楊千嬅演唱會

嘩嘩嘩, 琴晚真係好HIGH, 睇完千嬅演唱會真係好興奮!!

本來對千嬅既熱愛程度已經少左好多, 但係今次個演唱會真係喚回我好多好多少時回憶呀!!

唱左好多估唔到佢唱既歌, 好似出埃及記、E715342、因為所以, 嘩諗返起個時我仲係細路一名渣!!

不得不讚千嬅唱功又進步左喇！

今次個嘉賓係郭富城, 當然無陳奕迅咁好啦, 但係點都好過容祖祖既!

郭富城一出, 成個場勁HIGH, 氣氛超好, 城城你係得既!

睇完後, 仲好想睇多場, 仲想睇埋尾場, 可惜已經無哂飛喇><!

（題外話：今次大會螢幕有delay，搞到佢好似咪咀咁
---------------------------------------------------------------------------

不過今日係網上睇到篇話千嬅既文章, 大致上係講話千嬅唱得普通, 樣又普通,乜都普通, 但係佢有好多好既幕後人員幫佢, 所以就成到名。

我真係要話比寫呢篇文既作者聽, 諗野唔好咁片面。 搵個五音不全既, 又成唔成到名呀?  千嬅唱歌技巧唔算好高, 但你如果聽歌淨係聽技巧, 咁你聽電腦唱就得, 個啲包保上幾多個八度都得架! 但千嬅既可貴之處係佢點樣投放感情落去啲歌度嘛！

仲有呀，佢自己既努力呢？你真係以為求其唱下歌就得呀？佢咁多年不斷出show、上電視、拍電影、練歌、練舞、錄音、做訪問。。。。



(相後補)

佐敦谷

最近執緊相..... 唔係retouch啲相...係reorganize, 睇返好多以前既相，發現好多相都影得唔靚之餘，同埋好多影完無寫低，真係唔知乜事，搞到我突然好想好想寫多啲啲ＢＬＯＧ！！

－－－－－－－－－－－－－－－－－－－－－－－

剛剛過左去既星期日, 我無端端....行左個小山.....

話說朋友們約左去佐敦谷公園, 由於我遲啲到就自己去啦, 諗住慳啲, 唔搭的士啦!

係GOOGLE查佐敦谷, 咪跟住行啦! 

一開始仲要行條長樓梯上斜, 行到我索哂氣

行行行, 行左成半個鐘, 終於去到啦, 點知.......入到去點解見唔到個草園既????

只係得幾丁菲菲係度野餐...WTF...我去左邊呀!

打電話搵人求救啦

佢話比我知我去錯地方!!

吓...Google Map扇我!!??

原來有兩個佐敦谷!!!一個係公園, 一個係遊樂場, 仲要兩個咁X近!!

結果...我無力喇!

都係搭的士去喇!

大家黎睇下兩個地方.....幾似樣!!

-----------------------------------------------------------------------------------------

有日行過見到打小人都有得扭蛋.......

我無抽到小人....抽到呢個..HAHHAA 點解你可以咁樣衰架!! (太細隻又唔穩.....OUTFO添)

有日係惠X見到有雷神朱古力喎~~~見台灣啲人話好好味, 我梗係買黎試下

真係真係好好味, 我超鐘意食!!! 可惜再返轉頭, 已經無得買喇!!

我是歌手

今朝食左個好難食既白麵包, 大家千祈唔好買!!! 又硬啲味又乾味道又差!!

呢隻係嘉頓輕怡三文治包, 唔好唔好買呀!!

-----------------------------------------------------------------------------
我是歌手, 本來係一個好好既節目, 不過佢好多都係造假, 觀眾係假既, 咁即係分數都係假啦.....

由於唔鐘意造假節目.....之前都無乜點睇

不過最近係面書度聽到陳潔儀首《心如刀割》, 我覺得實在太好聽喇, 但係咁都輸左...唔忿氣,
上網去睇埋其他歌手係點, 睇完都係覺得陳潔儀無理由係包尾架!!!!

係睇既時候, 又發現內地又真係好鬼多唱得好既人, 韓紅(雖然我麻麻地佢人品) , 但唱歌又真係好得喎!! 如果香港多啲咁既歌手, 就唔洗好似而家咁一池死水啦!!



----------------------------------------------------------------------------

呢幾日, 我仲追緊個旅遊BLOG, 一個叫丹尼爾既青年人, 隻身由香港踩單車去英國, 真係好鬼堅同熱血!!
我而家睇到五十幾日渣, 真係好鬼好睇, 好好佩服佢既勇氣呀!!
自己一個踩單車喎, 比著我就驚遇到賊呀, 炒車呀, 身體唔舒服喇!!

http://blog.ulifestyle.com.hk/blogger/danielthewanderer/2014/06/29/

我從佢FB得知佢而家係中東, 好想快啲追完佢個BLOG呀~~

-------------------------------------------------------------------------------

撒嬌女人最好命--好好笑

我變左彭導的FANS, 今次連佢既國語片都睇埋~~

本身覺得張POSTER好鬼醜樣, 唔諗住睇(香港係用左邊個張), 不過見到網友小T話好好笑, 我又入左戲院睇。

上網睇好多戲院都爆滿, 結果又係走左去旺角新寶戲院睇, 係呢度睇戲唔錯, 飛又平啲, 又易啲買飛!

講返套戲，真係好爆笑。橋段雖然好老土，不過細節就好出色，好似血滴子、兔兔同冰球。

戲入面兔兔個幕，令我諗起我幾年前既一個經歷。

話說我要同一班好唔熟既同事去食晚飯，席上有位某男同事既女朋友。好啦，叫菜，係個位男同事叫的，其中一味係翅，佢女朋友就唔食翅既，因為佢覺得好殘忍。
好喇，到啲翅黎到喇，我地打算開始食既時候，個女朋友係呢個時候喊。。。話好殘忍。。。！！
個問題係。。。個翅係你男朋友叫架喎，你地兩個究竟係咪情侶關係黎架，乜佢唔知你連見到都會咁傷心既咩？
同埋呢。。洗唔洗喊咁誇張＝＝’

唉，我知食翅唔啱，不過呢都唔洗咁大反應呀！！

2015 我要健健康康

真係唔寫開就無寫....

話說已經踏入左2015年， 送一個我自己拍既Time lapse比大家，今次呢個係短版，我希望遲啲可以整個加長版比大家！！

係度祝大家2015年，
健健康康！！
心想事成！！

 

而我自己2015年願望,
1. 身體健康!! (因為2014年係咁病, 病到我都無哂MOOD做其他野><)
2. 轉工 , 講左N咁多年, 再唔轉真係後悔莫及喇!)
3. 可以勇敢啲, 好似千嬅咁勇字當頭, 唔好咁多顧慮!
4. 講野叻啲, 唔知點解, 我好似人越大, 越唔識講野。

如果呢一年做到呢4個願望, 就已經好叻叻喇!!!