學位貶值

一個成績優異的碩士生, 竟然2年間都找不到工作, 然後上了頭條。

眼看, 好似好誇張, 不過細心想, 其實都不足為奇!

試想想身邊有幾多大學生, 碩士生, 就知道現今香港的學位貶值到什麼地步。

以前可能一見你是大學生就請你, 現在見你是大學生, 仲要看你讀邊間大學、邊一科、有冇拿過獎學金、比賽獎項等等……

不過始終見到這單新聞會覺得香港這個社會好可悲。要培育一個碩士生, 政府用了好多資源, 而且他能夠讀到有咁好成績, 亦都証明他自己有一定的實力, 但他卻失業2年, 浪費2 年青春, 而現在雖然經過一堆有心人士幫助, 都只是可以找到一份做問卷的工作, 而不能發揮所長, 這應算是資源錯配吧!

究竟香港的將來到底會是怎樣? 越來越多大學生做只要求中五學歷的工作,有幾多這班大學生是心甘情願, 又有幾多年青人都是迫於無奈, 迫於無奈的, 可能日日自怨自艾, 慢慢變得反社會。

而另一方面, 某些僱主眼見大學生越來越多, 就提高入學要求, 搞到可能做打雜都要大學程度, 低學歷的人冇乜工選擇, 結果又是遷努於政府。

講來講去, 好似千錯萬錯都是社會的錯。無計, 政府唔好好處理這些社會問題, 一個唔覺意香港巿民好似埃及那邊, 群起革命, 香港政府都唔好話唔驚!