That Sugar Film 一套關於糖的紀錄片

無端端睇左呢套片, (原來我都幾鐘意睇紀錄片, 呢套片我簡直追住黎睇, 哈哈)。

套片講乜, 就係講呢個導演, 為左佢即將出世既囡囡, 決心要研究下糖對人既影響有幾大。

咁佢點研究? 佢梗係唔係就咁播哂啲醫學研究出來啦, 佢一於自己去試下每日食40G糖對自己有乜影響(好似多年前既Supersize Me)

話說導演佢原來一直都過緊無糖生活, 套戲入面無糖生活就指無外加糖, 即係導演仲會食生果呀, 飯呀等等啦!

套戲入面都有好多畫面設計, 令到睇既時候唔會覺得好悶, 同埋話哂都係導演第一身既講說, 點都好睇啲。

套戲入面有啲我幾深刻印象既:

• 原來美國有啲家長會比係小朋友三歲時就飲汽水, 仲要一日唔止一杯
  
• 有啲年青人18,19歲就因為飲汽水而蛀哂牙(係真係啲牙黑哂, 好核突個隻)
  
• 飲果汁都係好唔健康, 佢舉左個例, 就係你平時食2個蘋果就夠, 但如果你"渣"汁就會用5,6個蘋果都唔夠, 結果你會吸收多左糖
  
• 好多低脂物品都係高糖, 其實都會令人肥
  
• 導演無增加到熱量, 只係食多左糖, 個人就肥左好多, 原來唔可以只係睇卡路里

雖然糖對人百害無一利, 不過我自己實在太鐘意食甜野, 只好減少食糖啦!

土瓜灣--銀之文房具+Antoshimo Cafe & Bakery

一早睇新聞已經對呢間懷舊文具店有興趣, 見今日佢地搞巿集, 就走去睇下啦!

有興趣既話, 可以睇下蘋果日報既介紹:

http://hk.apple.nextmedia.com/news/art/20160314/19528740

首先去附近既荷理活廣場食個lunch先, 我地揀左呢間食沖繩野既舖頭, 都等左成半個鐘先有位呀!

食物唔算好貴, 而我地一致係睇中左個沖繩炸包, 個包真係唔錯, 其他都普普通通啦, 但為左個包都想再去一次!

好講完食, 就講文具。

個巿集呢, 物品太貴, 地方有限, 行得好辛苦, 

結果我地行左十分鐘就行完巿集, 返番去門口位睇文具。

睇返呢啲真係好掛住細個個時呀!

我記得我細個都有玩過呢個彈波波

呢啲擦膠我覺得好得意, 但我無印象我細個見過!

紅色隻豬, 係店主既新產品, 好有70年代既感覺

呢個日本娃娃好靚, 但我諗放係屋企都幾恐怖

點解咁多玩具都無我最鐘意既椰菜娃娃既!!??

------------------

最近返新工好忙, 好耐無返過六天工喇, 工作時間又長, 老闆又刻薄, 唔知我可以捱幾耐喇......

都好想寫返blog, 唔寫好似唔記得野咁, 連啲野食好無味都會唔記得..............

老台灣風格-灣仔1963木十豆寸

係明星FACEBOOK到見到呢間台灣餐廳, 裝修特別又價錢OK, 於是決定一戰!

注意: 要行一層樓梯架!

就咁睇門口就知覺得呢間舖頭好有味道!

嘩! 入面裝修真係落足本錢, 60-70年代裝修( 我估), 特別鐘意佢啲磁磚, 好似去左舊時台灣咁, 好正!

店入面好多貓頭鷹!

我叫左杯檸檬冬瓜茶(我超鐘意飲冬瓜茶, 不過店入面無傳統冬瓜茶囉), 我覺得唔好飲, 兩隻味都唔夾!

啲筷子刻左啲字好得意

我叫左雞排肉燥飯, 肉燥飯好味, 不過好細碗, 個雞排就有啲酸味, 似檸檬雞, 唔係我想像中既台式雞排, 我就覺得普通啦!

而個前菜係有啲苺味汁......好難食, 呢度食物真係好普通!
今次午餐時間, 每人大約$100, 算OK啦!

講完食物, 又整返啲環境相比大家睇, 環境真係好靚, 個日我地下午去唔係好多人, 好好坐。

店主應該好鐘意相機, 呢度有超多舊相機

有部印刷字粒機, 唔知店主係邊度搵到返黎

開飯: http://www.openrice.com/zh/hongkong/r-1963-%E6%9C%A8%E5%8D%81%E8%B1%86%E5%AF%B8-%E7%81%A3%E4%BB%94-%E5%8F%B0%E7%81%A3%E8%8F%9C-r487324

當抹茶Latte遇上鴛鴦

原來咁耐咁耐無寫過書, 哈哈, 雖然最近睇左好多書, 但係就真係唔識點分享出黎, 真係書到用時方恨少。

點解會想買呢本書? 因為本書係個日本OL係香港生活既故事, 我自己就好鐘意日本, 係完全唔明點解會有日本人鐘意HK......真係好奇怪! 原來個OL 係因為覺得廣東話好好聽, 走左過黎HK(當然仲有啲其他原因啦)

本書其實講左日本人覺得香港好奇怪既習慣, 好似係OFFICE食早餐、下午茶啦；又講下日本人覺得香港人點好點好（真係覺得點解佢好似遇親都係好人黎咁），佢話覺得香港人好鐘意同陌生人傾計，日本人唔會，又講下香港SALES好好, 會不斷推銷產品(我反而覺得煩...)，仲有好多唔同既故事，好似講下日本同香港男仕既分別，睇完本書可以了解下外國人點解咁鐘意香港，都幾得意！

觀塘小火焰韓式咖啡餐廳 & Rosie's Cafe by cafe company

最近成日係觀塘出沒, 梗係睇下觀塘有乜好食啦!

今次要講呢間真係好正, 已經成日諗幾時可以再去食, 不過呢間無得訂位, 所以都要俾少少耐性去食!

不過我地個日好勁, 6:15分去到, 所以唔洗排隊, 用餐時間2小時。

我地雖然得兩個, 不過樣樣都想食下, 叫左4樣野!

餐餐都應該食菜, 呢個凱撒沙律($58), 啲菜同汁都好味。

重頭戲－－溶岩芝士炸雞麵包($108)，呢個真係好好食，雞又炸得好惹味，芝士又正，我自己就鐘意就整啲芝士出黎食。飯腳明最初仲話可以食哂成個麵包添，點知食到一半就話好飽，呢個真係應該叫多啲人黎分享！

之後,我們就叫甜品喇! 由於我地意見分歧, 結果... 我地叫左兩個甜品!

飯腳明叫左宇治綠茶雪花冰($62), 呢個超好食, 超好食, 佢啲冰上面有綠茶粉, 每口都有好濃郁既綠茶味，食到唔停口！

我叫左黑森林朱古力奶油吐司($40)，呢個普通啦，吐司中間夾左啲類似糯米糍，我太飽喇，只食左一半！

小火焰＠開飯
觀塘觀塘道410號觀點中心1樓1號舖　（係APM隔離)

同場加映沙田Rosie's Cafe by cafe company, 呢間都幾貴, 我叫左個Rosie's pancake, 味道幾好, 餅底好有蛋味, 價錢加埋一就差不多成一百呀, 貴貴地啦, 不過問唔中黎一次都OK既!

Rosie's pancake@開飯

沙田沙田正街18號新城市廣場第三期3樓A305號舖 (係一田隔離)

 而家明明好多空閒時間, 覺得自己應該productivity高少少, 希望可以勤update下個BLOG啦~

大阪之一個人的浪漫 2015 第一天

6/12-11/12/2015

話說在上年年尾先開始留意HKEXPRESS, 結果就比我係短時間內買左大阪同東京來回既平價機票!

第一次自己去旅行, 當然有啲啲驚, 最緊張既係機場來回難波個兩程, 因為呢兩程拖住行李, 搭錯好麻煩之餘, 搭的士又會貴到飛起。

今次有呢隻KUMAMON陪我去旅行

咁係平價機票就真係唔可以要求咁多, 
5點香港出發；夜晚9點20分先到達關西機場。因為好鐘意睇雲, 所以就加左錢坐窗口位。點知我影左幾張之後, 諗住拎本旅遊書出黎睇下先啦, 眨下眼個天黑哂.... 我加啲錢加得好唔抵呀...

係機上面繼續睇下旅行書, 話咁快就到左大阪喇!

咁我呢個緊張大師, 同埋今次得自己一個,  成日驚無尾班車所以好緊張!

大家想知點樣由機場去難波, 可以到小氣少年BLOG http://nicklee.tw/?p=494

本身我諗住搭南海電鐵, 因為我間酒店就係電鐵附近.... 點知......一去到票務處, 竟然話停售..... 我又唔識日文, 都唔知發生乜事><

咁惟有搭我無諗住搭既JR啦, 因為全部人都係搭JR, 所以無位坐! 我入落到月堂就見到有架車, 問個職員, 佢話係去難波, 就衝左上車, 但上到車就有啲驚搭錯車, 因為我完全見唔到難波站既...

最後, 勁上網搵既情況, 先知原來搭JR到難波要轉車既!結果搞左咁耐都成11點先去到難波JR站......

去到難波JR站, 望左陣都唔係好識由JR站到南海電鐵站(其實應該得架,可惜我唔識><)

我又好肚餓, 都成11點幾喇, 惟有係汽水機禁左罐粟米湯飲! 跟住就禁住GOOGLE MAP, 衝過去酒店。

條路黑黑地, 又得我一個, 好鬼驚。
間酒店仲要唔係係啲大街度, 仲驚><

結果我12:10先返到酒店, 今次我住大阪日精商務酒店, 間酒店都幾舊呀, 你睇仲用緊鎖匙就知幾舊啦! 

咁我放哂行李就出去搵間便利店去食飯喇, 好肚餓!

由於唔熟路同天黑關係, 都兜左一陣先搵到7-11, 結果就買左以下蛋包麵返酒店食~

其實都算幾好味架, 主要係啲汁好味!

最後甜品, 我呢就覺得普通啦!

大阪遊記陸續有黎~

(今次係旅遊途中無寫遊記, 而家要打返出黎真係有啲困難, 下次唔會咁懶喇!)