碎碎念(3月頭)

好耐冇寫過日記，寫返上個星期先。

301
今日打算去先施望下大減價，我同朋友就搭小巴出旺角，點知來了一架吉小巴，好恐怖，因為這條線好少時候是零乘客，上車時都驚自己上錯車，問一問司機才安心。
去到先施，朋友話想買枕頭，所以我們首先去Sinomax看看先，不過睇唔啱，點知我們一話唔適合，個Sales即時黑面，真誇張。再到其他舖位看看，有個姨姨勁好人，結果朋友枕頭買不成，反而買了床單及被舖。

晚餐本來想去食咖喱飯，點知已經到打佯，結果我們去了間我們十年前都去過的北京麵館食飯，價錢都沒有大變，好抵食呀！

現在逢星期六我都在追《神秘花園》，其實已經是舊劇，不過最近無線重播，我望下望下覺得都幾得意就繼續追。

但韓劇劇情拖得太長，成二十幾集，我又成日唔明點解女主角的待人處事態度咁古怪。明明劇中好像要塑造出她是個獨立女性，不是無腦花瓶那類，處處忍讓工作上的不平等，但當她對著男主角時，行為又好野蠻，好似精神分裂般！

302

全日留在家中，本來打算整網頁，其實已經hea左成個月，但始終仲未開始，唉唷，點先可以的起心肝！
(PS剛去的星期日報309都是這樣，救命呀）

今日好開心，打機終於過了舊輪迴

303

之前報名的家居維修班原來今日要開班，點知我今晚又約了GG，結果就要GG就我，在油麻地食飯。放工先去食個魚蛋米打底，嘩，成三十元一個，好貴呀，我心目中魚蛋米只是二十元左右，真是百物滕貴。

這次家居維修班的老師是一個老伯伯，老伯伯教學比較隨心，教的東西東一忽西一忽，又沒有圖畫幫助，有點難明，希望下堂會有改善。

由於約了GG，所以今堂早走去了吉野家，勁多人打邊爐，可惜我腸胃仲未完全好番，所以只好陪坐。


306
有同事話我瘦左，我即時好開心問係咪真！

哈哈，可能因為近幾個星期都腸胃不適，所以食得比平時清淡，但份量其實沒變，如果這都瘦到，真是不得了！

放工去惠康買番茄食，你知在超級巿場裡的番茄包裝成一包包，外表好似好靚，點知返到屋企拆開，發現個番茄底是爛的><，惠康超衰，還我血汗錢。而自己都衰既，如果肯行遠少少，去街巿買，應該會買到又平又靚的番茄。