好多好多節目的一天

今日真是去過超多地方, 超累....

第一站, 去了石硤尾創意藝術中心, 去看看朋友的攤檔, 好佩服她們能做出這麼多可愛製品。不過...我只能夠在這留數十分鐘, 之後就去Studio。





待續...

喜歡和不喜歡

『做人，做不喜歡做的，很容易。要做自己喜歡的，真難!』- 倪匡

BB

小朋友真係好可愛呀 ^^

2010 書展

又到每年一度的書展, 我都已經計唔出我是第幾年出席, 今年唔買唔買下, 結果都買了咁多本書同一些精品 (還未拍照 ==;)

講講今年戰利品, 入場時已經同自己講唔好買咁多書, 因為屋企仲有好多好多未睇。結果, 是無買咁多有字的書, 買了好多好多圖文書。

麥嘜買了五本, 因為做緊$40/2本, 好抵.... 咁零丁個本就因為....行簡體字書時見到買, 點知....繁體版是仲平7 元。

相機書繼續買了2本, 一本photoshop, 一本講閃光燈。一路都冇買書講PS, 多數靠上網找資, 見到這本講好多唔同的effect幾得意, 就買本旁身。閃光燈就因為一直都想用好支閃光燈, 而且因為...捆綁式消費, 搭單買...

最後就是買了Stella SO的作品, 自從看完她的『老少女日記後』及blog後, 就好欣賞這位畫家的幽物感同香港情懷, 結果買了她2大本著作, 又因為捆綁式消費啦, 再買了小克的書...

咁大個人買的第一本圖冊!

Stella SO's Blog: http://oldgirldiary.blogspot.com/
                              http://stellaso.blogspot.com/

希望在下年前看完這多本書...

馬鞍山公園 - Ming

一直想拍訓在草地上的照片,今次終於找到人和景一試, 不過始終草地不是太乾淨, 下次要想想找想麼舖地會好些~

今次這2張都好鐘意, 多謝ming的幫助!




這個設計好靚, 我們係這度拍左好多相~




















炎熱的高溫下拍照, 為何我好像沒瘦了一點呢........
和朋友說起藍天白雲的天氣, 她說想游水, 我卻說是想拍照, 大家喜好不同, 果然看到相同東西會有不同的反應!

The One - 一體化

眼看The ONE又快開幕, 不知是尖沙咀第n個大型商場, 究竟香港雖然多少個這些大型商場? 就咁數尖沙咀就有 海港城、美麗華、新港、K11、1881、新太陽, 仲有個唔知乜乜DNA, 遲些仲話要移走尖沙咀碼頭來開個新商場...一個小小的尖沙咀有成5,6個商場.... 會不會誇張了少少??


香港人的生活就只有買、買、買??? 

遊客來香港也是這樣的嗎??

10 幾個內容差不多的商場, 會吸引到遊客來的嗎??

真不敢想像香港的未來是怎樣....

Coldplay - Fix You

總是在某些時候, 就會想起這首歌..... 亦都應該是由這首歌開始, 我鐘意上Coldplay

Zero Writch Watch

在網上見到隻靚錶, 好靚呀!!!! 我好想買呀!!! 網上見95 美金, 唔知香港有冇得買呢??

黑色同白色都好靚, 唔知真身係咪都是咁靚, 好想見下!

http://www.yankodesign.com/2010/03/14/no-numbers-or-hands-but-it-tells-time/

史力加3

今次的史力加終結篇不是太好看。頭三分一好悶, 係之後有些笑位冇咁悶。

當初鐘意史力加是因為他跳出舊有框框的劇情, 好似用怪物來做男、女主角、公主唱歌好難聽、是怪物救公主唔係王子、又或者條火龍原來是很溫柔等等……但今集內容就只是舊酒新瓶, 史力加結婚後開始有中年危機, 結果經歷種種下終於『領略到身在福中不知福道理』。

做左人老豆又想要有自己私人空間...

咁多個史力加角色, 我最鐘意都係薑餅人。

今次又一齣3D電影, 不過看後覺得同2D其實差不多, 唔覺得有什麼特別。

下一套看的戲應該是 Toy Story 3。

美國獨立日

遲了半個月幫MW慶祝生日, Happy Birthday!!! 今次MC帶了wii的新Game - SUPER MARIO來玩, 哈哈!!未試過, 4個人一齊打機過關 (以前最多咪2個), 大家咿嘩鬼叫一輪, 激戰6,7個鐘後……最後學識左mario入面個絕招 - 變泡泡 hahaha
同埋聽得最多一句係.... 呢關好難架喎...

期待下次再一齊打機吖~~

好多人都唔鐘意細路打機, 自己一個人打係有d 自閉既, 不過如果好似我們咁一班人咁打, 都幾happy吖~~ 仲可以學習下團體精神!

Wheel Chair for Children

好有創意的一把Umbrella, 可以為地上吸個哈哈笑, 好kawaii~~

把Umbrella本來設計給小朋友, 不過我覺得給香港人都好吖, 好似n年前的廣告, 等香港人笑下啦!

http://www.yankodesign.com/2010/06/28/umbrella-does-a-smiling-wheelie/

每日自拍

Living My Life Faster - 8 years of JK's Daily Photo Project from JK Keller on Vimeo.

一個好有恆心由1998年開始每日為自己拍一張相的藝術家 Jonathan Keller, 仲要差不多每天的佈景都一樣, 真的好勁!!

好有趣的一個Project , 唔知大家看完後, 自己有冇興趣跟著做呢?



大家想了解他多啲, 就去他的網址啦!
http://www.c71123.com/daily_photo/

Time flies

過去十八歲　沒戴錶　不過有時間
夠我　沒有後顧　野性貪玩

霎眼廿七歲　時日無多　方不敢偷惰
宏願縱未了　奮鬥總不太晚

時間真的過得很快, 快到3字頭了。聽說過很多人當3字頭為一條分水嶺, 總會在這奇妙的歲數做一些驚人的舉動, 好似卓韻芝放低香港的事業走了去讀書, 又好似吳君如當年投資了巨款拍了『4面夏娃』。

可能因為行了人生差不多一半的路, 總在想我這30年做了什麼, 而我還可趕在30歲前做些什麼?

小時候想過當記者, 再之後想過做電影製作, um, 不過回到現實, 現在我的工作是完全風馬牛不相干的。

現在的目標是放在拍照上了, 總覺得可以將自己的興趣轉為事業將會是一件很值得高興的事, 還有不多的日子, 不知到我30的生日, 我會是怎樣的?

玩得起 - 詹瑞文

無意中看了詹瑞文的 『玩得起』DVD, 本來還以為是楝篤笑, 睇下睇下原來是個工作坊, 不過都好好笑。

最深印象是Enjoy your failure個part, 他話

“BB學行路, 跌低會好開心咁爬起身再學過; 而唔會跌低之後好嬲咁講聲Shxt”

一聽完就覺得佢講得好啱, 現在做事很多事都會畏首畏尾, 說到底都是因為驚失敗, 但其實可以好似詹Sir咁講Enjoy your Failure, 就算失敗後都可以笑笑口起身!

好推薦大家看這部DVD, 在結尾還有少少詹Sir與觀眾的真誠對話, 可以睇得出詹Sir點看他的事業, 他的理想好宏大, 表演不單只是為了賺錢同帶歡樂給人, 而是希望透過他的表演同教學來帶藝術給香港人。(好偉大的理想, 詹sir 果然與眾不同!!)