係雜誌度睇到呢書，就即刻介紹比我個儲物狂同事，之後同事又真係去圖書館借了返來，仲比我睇先。呢本書最過癮之處係會列出10萬個理由來說服你扔掉家中既雞肋之物，理由有包括風水、家居安全、健康（話說積塵太多都會影響健康）、關心物品感情（係，死物都有感覺架，好詭異），而我最Buy係作者叫大家試下回想一下那些雞肋物品，對你既人生會唔會有什麼隱藏意思，係執拾東西既同時嘗試面對一下自己既人生。即係話你既然唔捨得，咁件物品一定有啲野令你唔捨得扔既，如果你諗唔到就不如扔左去又或送人啦！
除左教你扔，當然有教你執，最深印象係作者建議大家盡量將所有東西企係度，話有“自立”之意，作者連呢樣都想到，真的不得不給以一點點掌聲！而我亦立即跟住作者所言去執了我一小個櫃桶，執執下先知自己原來有咁多衫唔著，今次執哂出黎捐去救世軍！
而另一樣關於執拾就是時間觀念，好多時我們都會諗件物品可能將來有用，但作者就叫我們要將時間設置係現在，如果成日諗件物品可能將來有用的話，咁就會件件東西都唔捨得扔。咁當然好似行李喼，係去旅行時先會有用，如果你係會成日去旅行個種人，當然keep啦；但你根本就唔鐘意去旅行，10年都唔會去一次既話，當然好應該送人。咁如果好似書這類物品，每年去書展都會買一大堆，但結果等了又等，等到花兒都謝了（我又係度tag歌喇XD）都未開始䏲既書，就不如考慮借／送比人，自己想睇既時候去返圖書館借。
望望我自己既雞肋物品，就有：
書 － 已經送了一大堆出去，但仲有好多，我而家好努力清走啲書，我希望只小每本都望過下，真係唔吸引先給人啦！
漫畫 － 只係淨低《馬仔》同《What’s Michael》，我認我係好小重睇返What’s Michael ，但我仲未捨得扔呀！
VCD － 已經比我扔了好多，原來而家VCD都唔係咁受歡迎，想送人都沒人要了！但屋企仲有些珍藏系列，有諗過轉哂做電腦檔後扔掉．．．
DVD － 其實DVD個盒真係好浪費空間，但仲未諗到有乜好方法，未捨得未捨得．．．
文具 － 話說已經不是學生很久，所以用筆次數下降，而自己又常常心思思去無印進貢，結果換來一大堆筆，不知用到何時何日。而且好多支筆都係用到一半，自己唔好意思送人，結果自己就成日希望啲筆快啲用完，盡快扔掉。
Notebook － 這樣雞股又真係霸佔了我好多空間，有些因為太靚，未捨得送人，有些就因為我成日覺得會有用，又係未捨得，唉！
講下講下我都係要努力清理存貨．．．
本書其實仲教大家，櫃的空間唔應該用到盡，用就用7成好，咁你望落去先會感到舒服，而物品又可以活動自如。我當然想係咁啦，但我估仲有漫漫長路我先可以做到。
本書其實仲有講好多，值得推介這本書比大家，如果大家睇完這本書，有好多東西要扔既話，記得試下扔上網睇下有冇人要又或者捐比人呀，唔好太浪費呀！
(P.S: 發覺要用書面文寫blog實在太難，我都係改返用親切既廣東話寫先^^
Power of Book 1都未出， 就出左2， 很詭異...但今次睇既第一本仲未寫完，咁惟有出左呢 本先)
沒有留言:
發佈留言