莫失莫忘 賈寶玉

 

想去看賈寶玉, 好大原因是宣傳海報上”莫失莫忘”, 唔知點解, 呢4隻字令我想起達明一派, 而達明一派又是我的神級偶像, 而這套戲又是同黃耀明好熟的林奕華做導演, 於是就撲飛入場。

可能對林奕華的劇不太熟悉, 又或因我領悟能力有限, 令我預期的同實際的『賈寶玉』有很大落差。入場前, 我以為會看到的是一套略帶嚴肅的舞台劇。但入場後, 聽到很多爛爛的笑話, 看到演員們演繹不同的sex position (完全不明白在做什麼回事, 想說人生總充滿著性嗎? 還是純粹搞笑!?)……

套劇想表達什麼, 其實在劇尾, Hocc已經講了出來,  總括來說是講要有勇氣 保持赤子之心, 唔好白白活一場, 因為唔係人人都好似劇中賈寶玉咁可以再活一次。但事實上, 如果Hocc最後無講到他最尾這段獨白, 我完全唔能夠係套劇入面感受到這些訊息。

雖然可能是我自己領悟能力差, 令到我一路看一路覺得摸不著頭腦, 但我不得不佩服同讚賞Hocc的表現。她一出場唱歌, 就覺得她有一種攝人的魅力, 而且她唱得很好很好, 有時簡直超越了CD的水準。今次的演出無疑是超越了她上次『梁祝』的演出, 而我亦深深覺得她帶起了成個劇。看過這劇的人, 絕對應該感受到Hocc 的努力同用心。

要我坐定定寫篇文章真的很難, 這篇想寫很久, 但有時間的時候, 又不想寫, 真的......

話說看完『賈寶玉』都已經半個月了。