復活節期開始喇！正！

復活節假期第一日，真係超開心！

連續四日假！！！

第一日起身做個運動先，跳左好耐無跟既鄭多燕，真係好累呀！聽朋友講話每個禮拜跳三次就可以減到肥，我希望我都可以啦！

跟住走左去飲個下午茶先，食物就普普通通啦，但勝在悠閒嘛。

夜晚就試整Carbonara，因為之前睇左秋生整，發覺唔難，所以就試下整啦！

下午去買材料時，發現同一隻芝士係超巿賣$30，但上去整餅舖買只需要$17.5，真係抵好多！

整Carbonara大約用左1個鐘啦，都算快，今次味道好似差少少，我估可能落少左鹽，或者用少左cream （今次用左50ml），下次再調整一下先。

再夜啲就去左睇《那夜凌晨，我坐上了旺角紅Van》，（小心劇透）




我覺得幾好睇吖，只係個故仔係科幻講有類似喪屍出現，好多人話係cult片，但我就覺得只係一套好正常既科幻片，仲有好多人話好失望，點解架？

朋友話小說版同戲好唔同，咁我未睇本小說，大家有時間可以上呢個網睇下高登爸打打包放左上網《那夜凌晨，我坐上了旺角紅Van》的足本版

https://docs.google.com/document/d/1sakbP87NfgwgXAZoDcJ0Y2VmlQCJns41ALsS2b67G2s/edit?pli=1

最近都有睇《愛我請留言》，我其實麻麻地佢地有時係咁講返啲Whats app內容出黎，同埋唔鐘意佢搵左唔知邊個翻唱陳奕迅、黃耀明既歌，但老實講呢套真係比無線之前既膠劇好好睇好多，人物刻劃深刻好多，劇情亦都合理得來有驚喜，值得一讚。

我記得佢有集話＂你記唔記得你十六歲個時做乜最開心＂

我記得我十六歲時，仲係鐘意聽收音機、聽歌、睇歌詞同打機，到而家除左冇聽收音機外，其他都係一樣。。。。