除左第一日，其他日子我都懶懶閒，到而家先寫返Blog（汗）
復活節第二天
起身用琴日用剩的忌廉炒蛋，落左50ml+2隻蛋，我覺得忌廉味太重，下次落少啲忌廉。
夜晚去了朋友家，見到久違的YY，傾左好耐計，今日又整寬條麵，不過我覺得太多水，都係失敗告終。可惜最後都係肚痛要趕回家。。。（唉）
復活節第三天
今日去左灣仔玩具街，聽個名就好耐，但今次第一次來。呢度有成3,4間玩具店呀，最重要係好多玩具都平過旺角／油麻地。
我就搵唔到我想搵既扭蛋，但係朋友仔就買左好多野，有食玩，又有小丸子，佢真係大豐收。
行行下經過呢間老金煎餅，聽聞幾好食，入到去係見幾個o靚仔入面，好似好求其咁，都冇乜信心，咁一場黎到梗係試下啦！
我同朋友每人叫左一個，我個左個咸煎餅－北京填鴨煎餅；而朋友就叫甜煎餅－淨係記得入面有咖央，兩個煎餅都出符意料咁好味，我同友人仲好想encore，不過胃口實在有限，都係下次再黎食過啦！
地址：灣仔莊士敦道113號修頓中心6C舖
上開飯，啲人好似話中環個間仲好味，真係要搵日過去試下。
之後搭電車去銅鑼灣Ikea，本來淨係買張枱燈，點知買下買下又買左好多野返屋企。
最後係食CoCo咖喱，不過因我飲完湯後個胃開始唔係好舒服，結果個飯食在好少渣。。。。返屋企後上網查先知洋葱湯會令人產生好多胃氣，可能係咁搞到我個胃唔舒服啦！
復活節最後一日
Hea係屋企，今日超罪惡，晏晝食麥當奴，夜晚食Pizza Hut，真係超誇張！個新批好麻麻，都係傳統批好味啲。
－－－－－－－－－－－－－－－－
成個復活節，仲有烈火雄心陪住我，我不斷上網重溫返，王喜真係好得，好想追返哂佢以前啲劇集，點解冇人搵佢拍戲架！？
就係咁，好hea咁過左4日既復活節假期。。。
沒有留言:
發佈留言