Egg Benedict

其實已經很久之前食，不過一直的唔起心肝寫Blog~

我一直覺得Egg Benedict 是一款好早餐的菜式－材料只是雞蛋、烟肉／火腿同麵包，不過經過廚師精心烹調後，又確實令到這些普通食材升格不少～

廢話少說，去相

Frying Pan　http://www.openrice.com/restaurant/sr2.htm?shopid=15480 

我相信好多人聽過這間店啦，食價比的話我覺得不俗 (連飲品都是$80左右啦)，可以encore~他幾時可以開到來九龍，等我有機會食下嘛！可惜飯腳就話覺得唔值吖，下次去要另找飯腳呢～ 

18 Grams　http://www.openrice.com/restaurant/sr2.htm?shopid=50093 

有日在油麻地, 想不到食什麼好。於是上openrice望下, 就見到這間。在家樂坊最入的舖位，對面就是大排長龍的涮涮鍋。

 

食物質素幾好，特別欣賞他麵包烘得很碎，好味道。當日還叫了一份沙律，味道一般。

這間店價錢貴，一份Benedict沒有飲品，承惠$80。環境也不覺得太舒適，可能我來的時間是Dinner時間，坐得迫狹，枱與枱之間很近，就是那些你不想也要被迫聽別人的秘密那種距離，店子也沒有玻璃阻隔走廊嘈雜的聲線，實在想不出理由再來的了。

PS 朋友點解我影咁多食物相，但唔多覺我出post.........比他講完是時候要勤力些。

Prime Steak House@圓方

寫這間店當然要寫她的牛扒，我們今次叫了個Prime Rib Eye 同一個普通的西冷。2款價錢相差一倍， Prime Rib Eye 就要承惠400元，還要未計加一。
食完後的感覺就是我不懂欣賞 (/-_-＼)，食不出這$400牛扒同我自己整的$100的分別 囧

店內環境十分黑，小的眼力不好，簡直看不到menu。我比較喜歡光少少的環境，我想來這裡飲酒談天又或食甜品是不俗的。
Prime Steak House @ OpenRice

中毒…We are X!

話說…我無啦啦走了去學鼓(初頭我是想學電結他的…)
話說…原來鼓都幾好玩的
話說…有一日上youtube度搵鼓solo睇...既然比我遇見教主Yoshiki
話說…自此之後，我不斷上youtube睇他們的Video, 迷上X Japan


我就是鐘意左這隊奇型怪狀的人，又話說我無啦啦繼達明一派之後又鐘意左一隊20幾年前的樂隊。(好彩是他們仲活躍於樂壇)

好鐘意他們好Rock的音樂，他們的歌，每樣樂器都配合得好好，以前我成日都唔知支Bass要來做乜，但聽他們的歌就好聽到Bass的作用。而主音把聲好磁性，唔怪得之當年因為他要解散成隊Band。最後，當然大力推薦教主演奏的鼓聲，他打的鼓聲令你好自然咁成個身體跟住他跳，好熱血沸騰。可以話X Japan的音樂同我平時接觸開的，真是有好大的分別。

紅-X Japan--聽極都未厭 


他們的音樂隨了rock又有柔情，柔情的代表作就好似《Tears》 、《Without you》同《Endless Rain》。
 《Tears》-是Yoshiki寫給他自殺的父親
 

好好聽的《Endless Rain》, 又話說郭富城改篇過的~ 


其實我覺得他們個個長頭髮，化哂妝咁好型。我又好鐘意主音Toshi立起頭髮(而家他變了阿叔樣喇…)，Hide的粉紅色頭（可惜他98年意外身亡><）,而教主鼓手個長髮look都好正。 


他們而家個個都40+, 是得Hide永遠青春, 好鐘意他們每場都仲會介紹Hide 。 

話說係台灣買了教主本前半生自傳，我以極速2 日時間看完。看完好佩服他不斷追求完美同不會理會別人眼光，不會依遁規距。書入面都有不少趣聞，好似原來Toshi同Yoshiki是幼稚園同學（這個真是壯舉，我都冇同任何幼稚園學有聯絡，連名字都忘得一乾二淨），仲有他同Hide 兩個的感情(這part真是看到喊)。
事實上，我自己點都估唔到會鐘意隊日本band，一向我聽唔明的語言的歌好反感，英文都叫做學過下，但日文的歌手我都冇想過我自己會鐘意。不過鐘意日本歌手真是有個好大的問題，就是$$問題，話說他們出的所有物品都好貴，好似他們一隻演唱會DVD咁，成五百元一隻，仲有他們不斷出好多不同的products，仲要有好多都絕版，真是會買到你窮．．．

他們其實解散過又復合返，我好期待可以是現場看他們的表現，又好期待可以買他們的新碟。
貼多幾張他們後生的相先~



仲有好多X Japan的東西想同大家分享,不過時間已夜了, 下次下次~~