今次差不多病了一個星期（仲未好番），由初初的喉嚨痛，發展到現時的重感冒，辛苦捱完了五天工作，結果星期六日就陷入大昏迷。
星期六起身看完醫生後，就不斷睡，間中起身食飯、食藥同去厠所，就是不斷睡，好像很久很久都沒有這樣睡了。
一直睡到星期日的十一點多，病好像真的好了點，但仍然是還未斷尾。
不能多走動，就只好躲在家裡，看了早就完結的奧斯卡金像獎，發現原來好多影片都沒有看過。
夜晚就看膠劇 "守業者"，雖然越睇越唔好睇，但我個壞習慣又發作，就是開始了看的劇，就算幾唔好睇，都會頂到個結局。
看完今次套 "守業者"，我應該會投向家中新成員－Himedia電視盒子，咁多個節目，無理由我逃唔離無線的膠劇吧！
話說，昨晚超大雨，黑色暴雨再加落冰雹，最誇張莫過於又一城，成個水塘咁。今日有報導話，又一城今次水浸並不是因為暴雨，而是因為爆冷氣管，不過真係信不信由你，唔通真是咁橋？
沒有留言:
發佈留言