本來諗住去和亭食下午茶，點知上到去先發現無，咁又因為太肚餓，所以就照食啦！
叫左個二人餐，入面有：
厚切三文魚四片
和亭沙律－呢個麻麻地，轉左整法，份量又少，我鐘意以前個個呀！
重頭戲－壽喜燒，好味道，但啲配料好似少左既！
小型泡菜飯－我都係鐘意食石頭泡菜飯多啲！呢個冇飯焦，好普通！
小型牛肉飯，普通啦！
每人百幾蚊啦！普普通通啦，都係和民好食啲！
地址：油麻地彌敦道518-520號彌敦行M層
晏晝食左個咁勁既下午茶。。。。夜晚既然係食Pizza Hut！
有我鐘意既薄批，海鮮寬條麵同蒜蓉包。
可惜係。。送到黎暖既，結果我要拎入微波爐叮熱去！
食完呢餐好滿足，可惜係我個胃頂唔順個蒜蓉包，成晚頂住瞓得好唔舒服！！
沒有留言:
發佈留言