叱吒樂壇頒獎禮

在sina blog見到好多人談論<叱吒頒獎禮>, 等我又加入戰團。

今次聽/看叱吒, 總覺得沒以前的精彩, 可能因為今年樂壇根本一點兒都不精彩, 或者我已經脫離樂壇。 今年是最喜愛的歌手/組合竟然沒被安排唱歌,個頒獎禮好像只有頒獎同爛gag, 唱歌反而變了次要。

爛gag中, 我覺得要介紹安仔那段是最爛, 講安仔捐好多錢在大陸起學校, 應該稱呼他為校長...., 我深信dj這段稿的目的是要讓觀眾慢慢猜到是那一個,  而不是好像現在這樣, 聽完反而一頭霧水! 還有林海峰段gag, 好多位我都唔識笑, 我真係又一次唔認老都唔得!? 好似林生講劉德華俾雷"擗", 完全領會不到有什麼好笑, 最難聽是他話張繼聰要"長渣"謝安琪那段, 最憎聽這些低俗黃色笑話, 好像在風月版中抄出來, 講真現在是頒獎禮, 你講都講些同音樂有關的笑話!  笑stephy那段, 我覺得好殘忍, stephy走音我估全世界都知,  但我覺得寸人不用去到太盡, 不用等全世界的人以為你在同情她時, 你反走去踼她一腳, 就好像有人跌入井, 你走去話會救那人, 還要叫全村人走去井邊看, 但最後卻不准所有人去救人!  林生講這些的笑話, 就不要笑時下年青人思想簡單, 其實佢都有份教壞人!

我覺得叱吒從來都不是一個公平 的電台, 只是新城自己做得太揚, 分豬肉得太明顯, 令到成件事cheap哂!
講真我都應為<電燈膽>首歌比<東京鐵塔 gulugulu>hit, 咁點解<東xxxx>得到獎, 我想大部份人都想到"關係"是那麼重要! 側田同kary拿都應該, 但kary連四台聯頒大碟都可以奪得, 我覺得又未免太誇張。 論播放率, 古巨基的<愛回家>大碟, 一定贏, 起碼有多首hit 歌 (愛回家, 錢錢錢錢,愛變了這世界襯衣同一蚊雞逛地球等) ,但講到paco點樣分獎, 這就點都估不到, 真的一大驚喜!  許志安首<前程錦繡>, 其實許生近一、兩年都是給傳媒狂插到人氣谷底, 雖然唱歌仍然唱得好好, 但現在真是唔多歌迷識欣賞, 可幸叱吒總仍然頒獎給他, 這是比較安慰! 其他歌曲獎都算很合理, 我都十分支持張敬軒首<酷愛>, 我也覺得這首歌是全年最好聽的歌!

今 年女新人同組合都差不多無聽過, 而男新人就竟然爆冷陳栢宇無獎, 真的有些出奇。作曲人給張繼聰奪得可喜可賀, 起碼踼走那位抄歌王!!組合獎由農夫奪得,希望他們有排玩啦! 女歌手金、銀都估到, 但銅獎竟然給放了半年產假的謝安琪, 都不給努力全年的唱作人金獎王苑之, 諷刺非常! 千嬅拿到最喜愛女歌手是我此料不及, 見到好多人都不明點解千嬅有這麼多fans 支持, 等我又寫編講千嬅先!

今年叱吒有些悶之餘, 還有少少覺得好像做馬做得太明顯, 希望下年另一番景象 ,不然我這個支持了多年的fans可能要退休了!