老鳳冰室@深水埗

網上見到這間裝修特別的冰室, 今日特意來試試。

大家望到佢既門面, 想唔想像到入面係點呢?

入面既裝修係仿六、七十年代既冰室既, 雖然呢, 唔算好精細, 只係放啲POSTERS同相, 加幾個Backdrops, 不過都特別。

入面播既歌都係六、七十年代架, 真係好懷舊。

好鐘意呢個郵箱, 又靚又實用, 個封信係餐牌黎架

  

裝糖既杯 

最後講返野食啦, 佢有啲好正常既茶餐廳食物, 咁我見一場黎到, 就叫左個海鮮保齡球飯($68)。

右手邊係芝士汁, 不過我覺得唔夠濃味, 個海鮮飯唔錯, 豬仔飽碎卜卜。

而佢中間個棵生菜....我真係覺得有啲多餘。。我都唔敢食, 驚污糟。

後記: 去個時行錯左隔離條街, 果條街好雜咁, 啲人怪怪咁, 我同個朋友都有啲驚, 好彩去時仲係日頭。

而個個舖位唔係大街, 所以如果佢唔係裝修成咁, 我估都唔會有咁多生意!

間店裝修幾特別, 食物都算OK, 可以一來。

地址: 深水埗基隆街216號地舖 @開飯

陳年戲-總有驕陽 The Cider House Rules 看後感

N 年前買的片, 那時應該是見佢拎左幾個獎(奧斯卡最佳改編劇本), 就買左返屋企睇。

我覺得呢套戲好悶, 成三個鐘, 要去到最後一個鐘先叫開始有啲起伏。雖然有人讚套戲影片拍得夠平靜, 但我自己就真係不懂欣賞。

最令我深刻印象, 反而係呢套戲講墮胎, 當時基督教反對墮胎既(唔知而家係咪都係咁), 不過我贊成戲入面孤兒院院長睇法, 就係你唔俾啲孕婦係合法情況下去做墮胎手術, 佢地只會去啲無監管既醫生度, 反而咁樣好易搞出人命。 而且就算佢地生左出黎都會拋棄個嬰兒, 令到世界上有多一個孤兒。

套戲其實改編自同名小說, 網上睇佢都刪減左好多情節, 我希望有一日我有機會睇下呢本小說。

近況最近清緊屋企啲存貨, 希望可以盡快睇哂, 我多年黎買落唔睇既CD/DVD/VCD同書, 空返啲空間出黎, 等屋企可以整齊啲~