伙食工業Foody--好好坐既Cafe, like it!

係人地BLOG, 無意間睇到呢間Cafe, 係復活節假期見無野做, 就去下啦!!

呢度環境好靚, 所以影左好多相, 比大家望下環境先~~

我其實好想禁下部打字機架....但我又好驚比人鬧.........而家睇到張相又好想禁佢喇!

我其實都好想有返部咁既電話.......細個好鐘意撥電話

睇完環境, 睇下食物啦, 啲食物都幾好食, 每人百多元啦!

Greentea latte, 我本來想飲涷架~~不過有誤會~

吾吾..不過我飲完咖啡個胃有啲唔舒服..OOO

 PIZZA-普通啦, 好普通啦

公司三文治, 都OK既~

Carbonara --呢個個意粉淋啲就好喇

炸魚好味呀~~同埋佢個盤好過癮

沙律~無乜特別~

我地三個人都食唔哂以上既野食...

呢度因為係火炭工業區, 比較少人, 就算個日係假日, 都唔full, 我地係個度hea左好耐, 係一個好好Hea既~

同埋呢度超大, 唔會覺得好侷促, 枱同枱之間又唔近, 好正!

伙食工業@開飯

火炭坳背灣街57-59號利達工業中心地下3號舖 (正門入口-火炭路)

我們當日真係沿住坳背灣街搵....點知過左都唔知, 大家記得行火炭路呀!