太子鳳城

有日見早起就約埋小宅去鳳城酒家，呢間酒家我由細見到大，不過唔知點解我一次都未入過去！　

有次睇食尚玩家見佢地黎呢間酒家食點心，仲話好好好味喎！咁我呢個地道人，冇理由唔黎試下既！

呢度唔多點心揀，大點差唔多成$30，好貴！

炸腐皮卷－幾好味，炸野幾時都係啱胃口！

呢個得意，係出面未見過，炸粉果，都好味架！

排骨無乜特別

糯米雞－OK，水準之作

牛栢葉，大點黎架，又話有腐乳既，都唔覺，我覺得唔抵！

燒賣－唔好食，煮得好　＂老＂

每人成$80，都幾貴，應該唔會特登再過去食！

呢間地址：太子彌敦道749號歐亞銀行大廈1-2樓

之後仲走左去太子既85度買左件cake，好味道！