最近...沉迷玩呢隻極Cute的Game，因為又可以同朋友鬥高分，又可以儲錢抽公仔，令人輕易就上癮，這隻Game迅速搶拈了我玩神魔既時候。
我好努力賺錢希望抽到毛毛或者亞Jack，不過仲未抽到呀！！！
截止目前為止，用技後最高分得70多萬，朋友們卻已經去到90多萬。。。。。。。。。。
(25/3update: 最高80多萬,但朋友們已去到100多萬.....都係入唔到三甲)
(22/4update:最高190萬，用Jack，希望可以快啲過200萬）
玩法好簡單，將三隻一樣的公仔頭連在一起就得分，一次過連得越多越好，消除公仔頭數量到一定程度就會有Fever ，Fever就有得加五秒同得分增加。
另外，大家可以儲錢抽公仔，每隻主角都有同技能，開始時先選定你的角色，當你消除該角色到一定數量就可以發動角色技能。好似上圖就用巴斯光年，儲技成功，左下角的巴斯光年會變為黃色底。
角色都有得升Level，雖然我仲未知角色升Level有什麼用途，但每升到5/10/15 Level時都會交錢繼續升級。
(3/4 update 好像角色每升一個Level，公仔消除時的分數就越高，而公仔下面那行，就應該代表消除每隻公仔的分數，好似上圖就是164，但我發現我隻小飛象lvl16時是185分，而巴斯光年就是24lvl，但分數仍然是185分，我估每隻公仔的LVL都不一樣，咁我應該是繼續升小飛象會拎到高分啲！
另外,每隻公仔最高lvl應該是30，同事隻Tinker Bell30lvl, 分數是285）
(25/3 update 據同事分析, 有些公仔右手邊是指size ,好似小飛象, 本來寫住SS, 但當我抽到第三隻時,升左1 lvl, 變左S)
另發現Tinker Bell, 小飛象, 史迪仔好似賺錢多過用巴斯/胡迪
各主角技能：
巴斯光年（我覺得暫時最好用）：消除十字範圍的公仔
白色貓仔Marie：變出三個波波
Ｚero 白色貓頭鷹（我覺得最無用）：消除畫面上所有白色貓頭鷹，在固定時間內不會再出現白色貓頭鷹。（原意是令你畫面上只得４種公仔，可以較容易連得長線，但是你無得消除貓頭鷹，即是你又要等好耐先可以再發動角色技能．．．．）
小金（用粒扭做眼隻公仔）：集各家大成，隨機發出不同技能（因為隨機，所以都幾難用）
肥版 Tinker Bell(金髮女郎）：打橫消除2行
小飛象：打直消除2行
Chic & Dale：將中間一行變做對方（我覺得啲心心好阻礙）
米奇老鼠（無乜用）：消除中間手掌範圍的公仔
寫住咁多先，有啲唔記得喇！
你見到朋友們取得好高的分數，不用太驚慌，他們可能有用額外技能，好似上圖，我最常買的就是5變4，意思是畫面內只餘下四款公仔，令你輕易連到長線。有時會一次過全部都買，務求在結榜前超越朋友分數。（一星期結算一次，頭三位都有獎金）
仲有這是個貧者越貧，富者越富的遊戲，你越高級，得到的分數會越高。好似我在上圖26Level時（左上角），每局分數都會多10%。
小小心得：
- 儲錢抽三萬的Box，角色技能較強勁，較容易取高分。
- 線連得越長越好，達到一定程度會有波波
- 盡力達到Fever，在fever裡用主角技同整爆波波，Fever會加時五秒都好重要
- 多勞多得，Level越高分數加成越高
