太有壓力，唔好意思企係度睇邊本好睇啲，結果打算遲啲去書局買啦！

上面兩本英文書，我真係好懷疑自己會幾時睇，咁點解會買左．．．就因為係個書攤度見到$90元三本，最初睇中左兩本，咁既然都買左兩本，咪求其買齊三本．．．

余華之前兩本著作－兄弟同活著都好好睇，今次見他有出新書，價錢Ok就買左！

話說我買呢本搵左幾個大陸書書攤，睇下邊度平啲，點知最後竟然係天地見到一樣價錢，早知一早去天地睇啦！

跟住下面個本係郭老師的跑步課，諗住最近有去跑步，就買黎參考下，我諗好快睇完可以賣返出去。

跟住就到馬仔，大大話話好似買左七八年喇，我真係忠心的Fans。

最下面個本係全彩頁漫畫，只係賣$30，真係抵到爛！佢係集結左19個漫畫家，每個畫家畫佢地幻想既一天出黎，幾特別！

希望今年可以盡快KO左呢幾本書去，唔好又買左唔睇啦！

Disney Tsum Tsum NO.3 & 4 Bingo 卡

終於過左第二張，係misson25停左好耐好耐，因為一直都抽唔到布魯圖，有日諗住試下用高飛得唔得，點知又得喎，結果終於過左喇！

因為用左好多錢抽一萬元寶箱，到而家都未有冰雪女王系列（飲恨><)

過左NO.2 Bingo卡，跟住就挑戰No.3&4，以下都是由網上討論區找到的攻略。鳴謝Kikol網友提供：

http://forum.qoo-app.com/discussion/1892/%E7%B2%BE%E8%8F%AF-hot-%E6%B1%82%E5%8A%A9-%E6%9C%89%E9%97%9Ctsum-tsum-bingo%E4%BB%BB%E5%8B%99%E5%95%8F%E9%A1%8C/p9

紅色No.3 Bingo 卡

2) 用黃色公仔在1局內用6次skill （可用Tinker Bell、Alice、Pooh、黃兔）
3) 合共取得3,750,000分
4) 用有角的角色取得3,750,000分 (可用毛毛、maleficient黑魔后，原來仲可以用單眼仔)
5) 總計消去2500個Pooh
6) 1局消去100個happiness角色（即是用10000個金幣買到的角色）
7) 1局取得剛好256個金幣 (唔可以多或少，超難）
8) 用D字頭開始角色1局取得600,000分 （可用唐老鴨女友Daisy、松鼠Dale、Dumbo大象)
9) 1局用7次skill
10) 合計達到70次fever
11) 1局取得400個金幣
12） 合計取得8000個金幣
13） 合計取得1700 exp
14） 用3條毛角色合計達到60次fever (綠色鴨、Olaf白色圓波、Goofy高飛（可同時過14，22＆24！）)（我都係用高飛過）
15） 用mickey在1局內達到60個combo
16） 用啡色公仔1局內達到6次fever (可用Chip、Dale、Bambi斑比、胡迪)
17） 分數（計算bonus之後）的最後一個位是1 （即1001，23081分等）
18） 1局完成18個chain （我又係用愛麗斯）
19） 用出心心公仔1局達到60個combo （可Minnie、Daisy、啡色公主都得(在最尾一版第一行最尾的那個）
20 用有ribbon 公仔1局做到6次fever （可用Marie白貓、Alice、Minnie、Daisy)
21 合計消去3,500個m字頭開始角色 （Mickey、Minnie、Marie白貓、Mike大眼仔）
22 用黑色角色共使用70次skill (可用Pluto、Oswald、Mickey、Minnie)
23 用bambi家族角色1局得到400個金幣 （可用小鹿斑比、黃兔、灰兔）
24 用戴帽角色共得3500exp （可用Goofy、Woody、Dumbo)
25 用mickey ＆ friends達到excellent以上的chain 評價


紫色No.4 Bingo 卡

2） 用女仔角色1局得500個金幣
3） 用happiness角色1局得800,000分 （即是10,000金幣box買到的角色）
4） 分數（計算bonus之後）的最後一個位是9 （即1009，23089分等）
5） 用綠色角色共取得6,200exp
6） 用有「消去系」技能角色，使用80次skill
7） 用粉紅色鼻角色1局達到18個chain
8） 合共消去3,500個有睫毛角色
9） 合共取得10,000exp
10） 合計消去5,000個公仔
11） 用「冰雪奇緣」系列角色一局得900,000分
12） 一局用7次skill
13）用尖耳角色1局達到80個combo
14） 用Pooh系列角色合共達到80次fever
15） 用黑色角色1局得到剛好350個金幣
16） 分數（計算bonus之後）的最後一個位是5（即1005，23085分等）
17） 一局消去100個P字頭的公仔
18） 用紅色臉頰角色1局消去280個公仔
19） 合共玩15局
20） 用兔仔角色1局得800,000分
21） 用啡色角色1局得剛好350個金幣
22） 一局達到100個combo
23） 用有睫毛角色共得8,000個金幣
24） 用男仔角色共得12,500,000分
25） 用藍色角色得到wonderful的chain評價(連20個公仔,我用史迪仔過)

2014書展 Part 1???

琴晚突然間被人邀約去左書展，放工食完飯都已經8點，10點就關門，所以我們只行了兩個小時。

因為實在太少時間，所以我們有選擇地行，首先去左天地，買馬仔最新繪本，我覺得香港畫搞笑繪本，畫得最好既係馬仔，佢本本都好搞笑，圖又畫得好，正！

跟住就行過見到Page One，都有睇中啲繪圖書，但始終英文書實在太貴，就算有折都好貴呀！

之後就到榆林／田園同樂文，這三間台灣書會有七折，但港版書就只有八折，而樂文展出的書就比較特別，有些書像是獨家的，在其他攤位看不到。

今次書展買平日的門卷，就附送五／六或日的夜場入場卷，所以我可以到時再去多次書展，如果再去的話，可能會買一本關於跑步的書及一本英文書。

－－－－－－－－－－－－－－－－－－－－
講起書，其實我每次行過書局都好多書想買，但我發覺屋企實在無位，同成日買左既書都唔睇，於是買書意慾越來越少喇！

而我近幾年，就多數去圖書館借書就算喇，因為睇完再還就唔洗哂左我書櫃既位喇。

不過講到尾，我覺得係自己懶，成日Hea，屋企仲有N本書未睇><

Shopping

最近因為身體仲好似麻麻地，無得去郊遊，結果放假都是行街Shopping，洗左好多錢呀！！！

第一樣戰利品，就係呢隻錶喇！我舊個隻膠錶比我咁多年黎粗暴咁對待，條錶帶終於爛左喇！

我對錶無乜特別要求，雖然我都好想買成千蚊隻既G-shock，不過自己又唔捨得喎！

咁我就諗住以最平價錢買隻電子錶返黎啦，本身都去行過旺角既開倉樓上舖，又睇過團購，再去埋Ice Fire開倉，結果睇哂咁多間竟然發現係紅磡廣場既鐘錶小店賣得最平呀！

我呢隻錶都唔洗$200，同一隻錶係Ice Fire開倉減左價都要$390，真係估佢唔到！

以前成日諗住開倉價一定係勁平架啦，不過經歷今次之後，我發覺所謂開倉可能只係宣傳既技倆，有乜理由同一件產品價錢會相差成倍呀！！

第二樣戰利品就係呢個backpack，成日都想買個白色背backpack，但係香港好似好少地方賣backpack，同來來去去都是得幾隻款，結果左揀右揀，又見到這個backpack特價，就買左這個喇！

今個七月洗錢好似倒水咁，除左以上東東，仲買左幾件跑步衫，跟住仲會去驗身、去書展等等。。。

Disney Tsum tsum又出左新Bingo卡喇，可惜我卡住係布魯圖個Mission，抽極都抽唔到布魯圖，我仲未可以玩新卡。><

停左一個月既跑步，琴晚終於再去跑下喇，不過跑完步好精神，結果我琴晚好夜訓。

Master Chef - RIP Josh

有陣時都係估唔到事情會咁樣發展．．．

前幾日先睇完Master Chef 3結局，仲見到Josh好開心咁煮餸，但昨晚卻發現他在差唔多一年前自殺，離開了人間。

一個在廚藝上擁有極高天份又年輕的人，就此完結了他在人世間的路途，真的十分可惜。

在看Master Chef的時候，總在想雖然他輸了比賽，但贏到了知名度，而且他在比賽中婁獲評判的讚賞，讚他有大師級的風範，應該不愁出路。

不過對他來說，可能輸掉了比賽，對他打擊實在太大，而又好不幸地就在此時患上了精神病，又得不到適當的治療，就這樣結束了他短暫的生命。

看報導說因為他家中沒錢，而他的保險又未能為他提供到精神科醫院給他入院治療，所以他只能留在家中，就在他的媽媽短暫離開家中的時候，他就自己開槍自殺。

以前總以為外國的醫療制度比較完善，但看到今次事件就發現原來可能天下烏丫一樣黑。

我有想過如果沒有復活賽，他維持在比賽中段就出局，結局會否不一樣？

但都沒有如果了．．．

Rest in peace, Josh.

唉

今年真係好多病痛呀！點樣先可以病少啲呀？

咁耐無寫Blog，因為我又病左喇！今次睇左２次醫生，先叫做好少少。諗落可能個醫生既問題，佢好似無對症下藥咁，睇黎我都係要轉第二個醫生喇！

因為病左咁多日，無哂心機寫Blog，結果個Blog好耐都無Update><

剛剛經歷過七一，我雖然病左，但都有去遊行！睇到咁多人一齊唔驚熱又唔驚落大雨，一齊行都覺得香港好似有番少少希望。

好可惜，雖然有咁多人同我們一齊出黎遊行，話比政府聽我們有幾不滿，但政府都係零回應。

而家個政府越黎越獨裁，我真係唔係好睇到香港既未來會有乜希望。

職場幻想記

話說朋友M份工不斷要加班加班再加班，人工又不算太高，琴晚我們傾計就有以下幻想：

１．播國歌

一路播住『起來，不要做奴隸的人們』，一路行入老闆房遞信，話比老闆同同事聽，你從今日起唔再做奴隸喇！

２．錄制抵死電話鈴聲
錄啲平時係老闆面前唔敢講，但你又好想對佢講既說話，候選名單有：

『仆街啦你！』
『你食屎啦！』
『再咁做落去，你拎左我條命好過！』
『工作係咁加，又唔見你加人工作！』

到你係公司忍唔住想爆既時候，你就不停咁打電話比自己，等你老闆聽到你心底既說話，跟住再同佢講返多句：『噢，鈴聲黎架渣，唔係話你，你唔好咁敏感！』

３．打小人公仔
買個打小人公仔放係枱頭，一有乜野想鬧老闆又唔鬧得時，就惟有用大頭針係咁插隻小人，以洩心頭之憤，當然心裡面都不要斷祈求零驗啦！

－－－－－－－－－－－－－－－－－－－－－－－－－－－－

其實老闆同員工又唔係敵對既，如果老闆們可以體諒一下我們啲員工們，你話世界幾美好呢！

正所謂將心比己，你對員工好，員工做野都落力啲呀！

昨夜淩晨，我坐上了去大埔的紅Van

嘩，個戲名長到憑記憶真係好難記得到！

之前宣傳得咁勁，香港電影加陳果再加上Shine，無理由唔入戲院捧場！

套戲比好多人插，不過我覺得還可以，條橋實在太正，好難唔想追落去。

（以下有劇透）

今次套戲相當懸疑，故事就由突然間全世界上只剩下一架小巴同小巴上的司機及乘客開始，跟著這十七個人就不斷尋找其他人的消失的原因。

套戲有些位是有些突兀，好像中間眾人用刀插MK仔個幕，可能班演員演技有限，我覺得個幕好奇怪。

最尾個幕紅Van被人追殺，好誇張，架Van仔係咁被其他車撞都仲上到山。今次套戲是無結局，因為係有下集。

套戲無結局，好吊癮。結果我就以極速看完網上版小說。

個故事真係寫得好好，不過個結局呢，就好像有些爛尾，又或者可能太高深，我有啲部份都係唔明！

有興趣的話，大家都可以係呢度睇

https://docs.google.com/document/d/1sakbP87NfgwgXAZoDcJ0Y2VmlQCJns41ALsS2b67G2s/edit?pli=1

Disney Tsum Tsum Bingo新玩法

本來已經無乜點玩Disney隻Game，不過見佢出了新玩法－Bingo，又幾得意，所以又開始玩返。

Bingo卡

以下轉載自http://forum.qoo-app.com/discussion/1892/%E6%B1%82%E5%8A%A9-%E6%9C%89%E9%97%9Ctsum-tsum-bingo%E4%BB%BB%E5%8B%99%E5%95%8F%E9%A1%8C

網友:July1991(拍謝)
紅色
2： 1局400金幣
3： 1局50萬分
4： 累積使用米奇技能10次
5： 1局50combo
6： 1局連250個公仔
7 ：1局1次連12個公仔
8 ：用+ Score 道具3次
9： 累積70次 fever
10 ：1局用4次技能
11 ：累積消除5000個公仔
12： 1 局消除80個米妮 (我抽極都抽唔到Minnie,結果係等佢係其他局到出現，過左呢個） 
13： 1 局裏用米妮/Daisy技能5次 (用技時有心心出的角色，不包括Chip n Dale，因為唔係情侣）（這個我是用Daisy過的）
14： 1 局 5 次 fever
15： 1局1次連16個公仔
16 ：累積用60次技能
17： 累積2500exp
18： 用米奇累積190exp
19： 連65combo
20： 1局拎160exp
21 ：Mickey and Friends (米奇與他的朋友) 累積消2000個
22 ：維尼系列累積250萬分
23 ：使用松鼠1局得到 60萬分
24 ：玩15場
25 ：1 局裏面消除100個米奇 (用Mickey)

網友heha_coo提供(拍謝)

藍色Bingo 卡

2： 100 次制造炸彈(泡泡)(用白貓或黃兔等等)
3：連150 combo（同事用Jack過這個的, 我用唐老鴨過左）
4：用Zero(白鬼)+ 5轉4工具出50次技
5：1局制造炸彈8次(用白貓或黃兔等等)
6：1局米妮/唐老鴨女友Daisy/灰色免仔 75萬分
7： 耳垂既人1局70個combo　（我用高飛過的）
8： 有帽既人1局6次技 (我用小飛象)
9： 黃色既人累積8000蚊
10：跳跳虎一局6次技
11：連出wonderful (連出超過20個) (這個用愛麗斯比較易過)
12：有頭髮既人連出19個  (這個用愛麗斯過11時會過埋)
13：用Zero(白鬼)+ 5轉4工具出1局5次技
14：松鼠系列 1局6次技 (有人話用單眼都過到)
15：1000個三眼仔(不必三眼仔是隊長)
16： 巴斯光年 1局消110個
17： 黑色既人累積5950exp
18： 累積使用100次技能"時間停止"
19：白色既人 累積150FEVER
20：怪獸公司或TOY STORY的角色 1局90萬
21：1局使用8次技能"時間停止"（用白兔）
22：用藍色公仔累積1000萬分
23：1局消110個有Ribbon(米妮,白貓,愛麗斯)
24：1局要用鴨嘴獸攞600蚊 (好似一定要用PERRY, 係JACK左手邊個隻)
25：布魯圖/高飛1局90萬 (我係度停左好耐都過唔到,我以為一定要布魯圖，點知原來高飛都得><....)

藍色卡好難過呀！我剛剛先過左紅色渣!好多都要買技先可以過到！

之前寫有關呢隻Game的玩法：http://alikaplayground.blogspot.hk/2014/03/line-tsum-tsum-disney.html


有關第三第四張Bingo卡

http://alikaplayground.blogspot.hk/2014/07/disney-tsum-tsum-no3-4-bingo.html

Playmobil in Hong Kong --清水灣沙灘

其實儲左Playmobil都好多年，最近發覺拎佢地出去影相好方便，以後應該會帶佢地多啲出去玩。


今次地點是清水灣，水清沙幼，溫度適中。

大地在我腳下

威風凜凜

可惜企唔穩

同場加影，看電影去！

碎碎念: 端午三日假+之後個個禮拜

見到我個標題，覺唔覺得好奇怪呢，本來淨係諗住寫端午個三日，點知而家變左寫埋之後個幾日！


連放三日，真係眨下眼就過，本來計劃要做的，當然無做到。（好似每個假期都係咁）

唉，最近好懶。真係要食番粒勤力藥先得！（有冇人知係邊度有得買）

放左三日假，都有做少少建樹的活動。

放假第一日就走左去清水灣沙灘，要搭巴士到鑽石山再轉91號巴士，都差不多成個半鐘先入到去，入到去太陽都開始落山喇！我地都係玩下水，玩下沙，同同隻playmobil影下相（遲啲再放相上黎），就返歸喇！今次無帶沙灘蓆去呀，無得攤起度，下次要帶埋去hea 下先得！

不過呢，玩完走去搭巴士既時候，條樓梯對我黎講實在太長喇，上到去巴士站既然覺得暈暈地。。。

眼見我連條樓梯都唔夠氣上，第二日傍晚我走左去跑步，我諗我對上一次跑步已係好多好多年前喇，一直提唔起心肝做運動，今次見放假就試下跑啦！

今次係跟一個叫"C25K"app 跑，行2分鐘跑1分鐘，都算完成哂成個課程，不過完個刻覺得暈暈地，都係要快啲加強我既體魄先得，我仲有好多野想做！

不過呢，唔係放假既時候，真係好難抽到時間去做運動，食完飯後要等成一至兩個鐘先可以做運動，咁都夜啦；但如果放工即刻去跑又肚餓，返返下工又好難食個Tea，真係諗到頭都爆，個apps話一個星期要跑三晚，真係好難呀！

放假除左做下啲有益身心活動外，仲睇左好多電視，最近睇緊韓國綜藝"花漾爺爺"，而家認到個幾位主角後，都覺得幾好睇，睇住佢地周圍去旅行，我都好想好想去旅行呀！

星期二
放完假返黎都係遊魂居多，因為我想跟住個跑步app既訓練，所以諗住今晚又去跑步。

但係放工跑步，時間真好尷尬，結果我放工食左兩個包，跟住諗住抖一個鐘去跑步啦，點知到七點幾時又覺得好肚餓，我又食多少少個包，跟住8點去跑步，好難先可以空肚一個鐘去跑步，下次要再諗諗計。

今次跑+行左20分鐘，仲少過上次，不過我要求好低架渣，總知有去做運動都OK啦！今次膝頭有少少痛，我係度諗係咪我對波鞋唔啱跑步，我又好想買過對鞋喇！

星期四
有免費飛，去左睇《Z風暴》，我覺得係睇緊明星版的廉政風暴，故事都預料之內，所以有少少悶悶地！

星期五
終於又放假喇！今日放工走左去買對跑鞋，哈哈，因為見到原價8xx 減到5xx好抵呀，就即刻買左，希望可以跑爛呢對鞋！！

好sharp既紅色:)

本來仲買左件運動衫，可惜可惜係我買細左一個碼。。。。（我承認係我懶得去試）

星期六
夜晚去食以前好鐘意既和亭。唉，呢度既食物縮哂水，個和亭沙律，得幾條0.5cm粗既三文魚，真係呃錢，跟住個壽司山，比我地見到有頭髮，叫個侍應換仲係度講話邊個啲頭髮，好似講到啲頭髮係我地跌落去咁，頂！

每人消費都要一百元，我覺得丼丼屋好食好多喇！

行街又買左個Tote Bag，orz。。今個月洗左好多錢呀！

星期日
今日落左銅鑼灣，買palymobil，哈哈！

成日想學好啲英文，今日問左個星級英文老師價錢，聽完真係嚇親，成千幾元一個鐘，究竟要月入幾多錢先捨得咁樣學英文。。。