電台

細個已經有聽收音機的習慣, 記得小時候是陳海琪的fans, 當年晚晚聽她節目, 香港電台會不斷播政府叫越南人唔好偷渡的宣傳錄音, 搞到我而家都仲記得幾句。之後陳海琪過檔903, 就開始了我聽903的習慣。仲記得之後有『軟硬天師』、『嘩嘩嘩打到黎』、『芝see菇bi family』、『豁達音樂天空』, 當年, 仲要個個星期聽『叱吒樂壇流行榜』。

可惜, 自從三姑無做主持, 卓韻之去了美國、 森美小儀調去早上後, 903就好似無乜好聽, 最近想找個聽音樂的節目都冇, 個個節目都是主持人們在嘻嘻哈哈。

唔知... 而家香港仲有冇正常又好聽的音樂節目!!