許志安on and on 演唱會

鐘意聽許志安的歌這麼多年, 因為對上一次慘痛經歷, 悶到訓著左, 今次只是我第2次入紅館睇佢演唱會。

今次演唱會

嘆

氣氛麻麻, 主要係安仔真係唔識搞氣氛。

太多太多太多握手位 – 我唔反對握手, 但唔洗隔1,2首歌就去握。話說個歌手握手, 坐山頂的人係睇唔到佢之餘, 佢唱歌又會無咁集中同有感情, 我零願個歌手扮好有感情咁企係台上唱!

成個show好似冇編排咁, 好多歌都係就咁企係台上邊唱, 又冇伴舞, 連video都冇, 好簡陋。

好奇怪, 無唱近期的歌, 『大愛』、『前程錦鏽』等都冇唱, 連『與神對話』,『活在當下』同『大風吹』又冇。我都明安仔有好多歌既, 不過今次偏重左好有歷史的歌!



不過值得一讚是安仔唱歌真係好得, 好好聽, 好夠氣, 正!

安仔彈琴都一流, 無撻Q。

好有心機造的台, 不過效果麻麻!