有少少覺得期望越大, 失望越大..
- 張poster好ugly。
- 選曲麻麻, 特別是快歌的那一part, 用《PG家長指引》來開場, 帶動唔起氣氛。Edmond揀了些好唔hit的快歌, 可能是我out, 但自問我都有幾多他的碟, 有幾首我都未聽過, 入行二十年, 要找10首令人有印象的快歌都不算過份, 好似《披頭四》就好應該是放落RUNDOWN入面, 真是無快歌的話, 將慢歌remix做快歌, 都好好多。
- Edmond話做演唱會有快歌會有著數, 但我自己覺得是2個做法, 你就算成場唱慢歌, 都可以搞得個演唱會好好睇, 好似最近千嬅個個minor classics, 我就覺得做得非常好。我自己在意歌者能否用他自己的歌聲感動觀眾, 而唔係好似做show咁, 只係想觀眾開心, 如果係咁我不如去睇standup show。好似今次Edmond唱幾首慢歌, 每首中間加插他幾段趣聞話想令觀眾對他加深認識, 但我就覺得破壞氣氛, 慢歌與慢歌之間應該是諗辦法link up 2首歌, 又或者唔講說話都好。
- 演唱會中間edmond有個短片約略講他這20年的歌唱生涯, 但我就覺得似呻苦短片, 內容大約是話梁漢文一直好努力去造好音樂, 去等運氣降臨, 不過我覺得一首歌可唔可以hit, 除了運氣, 仲有好多其他因素, 好似marketing就已經是好重要啦! 睇完我會覺得梁漢文是一個唔夠積極的人。
- 衫我覺得好古怪, 偏向女性化, 特別是最尾Big man 閃零零個套衫好詭異, 係個腰帶度放煙花, 我自己諗得衰, 我覺得好三級= = |||
其實之前聽他做訪問, 話想個show華麗些, 有更多視覺效果, 好似放煙花, 可能我太老土, 我自己覺得放煙花唔會是咁樣放, 他咁樣放變了套笑片, 而不是Grand, 我唔覺得咁樣好睇。 - 自己覺得Edmond邊彈邊唱是一個好Charming的事, 亦是一個他的selling point, 是香港真是唔多好歌手可以自彈自唱。不過可惜就是今次Edmond彈琴真是好少。希望他下次再有演唱會, 可以彈多些!
- 雖然話只開數場, budget有限, 不過我都有睇過些得2場, 但製作得好華麗的演唱會。其實是演唱會中, 聽到Edmond自己講話budget有限, 個台/show係咁架喇, 真係有些滴汗。
講了咁多缺點, 是時候講返些我欣賞的地方 - 謝霆鋒伴奏《瀛寰搜奇》個part, 真是好感動, 我十分鐘意他這首歌, 如果他唱埋《我的命運》就好喇。
- 《懶音歌》轉做慢版, 我覺得是幾好聽的
- 請DBS合唱團一齊合唱這個idea好好, 如果可以再develop落去會更加好。(不過好似請得唔夠多人, 我坐$180就覺得唔夠聲...)
- 唱《衣櫃裡的男人》的時候, 他哩埋是個木箱入面, 個idea又是好好, 不過我唔buy他跟住變魔術個下….
- PS 今日睇微博edmond話這個演唱會唔會出到dvd, 因為歌曲版權太貴……咦…這不是在討論rundown時就應該知道的嗎?
沒有留言:
發佈留言