前一排唔知係咪睇得太多韓劇的關係，成日都想食炸雞，結果有一日搵左呢間炸雞店試下。
上到去，超少人呀，唔洗等位直入。
入面裝修幾靚，又因為無乜人，靜靜地，食得黎好開心！
我地得２個人，所以叫左好少野，一個沙律同一個炸雞。
炸雞都幾好味，有得揀兩種味，有隻好辣，我食唔到，比哂我個朋友食，個薯條好好味，好味過麥記既多十倍。
沙律就無乜持別啦！ＨＥＨＥ大盤啲就仲好啦！
因為太辣，叫左野飲，我覺得個杯好靚呀，佢係成罐汽水比你自己倒入個杯到架，所以都算幾抵吖。
果日好似唔知過左幾多點，就８５折，我記得好似埋單價$300左右啦！都算幾抵架！
不過有樣野想講下，就係啲侍應都好似幾唔想睬你咁，明明無乜客，但就係唔多理你囉！
而家去開飯度睇，星期一至五十點後仲有五折添，超抵！不過間野咁少客，唔知捱到幾耐呢。。。
－－－－－
終於開始想寫番BLOG, 希望Keep 住Keep住!!
沒有留言:
發佈留言