街頭文化HKWALLS 2016

我其實好唔明, 點解政府要整到香港處處都一模一樣, 咁樣真係可以吸引到遊客既咩?

今次想介紹返早係香港舉行既HKWALLS, 呢個真係好正, 由一些小商店借出外牆或閘門給一班藝術者畫畫!

其實我知道好似台灣/馬來西亞, 都好似有啲地方好多壁畫, 而呢啲壁畫村都吸引到唔少遊客吖, 點解香港政府唔可以向呢方面諗下!

本來想等埋佢地收檔既, 不過等左好耐, 都係就咁算LU~

途中見到有人畫緊架車, 佢地好勁呀!要畫咁大幅畫真係好難

呢隻熊仔好勁呀, 整得超靚

呢個立體感好重, 好勁

大家想知詳情, 就去佢地個官網睇下啦! http://hkwalls.org/

好希望呢啲畫唔好消失啦!

值得推介--PAN de PAIN Pancakes & Sweets 鬆餅好好味

乜野舖頭令我三顧草蘆? 就係以下呢間食鬆餅舖頭!

雜誌裡看到有日式鬆餅(其實我都唔知係咪叫乜, 不過我係係日本食過, 所以叫住日式鬆餅), 而我係日本又真係食過隻一試難忘既鬆餅, 睇完就好想即刻去試!

點知, 第一次黎因為太多人, 我地去時又夜左少少, 已經截龍。第二次去諗住平日去無死啦, 點知去到見到佢個日做大清潔。好去到第三次, 終於試到, 雖然都已經係平日下午去, 不過都排左大約20分鐘隊先入到去呀!

今日主角--Souffle 鬆餅梳乎厘 $68

真係好鬆軟, 好有蛋味, 好好食 (同我係日本個個係有啲分別, 我食個個無咁多蛋味, 我覺得日本好味啲, 不過呢個都好正)

呢個中左伏 , Flake French Toast--Chocolate

我淨係可以講話唔好食, 味道好怪, 伏。

雖然坐BAR 枱, 但我都覺得好好坐

Cappuccino -- 哈哈, 總係唔係好識飲咖啡, 所以不便評價喇

呢間好值得ENCORE, 而家睇返相都好想食多次

呢間價錢好OK, 之後等我講一間我覺得超唔值既比大家聽!

開飯