剛過去星期日, 睇左兩台的歌唱比賽, 這個歌唱比賽其實都只是抄中國的 “超級女聲” +台灣的 “星光大道” + 英國的 “Britain’s got talent”, 之前覺得要辦一個節目 “抄襲”的節目, 應該是沒難度的吧! 但無線那個 “超級巨星” 就實在打破了我的看法。 首先, 無線的評判團講的 評語實在令我覺得有講等於冇講, 這個節 目其中一個好睇之處是評判可以同觀眾講出個參賽者有什麼缺點, 點樣改善, 不過係無線個節目入面, 我只是聽到他們不斷講都幾好吖, 唔錯等等中庸說話, 特別印象深刻是謝安琪:『我好欣賞你選擇唱廣東歌, 廣東歌的發音、唱法都比英文/國語難』, 阿kay講完的說話都要對個參賽者有用先得, 你無端端係度讚廣東歌, 我知, 我明白你不斷想話俾人聽自己好鐘意香港同香港樂壇, 不過唔該你唔好咁著跡同睇下場合! 仲有個個古sir 個句 『係 咪小兒科!』我都想死!! 仲有這集是第一集, 好應該將最好睇的播出來, 吸引觀眾繼續看, 但今次什麼100人foul 70人, 除了聽到幾位參賽者唱歌外, 其他都聽唔到, 搞到成班人做人肉佈景版, 既然都不用個個表現, 倒不如播他們初賽片段就算啦, 何必叫人山長水遠來娛弄他們?
反觀亞視的評判, 起碼他們是在講參賽者的歌唱技巧, 而且仲每個參賽者都有一首歌時間他們表演, 咁樣起碼先叫尊重! 同埋估唔到亞視的評判水準都非常高, 請到肥媽、吳國敬、周國豐, 不過劉以達這個就麻麻, 純搞笑, 同埋亞視主持林曉峰同曾寶儀都好好睇。睇了第一集已經覺得曾寶儀好惦, 香港已經好少這樣的女主持, 年輕的香港女主持多數只是花瓶一個, 好溫柔好斯文咁, 但曾寶儀就是個種巴巴渣渣, 有點似吳君如個種, 咁樣主持2人先可以有火花。
其實今次我都想亞視做得起, 只得無線坐大的香港電視行業, 只會迫人轉睇國外的電視節目。
