復活節後簡單Entries

425
放工走左去睇玩具，結果買左套對我黎講好貴既扭蛋，不過實在太難搵喇，所以一摘千金。

426-27
哈，最近鐘意煲劇，星期六全日煲M Club同愛我請留言，兩套都係輕鬆小品，都有好多時代曲襯托住，好過成日不斷播首主題曲啦！同埋呢睇啲呢劇，好過之前無記既爭產劇同埋紀律部隊片，個啲片真係睇到悶！

星期日去飲，祝福一對新人永遠都快快樂樂！

428
有人話如果每日記低自己食過乜，就會更有可能減肥成功，咁由今日開始我努力啲試下啦！
早餐: OK朱古力包
午餐: 香酥雞上海麵(好味道,但好罪惡)
晚餐: 小華堡餐(勁內疚......肥死)

今日一如以往的Blue Monday，好眼訓，朝早又等唔到車，結果又哂錢去搭的士。。。返工等放工，放工就走去上維修班，今堂又是爆悶，阿Sir講左唔夠三十分鐘就無野講，結果好似係我地gathering咁，大家各自打機、傾計，直到落堂。。。。

不過呢由於呢個班勁平，都唔可以要求咁高喇！

最近腸胃都好差，連汽水都唔敢飲，希望可以做多啲運動，令自己身體健康啲啦！

最近有個朋友不斷有不幸事件發生係佢身上，真係好慘，不過好彩佢份人超級樂觀，希望快啲事過境遷啦。