藍精靈

藍精靈, 十分勁 ... 
人越大, 就越鐘意懷愐小時候的玩意, 藍精靈是其中之一。

對藍精靈的劇情記憶是零， 但又唔知點解會好鐘意他們。

上次功夫熊貓太好看, 令我對這套都是動畫都有一定程度的期望。

可惜的是.....對我來說套戲都幾悶，是一套名副其實專給小朋友看的一套戲： 簡單的故事、誇張的表情、中間加插歌舞，小朋友看應該很喜歡， 但我就...（我明我明，是我明知是給兒童看的動畫，我仲入場看！）

今次配音很煩厭， 不斷講"精靈啲"， 又不斷唱歌...唉... 

3D效果就其實好一般， 同好多3D戲一樣只是綽頭而已。

住家菜

去了朋友的家吃飯, 有青口, 蝦, 意大利雲吞, 鮑魚, 仲有"老味" 。
好豐盛的一個晚餐。
朋友的家design得很靚, 下次要記得拍照來分享給大家看~

全景相

好鐘意睇人家的全景相, 好佩服用菲林機做到全景相的人。
其實有了數碼相之後, 做全景相是容易了好多, 不過自己咁耐以來的全景相都寥寥可收。
今次一整就整了2張, 仲試下用唔同的方式present ~ Enjoy~





正經全景相




這個效果好搞笑~

懷舊小菜 -- 紫荊閣

紫荊閣已現結業, 舊式茶樓在香港真的賣少見少....
---------------------------------------------------
本來想到得龍食懷舊菜, 不過地點偏僻又難訂位, 所以我提議到就近油麻地的紫荊閣一試。
其實對懷舊菜認識不深, 今次只是貪新鮮。
先來的是氣勢十足的叫化雞~
好似被石灰包住, 好新奇。我們成班圍住隻雞來影相, 好似成世未見過雞一般。 囧
隻雞好滑, 入面仲有雲耳, 金針同冬菇, 好好味道。可能太好味, 食一陣就冇哂喇! 



然後仲有的懷舊菜就有鴨掌包, 外脆, 幾好味, 不過入面有雞肝, 這樣太肥, 我就冇食。
 
跟住龍鳳球, 這個很好味道, 可能是因為有沙律醬, 好鐘意食。原來入面又是有雞肝, 估唔到!

這個是魚腸焗蛋, 個面的油炸鬼好好食好脆。這個好大盤, 同行人一來少人鐘意食魚, 二來這個都幾腥, 所以都食剩幾多。
 
冬瓜盅, 細個去酒樓成日見, 仲以為是西瓜。
夏天食這個一流, 味道好似唔錯。(唔記得乜味, 但應該唔錯, 我飲哂...) 
這個應該是我們叫的二人餐其中一條魚, 這度個侍應仲會特登拿條魚俾我們睇, 問我們滿唔滿意, 已經好少酒樓會肯連細價魚都拎俾客睇, 讚!
 
二人餐另外一款, 這個因太普通, 大家都遺忘了:p

這間酒樓服務不俗, 而且位與位之間都有一定距離, 又唔太嘈, 又唔會趕人走, 食物又特別, 絕對是一個良朋結的好地方。
紫荊閣@開飯

12.8.2011 Fri 

又大一歲

 好似好久沒寫寫自己的近況。

又到每年一度的時間, 望返轉頭, 就覺得時間過得好快好快, 我仲好覺得讀書好似好近的事, 但原來數數手指, 我都已經是這個社會大學讀了好長的時間……

其實我都算個幾幸運的人, 在每間公司都算過得不錯, 起碼每間公司都有幾個同事傾到計, 有些到現在還是朋友, 對於我這個不善詞令的人, 真的難能可貴。  不過可惜的是做了這麼多年, 我都未算找到自己的位置… 而且還是一個窮忙族, 對自己工作的前景, 常常都感到徬徨...

最近, 工作了這麼多年, 先驚覺自己應該認真對待一下英文…… 結果走了去補英文…結果有些後悔自己磋跎了之前的歲月…

影相方面, 總覺得影得多就技巧越成熟, 越可以更好, 所以成日蠢蠢欲動去影相, 但影得太多,就需要很多後製時間, 希望可以盡快清一清我的相, 再reorganize一下就好了。 除了影wedding 外, 以前多影風景。 但越來越發覺, 有人的相較風景更好看, 所以願望就是希望可以在街影多些陌生人。

Wedding Photography方面, 即將會上Kenneth So大師的攝影班, 好期待!! 希望可以提高技術啦!

健康方面, 就是人越老, 機能真的好像退步了, 所以最近都特別留意飲食, 盡量少肉多菜, 飲多些水。當然運動方面最重要, 可惜這個我還是很懶。  希望今年可以游多些水 ß暫時最愛運動

願望

希望可以儲更多錢, 向買樓目標進發 (現在還爭很多很多….)

影相越來越靚

找到我的終生事業

身體健康

落霞

好鐘意這隻模擬菲林的顏色～

麻木

一個美孚, 竟然容不下只是14個的女童,  而這些女童並不是什麼窮兇極惡的人, 只是一些無法與家人相處、父母離異或受虐待問題困擾的十四至十八歲少女。美孚居民以女童會帶來很多細菌，影響老人健康；經常有女童搬出、搬入，保安員難以辨識居民身分等理由來拒絕這班少女入住，更白痴的是既然有區議員沈少雄)幫助這理無理居民!!!

試想想, 女童入住又會有幾多細菌, 多得過狗嗎?? 女童搬出搬入?? 我又唔信你們美孚成個地方冇一個單位是出租給人, 咁又唔見你們話唔俾美孚業主不許出租單位!?

另外仲有單新聞想講, 就是我們親愛的唐唐, 計早前黑面、車毁人忙之後, 又有新力作, 就是黑面論。講真我覺得一個高官唔應該用咁粗鄙的措詞來評論其他人, 又唔見他話菲律賓政府垃圾!? 而且再平心而論, 今次政府真的做得過份, 禁止所有抗議走近副總理又唔俾記者現場採訪! 咁仲叫有自由? 

越看得多香港的新聞, 越想逃離這個小島。

以前會想, 只要香港人團結, 一齊起來反對一些無理的事, 香港仍然會是個安居樂業的地方。不過人大了, 就覺得越無可能, 大部份香港人都政治冷感, 無論政府做幾多無理的事, 他們都不會發出任何聲音, 只會顧及自己的利益, 而有些香港人自私的程度同高官的咀臉, 真的令我覺得很討厭!

http://hk.news.yahoo.com/%E7%BE%8E%E5%AD%9A-%E4%BA%BA%E7%89%86-%E9%98%BB%E5%BB%BA%E5%A5%B3%E7%AB%A5%E8%88%8D-220813529.html#mwpphu-container

美孚「人牆」阻建女童舍

http://hk.news.yahoo.com/%E5%94%90%E8%8B%B1%E5%B9%B4-%E5%AE%8C%E5%85%A8%E5%9E%83%E5%9C%BE-%E5%9B%9E%E6%87%89%E8%AD%A6%E6%96%B9%E4%BE%B5%E7%8A%AF%E8%A8%80%E8%AB%96%E8%87%AA%E7%94%B1%E6%89%B9%E8%A9%95-225528111.html

唐英年：完全垃圾 回應警方侵犯言論自由批評

一口氣

一口氣將2006-2008年的blog 搬到這裡, 總算使這個blog 更加邁向完整的紀錄。

那幾年寫的, 差不多全是寫香港pop music的, 那時真的很鐘意Cantop Pop。

不經不覺已經過了這麼多年, 看回以前的網址, 有些唏噓, 時間實在過得太快了! 好些事情像發生在最近, 卻原來已經過了這麼一段時間。

 看回以前的blog, 不得不承認我的寫文技巧實在太弱。 寫blog其實對我來說很困難, 好多時候, 我就算有個idea, 但卻好困難先能夠順暢地表達出來。不過我會繼續努力, 希望勤力有功, 越寫越順。 搬blog實在用太多時間了, 下次再搬的話, 我希望是有自己的server的時候。各位如看06-08blog的朋友, 那邊還有很多很多沙石, 請見諒!

(後按：這是之前搬完去Sina時寫的，意想不到現在又回來Blogger身邊了！)

團購熱 -- 好好服務的八王子

 店入面有好多好特別的畫

團購見到有這間拉麵店的, 而這間店又是屋企附近, 就買來一試。 其實對團購的印像都麻麻, 見到好多都投訴貨不對辦, 又或者服務態度欠佳, 所以去之前都有些怕怕~
今日好夜先去到, 可能適逢假期, 所以都好多好多人。間舖好細, 不過都算坐得ok, 唔算太太迫。 一入到去, 服務員都好殷勤, 態度好好, 好讚。 我們團購的是$29一個拉麵, 所以我們叫了2個拉麵, 不過始終是團購, 沒什麼特別拉麵選擇。
另外, 我們加了個番茄沙律

番茄沙律好鮮甜, 好解暑!
我叫了豬肉拉麵, 我覺得普普通通啦~
友人叫的是蟹捧拉麵, 友人說好味道~



總括來說, 這裡不錯, 服務態度好, 想再來食第二次, 試試他們的自家推介。同埋食完這裡的拉麵無口乾感覺, 應該代表無乜味精吧 ~

膠樽污染

最近好多人講美國人先洗未來錢, 今天碌咭, 下一代付費, 其實環保都是一樣。

香港的環保比其他國家落後好多, 主要原因就是因為政府乜事都怕, 唔肯下定決心做事。

好多明明可以環保循環再用的, 政府都冇想辦法回收再造。好似今次主角膠樽, 完全靠各個巿民自己自動自覺將膠樽放入啡色回收筒, 其實我都唔知放了下去, 有沒真正回收......而政府一路都都只是採取被動方法去鼓勵巿民去做, 但個大問題是膠樽其實是埋是海底或土地下, 100年都唔會溶解, 垃圾膠樽再咁樣落去, 遲20年30年, 可能香港已經無地方收集垃圾。

有人會問咁政府可以做什麼? 政府成日掟錢落咸水海, 好似浪費成百萬起條無人用的天橋呀、xx輔助上網計劃, 既然政府有錢, 不如洗落環保到。 正如報導所講, 可以以1毫又或者5仙回收一個, 起碼可以鼓勵巿民拎膠樽回收。同埋政府可以補貼膠樽回收業, 咁收來的膠樽先有用!

有人會話點解不是供應商負責任, 只要供應商出玻璃樽就無事?  政府當然可以立例執行, 但會被人指責干預自由經濟巿場, 所以巿民都有責任, 就是減少飲膠樽飲品, 無求只要供都會減少。

有人又話天氣太熱, 想飲涷飲都被人話, 唔人道。但事實上你可以堂食, 你諗下就算一支涷飲, 你支飲品離開了雪櫃15-20分鐘就已經唔涷。

其實環保就是大家盡量一點點減少享受,  每人行一小步, 加起來就會好大步。

題外話: 其實可口可樂的玻璃樽, 可口可樂公司好似是唔回收的, 我試過去7-11, 但拒絕收回。
所以用玻璃樽都未必解決到問題, 企業良心都是一個解決問題的重點。

http://hk.news.yahoo.com/%E9%A3%B2%E5%93%81%E5%85%A5%E5%8F%A3%E9%87%8F%E6%96%B0%E9%AB%98-%E5%9E%83%E5%9C%BE%E8%86%A0%E6%A8%BD%E5%A2%9E-224727554.html

Capture from www.yahoo.com.hk 

飲品入口量新高 垃圾膠樽增

【經濟日報專訊】海岸每1米便有3個垃圾膠樽，可有想過你我都有責？本地需求加上自由行帶動，去年輸港飲品量創新高，但每日被棄置的大量膠樽無價無市，令大部分膠樽落入堆填區百年不化，亦墮進海洋成為水垃圾，太平洋已形成大如千個香港的垃圾漩渦。環團倡膠樽徵費 鼓勵回收

回收商會及環保團體都促請政府開徵飲品膠樽稅，每個0.1至0.3元以鼓勵回收，否則港人要付上沉重的環保代價。

統計處數據顯示，本港去年入口零售包裝飲品達1.83億升，是近年新高，比09年增8.3%（見表）。蒸餾水入口升幅更強勁，由05年的267萬公升增至去年839萬公升，6年增加2倍。

香港回收業界總商會主席羅耀荃指，自由行帶動消費，整體廢物量都上升，包括飲品膠樽，但幾乎9成半回收店都不收膠樽，因60個才值1元少人肯執，量少不夠規模，對回收商而言更不值得回收，造成惡性循環，無價無市。

綠色力量行政總幹事文志森認為，除了自由行及本地人飲品消耗量增加，不少玻璃樽飲品近年改用膠樽裝，以減低運輸成本，亦令棄膠樽量更多。

大潭岸邊 每米撿3個廢膠樽

環保署統計顯示，09年棄置堆填區的膠樽量為5.6萬公噸，比08年的6.4萬噸反而減少，去年棄置和回收量則尚未公布。

環保團體「海星計劃」上周派員到大潭岸邊調查，在短短100米長的海岸綫已撿獲300個膠樽，即每米有3個膠樽。

至於香港國際海岸清潔運動去年進行2個月的統計，在全港的泳灘、海岸及海底收集到3.6萬公斤的垃圾，亦有52.5%都是塑膠垃圾。

太平洋垃圾漩渦 如千個香港

「海星計劃」創辦人之一Douglas Woodring指出，岸邊的垃圾會隨水流漂到海中的環流區滙合，形成垃圾島，距離香港6,000英里的北太平洋環流區，就有一個面積介乎250萬至1,000萬平方英里的「垃圾漩渦」，相等於1,000個香港，積聚了400萬噸的垃圾。

文志森認為，須引入生產者責任制才可解決廢膠棄置堆填區的問題，如按樽制，買飲品時多付數角，退回膠樽可取回款項，又或像歐洲退樽有優惠券。

文批評政府20年來原地踏步，相信未來5年都不會有大進展，因為至今連膠樽號碼分類也沒有，不同類的膠混在一起再造，做低價值生產。

羅耀荃指，鋁罐有人執，雖然價高時也只是每個1毫，但始終有價值，只要政府實施膠樽徵費，即使只是每個1、2毫，只要有價值，自然有人回收。

Transformers 3 - Dark of the moon

聽過好多人話上集好好睇而今集特技又超勁,  我都心郁郁走去睇變型金剛3。開頭因為遲入場miss 了少少那段用歷史同虛構片段混合的開頭, 這場剪接得很好, 將要看的不要miss了。

第一次看變形金剛片, 估不到特技這麼厲害, 可以做到流暢由車變做機械人的片段。而機械人都像真度十足。

前段交待劇情其實幾好睇, 又唔覺得有悶場。開場講男主角在名校畢業後, 前路茫茫, 雖然他之前幫手拯球了世界和平, 又差些沒命, 但都不能為他帶來一份有意義的工作。我幾鐘意這段, 講到現在學位貶值, 年輕人要面對的苦況, 而我亦都感同身受。

男女主角 

其實點打都唔會夠機械人打 

 

但去到後面變形金剛們同人類一齊去破壞pillars個段就有些少悶, 有些拖長來做的感覺。首先講班人類努力阻止, 經歷好多危險關頭, 跟住就講班變形金剛點打, 最後就講3大巨頭互打。但其實人類又點打得過班機械人,同講人類的時候, 變形金剛們好似消失了, 如果講2方面一齊聯手, 我覺得更合理同刺激!

這套主打都是賣特技同動作,劇情都有幾多犯駁位,想睇劇情的朋友就唔好入場喇 !

今次是The ONE 看早場3D, 早上11:20分開場, 都唔算太早, 但就只收65元, 好抵。

農夫包@旺角熟食巿場

聽過好多人講這個農夫包, 今日終於有幸一試。
一個餐好似40多元, 有農夫包+湯+飲品, 都叫好抵。
今次我叫是咖哩牛腩, 個包被錫紙包住, 好, 開動!


開始當然試一試最易食到的牛腩, 真是好淋好入味, 推介!推介!推介!

跟住要解剖個包, 最初我們得把膠刀, 真是太膠。結果要搵把鐵刀先得,個包無乜特別, 綽頭而已, 如果用白飯來送個咖喱, 應該一流的!

講完食物, 講一講環境, 其實同平時到的政府熟食中心環境大同小宜, 光線暗暗的、枱殘舊的, 可幸的是地面沒有濕濕的。個場都幾爆滿, 所以黃金時間去都幾難找到好位。

這個農夫包相信是這裡的銷量最高, 所以大家要有心理準備要等好耐的, 大約要等20分鐘先有得食的。

這間店就是一入門口的第一間, 好易找的, 要留意都幾早關門, 大約9時, 想食的朋友要早一點來!
澳門翠苑茶餐廳@開飯 

What's next 30x30 很值得一看

一入場就看到由5個好有意思的問題組成的地毯

行上去, 每行上一格, 就想一想那條問題...越想越遠.. What's Life?


我比較喜歡的展品:


好靚的相片

好有意思的一組相片國內爛尾樓

可見到細心佈置的畫面。










這裡只是全個展覽的一小部份, 有興趣朋友曾還未完之前 (好像還有2天), 趕快去看, 真的真的十分好看。
第一次到太古看展覽,  這裡的場十分之大, 而且行得好舒服, 不會人迫人, 可以慢慢細味欣賞。這個場應是swire贊助的, 平時也好像是作藝術用途的, 這個地段如果用作商業一定能賺很多錢, 但swire仍然肯捨得作別用, 真的好有心, 好好的一個場, 期待下次這裡舉辦的活動。
詳情可看: 
http://www.whatsnext30x30.com/about-30x30/