之前宣傳得咁勁，香港電影加陳果再加上Shine，無理由唔入戲院捧場！
套戲比好多人插，不過我覺得還可以，條橋實在太正，好難唔想追落去。
（以下有劇透）
今次套戲相當懸疑，故事就由突然間全世界上只剩下一架小巴同小巴上的司機及乘客開始，跟著這十七個人就不斷尋找其他人的消失的原因。
套戲有些位是有些突兀，好像中間眾人用刀插MK仔個幕，可能班演員演技有限，我覺得個幕好奇怪。
最尾個幕紅Van被人追殺，好誇張，架Van仔係咁被其他車撞都仲上到山。今次套戲是無結局，因為係有下集。
套戲無結局，好吊癮。結果我就以極速看完網上版小說。
個故事真係寫得好好，不過個結局呢，就好像有些爛尾，又或者可能太高深，我有啲部份都係唔明！
有興趣的話，大家都可以係呢度睇
https://docs.google.com/document/d/1sakbP87NfgwgXAZoDcJ0Y2VmlQCJns41ALsS2b67G2s/edit?pli=1
沒有留言:
發佈留言