單人公屋

看完琴晚的<<鏗鏘集>>，真的有些不吐不快。


片中的三兄弟姊妹, 只一心申請單人公屋, 明知要等8,9年先有機會上到樓, 都零願等, 而他們的人工仲要無了期維持在9300元以下。

他們仲咁年輕, 點解唔諗下點樣增值自己, 而令自己可以有更好的收入, 而只係識得怨天尤人, 怨政府? 其實他們已經無了屋租的負擔, 即是他們全部人工扣除家用, 都可以自己洗, 我計你俾3000元家用, 每個月有6300元洗。如果肯捱, 每個月只是用$3000洗費, 一年都可以儲36000, 五年就有18萬, 再儲多d, 到時都可以問銀行借9成買層樓啦!



仲有個男仔, 又是是到等政府派樓俾他, 根本他明明可以找8000的工, 零願叫老闆減人工去到7000元。其實他好應該試下用個1000元去改善自己的生活, 同埋再加上他做個份工的經驗, 做落去去搵人工再高的工! 他而家咁樣, 只是不斷原地踏步, 浪費人生。



最後個個女仔, 我覺得她要追夢冇問題, 但她要接受相應的犧牲。訪問中她話她都想樓價跌, 等她以買到樓。但我 唔知她覺得樓價要跌到幾多, 她會有首期來買樓。



其實片中個個都是後生仔/女, 仲係事業的起步, 點解唔努力向上, 而只係係度等。片中個個都唔算有迫切需要, 個個其實都已經住係間好好的屋, 只是可能每個人空間唔夠。其實公屋的原意是俾有需要的人住, 我睇唔出片中各個個案, 邊個有迫切需要!


簡介 - capture from RTHK
等待安居的日子


近年，單身八十後申請公屋的人數急升，比去年升近四成。有人批評他們是預支房屋福利，但面對香港樓市成為全國房地產炒賣市場，樓價和租金屢創新高，年青人認為自己並無其他選擇。事實上，申請公屋的非長者單身人士要面對計分制和每年配屋不多於二千個單位的限制，輪候時間動輒以十年計。






現時公屋輪候冊上仍有八萬多家庭，不少仍未能在三年內上樓，還有龐大的非長者單身人士申請，公屋興建量卻只及十年前一半。






公屋求過於供，年輕人為了追求獨立生活或改善住屋環境而申請公屋，究竟是否有迫切需要？