宜蘭台北遊記3.2 紅樓 + 24小時誠品

" 嘩!!!隔了成年先再寫這個台北遊記，"汗”！”

上文講到我們終於千辛萬苦由宜蘭來到台北，在酒店整頓一輪後，又再出發。

首先先醫飽個肚，就先試試這個起士馬鈴薯。

芝士汁水汪汪，浸住你自選的食物，賣相不谷，但味道一般。

由於夜晚跟住就會去打邊爐，所以食少少就開始行街。

第一目的地是西門町的紅樓（由於落大雨，冇影相 = ='），今日星期六，紅樓外面會有些攤位賣東西，我在其中的一個攤位，買了一個成港幣一百元的環保袋，都幾貴，但個袋賣點是你用這個袋裝一大舊石頭，揹在你身上都會令你覺得輕。聽完覺得好適合我這個懶人。

紅樓內大多是的賣創意產品的商店，產品都好有原創性，不過可惜有些價值不菲，沒買回來香港。

紅樓大堂有處是擺放著古物的東西，竟然見到香港的來信。

二樓好像一個貨倉

（因相片在朋友處，晚上的活動都沒有相片）

離開紅樓後，我們就匯合台灣朋友去食麻辣火鍋，材料新鮮，味道不俗，不過下次來不吃麻辣湯底了，肚子頂不住！

吃完，台灣朋友說要帶我們去吃甜品，甜品是啤酒沙冰，我幻想的是好似香港沙冰，有一個冰山，再在上面淋滿啤酒，但去到原來是香港的Frozen Beer，價錢比香港便宜很多呢！

台灣的啤酒舖，裝修得很光猛，像cafe般，比香港賣酒的都是烏燈黑火，感覺好很多，連我不是常常喝酒的都想再去。

隨後我們就四周逛到十點多就到我們今晚的最後的景點－－24小時誠品。24小時誠品到半夜都是人山人海，而剛吃完自助火鍋的團友，竟然又再肚餓起來，好彩誠品入面有間cafe，不過就排長龍，店員叫我們留下電話。

最後相隔一小時後，先等到位子。我就只是叫了杯茶飲，而團友卻是叫了一個大餐。

最後來看看我的戰利品，在誠品買的最多的不是書，而是Hide的結他仔，可惜仍然是沒有我最想要的黃底紅心結他。最右邊的袋就是下午我在紅樓買的那個，真的蠻好用的。 

最後送上神魔之塔的魔貓給大家欣賞。

（仲有兩天遊記就可完成台灣遊記喇！！加油！！） 台北宜蘭之全紀錄

宜蘭台北遊記5.2 －Delay delay and delay

宜蘭台北遊記5.1 －戰利品,蜂大,書局街

宜蘭台北遊記4.3 －金峰魯肉飯，師大夜巿，寧廈夜巿

宜蘭台北遊記4.2－華山1914文化創意產業園區

宜蘭台北遊記4.1　胡同燒肉

宜蘭台北遊記3.2 紅樓 + 24小時誠品

宜蘭台北遊記3.1 橫風橫雨走佬去台北－Hotel Via丰居酒店

2013台北宜蘭自由行 2.4 晚飯時間

2013台北宜蘭自甲行 2.3 羅東林業文化園區

2013台灣宜蘭遊記 2.2 國立傳藝藝術中心

2013台北宜蘭之旅 2.1 早餐

宜蘭台北遊記1.2

宜蘭台北遊記1.1--到埗喇！

2013台北．宜蘭玩完雜感

在台灣也要上網

禍從口入

這星期腸胃都不好，結果今日就請假在家休息。

醫生話因為我有太多胃氣，所以令到我成日頭暈同作嘔。

見成因是胃氣，所以我就上網看看我究竟吃了什麼而引致胃氣脹。

http://www.alanmui.com.hk/2011/12/blog-post_4980.html
＂怎樣對付胃氣和腸氣 （一）減少吞入過多的空氣 慢吃慢嚼 勿吃香口膠及糖果 勿吸煙 如有假牙，要把假牙做好，不要太鬆，令咀嚼困難。 （二）小心飲食 儘量避免進食過多會引致胃氣和腸風的食物： 蔬菜：扁豆、棷菜、露筍、洋蔥和白菜等； 易生胃氣的食物(蔬果類) 水果：梨、桃、蘋果等； 榖類：小麥製品等； 易生胃氣的食物(澱粉類) 奶類； 易生胃氣的食物(奶類) 乳糖類。 易生胃氣的食物(乳類) 高脂肪（肥膩）食物，較難消化，滯留有胃內時間過長，多食會有「食滯」的感覺； 汽水及有碳酸性的飲品（例如梳打水及啤酒）。 易生胃氣的食物(飲品類)＂

實在有太多東西不能吃。。。。即是我應該食乜？



（大家覺唔覺我寫blog文字無咁口語，用多左書面語呢？因為我見到好多bloggers用書面語都寫得好好，所以我就想努力一下，睇下我啲書面語可唔可以有所進步。）

一路向西－至愛抽水文章

書其實可分四部份，第一、二部份為散文，我好鐘意這類抽水文章，佩服作者用風趣幽默的文筆，表面上寫的是生活小事，實則上卻是諷刺社會的文章 ， 看完會回心微笑。最深印象是Starbuck的那一篇，掛名分享，實則曬命。

“很多人愛走到Starbucks點一杯Cappuccino，無謂地拍拍照放上網跟朋友分享.他們不知道這類型的生活圖片其實很做作.就像Starbucks menu上寫著的Tall、Grande、Venti，夾雜著意大利文表示飲品的大小.多鳩餘. 這些人不是在分享.我也不認為他們在炫耀.他們只是在打飛機給人看。”

仲有幽默的比喻

“家中的弱智弟弟，表現不夠好，我們沒有選擇的餘地，總不能拋棄弟弟。面對著低能的政府，我們其實還有普選”
第三個故事，劇情比較納悶，好辛苦先看完。表面寫主角北上識女仔，側寫國內奇型怪狀的情況，如走後門，乜都假，連波都假。

跟住仲有兩個中篇故事，兩個都是小小咸多多趕。

第一個故事《關於去蒲，我說的其實是。。。》講的是上內地溝女的故事，從中抽水講到內地的貪污文化、有毒食品同全身都假，連對　都是假，抽得十分啜核。

“我望著身旁邊聽著club music跳著舞的年輕人時，我看不清中國大陸的未來.他們是社會的縮影，以為歌舞昇平.人人樂在其中，卻不知道自己處身漆黑暗的disco裡面，黑暗的社會之中.”

最後故事就是點題之作－東莞的森林，作者以好細膩的筆觸詳盡地刻劃出整個北上尋歡的過程。朋友話看完明點解男仕要去尋歡，我就覺得是一個咸故，沒有上篇那麽多抽水，反而就多很多三級場面。不過作者能用文字立體地表達出這些事出來，不得不讚他的寫文技巧的深厚。

本書娛樂性豐富，作者亦都很好的文學根底，絕對值得一看。

（這本書好像在我的書架一年，終於的起心肝看完，可以還給朋友了！）

金雞SSS－失望而回

金雞套戲就好似精神分裂咁，上下集根本就是兩個故事。

上半部的金雞都算幾好笑，而當中王苑之忘我的演出是最突出的，亦是全套戲最爆笑的一節。

套戲由金雞們去日本學藝開始，就開始悶，好似余文樂出現，話鐘意被人聞佢啲臭糊，個幕我真係唔覺得好笑，成個上半部最記得的台詞就是『加錢乜都得』。

轉到下半部，劇味急轉直下，哥頓哥同金雞的劇情完全無聊都爆，不斷重復『個世界變左』，要適者生存。最討厭就是抹黑反對派的一段，話反對政府的示威者都是用錢收買回來，另一段又話影射長毛沒什麼事幹，遊手好閒就有薪金。看到這兩段令我對鄒凱光同金雞套戲完全失望。

『加錢乜都得』同『適者生存』

有人話套戲呈現了香港人的精神！不過我好想反問『香港人的精神』究竟是什麼？是否就是『加錢乜都得』，就算要你奶人鞋底，只要能加錢，什麼都願意做的奴隸思想？

又或是『適者生存』，但這好像是全世界所有人都要遵守的法規，定還是香港人是為『適者生存』，都可以做到黑白不分，只要老闆話Ok就得？

香港賀歲片好似越做越爛，每年的賀歲片都中雷不少，怪不得有朋友說他不看港產片，想落也不是全無道理，看來下年要去看西片度歲。

其實我想說的和這位blogger 十分相似，不過我文筆功力有限，實無力準確地表達出來，強烈推薦大家看這篇評論。

http://movieforestlitmited.blogspot.hk/2014/02/sss.html

（看到別人書面語寫得這樣好，我都要加把勁直追才行。）

雙週記

新年時間過得特別快

初八 ，約了神秘朋友食晚飯。先是遊街食肥姐卥味，今次食覺得味道差左，食落無味，希望下次食有所改善。

然後去了丼丼屋食晚飯，好瘋狂，剛剛食完卥味，又食。今次試炸蠔套餐，椰菜同飯都可以任添的。炸蠔有水準之作，下次可以再來。

最後去了廣華街，本來想食甜牙牙，因為見到放在舖頭前面的相很吸引，點知等了四十五分鐘都未到我們。我們唯有轉軚，這間裝修一流，坐得亦很舒服，只是價錢略貴，一個窩夫要約五十元，味道是一般，沒什麼特別，但有時間可再來。

今晚傾計傾得好開心，希望可以我們這個Secret Dinner可以快些再有。

年初十，去了L的新居，好靚呀同個廳好大呀,，羨慕。
之前去過朋友的新樓，大多是發水樓，廳同廚房都偏細，實用面同價錢不成正比的屋苑，實在不明白政府為何不加強監管。

不清楚發水樓是什麼，可望望
取自維基百科：
（發水樓，是香港地產發展商進行利潤最大化的手段。發水樓是地產發展項目出售建築面積比可建建築面積多。香港原本賣地早有規限地皮有地積比率，由屋宇署作出定義。不過，建築事務監督有特權豁免某些建築部分不計入總樓面面積。現實，香港發展商利用此等酌情權，從中獲取更多收益。例如香港第一手樓盤，建築面積通常包括：私人會所、平台花園、兒童遊樂場、物業管理處、緊急救援車輛通道、訪客泊車位、垃圾房、電梯大堂、電梯槽及後樓梯等公用部分。）

當日本來節目是Ukulele交流團，結果我們中間加插了打邊爐同打鼓（L好勁呀，可以在家放一套電子鼓，羨慕！！！），反而不是太多時間玩Ukulele （係，我又多了一個新玩意。）。

今次再重新打鼓，雖則我沒什麼天份，不斷打錯，但玩過這麼多樂器，我覺得鼓是最好玩的。

初十一，約了舊公司同事食飯，佐敦打冷。大家都好耐冇見，好開心可以今晚見到大家。

初十二，與Mark 6去太平館，很久前已經想來試試，不過一直未有機會。今日終於來到一試，不過可惜冇名菜『瑞士雞翼』，因為太平館話要用活雞，冇活雞寧願唔整。。。。
今次來感覺良好，位置超好坐，價錢也不貴，食物也不俗。
（相片後補）

初十四，大雨好涷，超級涷。今日超黑仔，話說我每朝有兩架車巴士上班，一架A線就要轉車；另一架B線就直到不過成日無車。
我見B線咁難等，所以成個星期都搭A線，點知連續幾日都在轉車時見到B車 囧。
所以今日我見落大雨，又見有一堆車友在等車，我就等B車啦！點知，吹脹，結果就要搭的士上班，好貴，已經成三十元車費喇！

初十五，涷涷，繼續好涷，涷到好早訓。

因為隻舊錶爛了，所以都打算買隻平錶粗用。本來打算買Casio，不過有日見團購有隻錶幾靚，就落單買了，其實都幾驚，因為團購成日都會真實貨物同相片相差超遠，好彩今次隻錶都尚算OK，只是條錶帶是膠帶，如果是其他物料就好喇。今次隻錶只需幾百元，都好抵！

一蘭

某日，行完銅鑼灣後，苦無地方食物飯之際，突然想起一蘭。

記得之前去東京，已經嘗過一蘭的拉麵，味道確實比在香港食到的出色很多。

今次一蘭遠道來到香港開分店，當然有所期望。

當時心想香港一蘭都已經開了半年有多，好應該不用排多久就能入場，結果．．．．我們大錯特錯，排了差不多一小時才能入內進食。

當日我的選擇

又來到這個自閉位

這個就是我久候多時的一蘭拉麵．．．

可惜期望越大就失望越大！

極度普通的拉麵，埋單收費$100，但食落只是$50元的一般貨色。

如果要在香港食拉麵，我現在會揀一風堂，一蘭絕不會再來。

題外話：其實我都幾鐘意一蘭的自閉位，我希望香港可以有類似的燒味舖，有時一個人食飯，坐這些自閉位就自在得多。

還有，我當日見其他食客在這裡坐得超舒服，食完後不斷和隔鄰朋友傾計和自拍，難怪人龍這麼長。

過年雜記、賭城風雲

年三十晚 屋企食盤菜, 食飽就想訓 , 結果訓左冇去行花巿 年初一 拜年 ， 又係食盤菜， 又係食到好飽， 夜晚去左睇 《賭城風雲》 。 

小時候，好鐘意睇《賭神》，個時發哥真係好型。不過過左咁多年，套《賭城風雲》同《賭神》啲橋差不多一模一樣，可能因為我已經唔係細路，感覺悶到癲。今次啲劇情幼稚， 套劇其實有好多無厘頭位，好似無啦啦殺出細細粒個男友同賭神鬥地主，跟住中段有幕賭神洗啤牌，又穿哂崩，一睇就睇得出副牌係假，個道具同20年前一樣，我真係接受唔到。 

（以下有劇透） 故仔講發哥同洗黑錢頭目鬥，話到個頭目好聰明，但係係套戲入面完全睇唔出。跟住用埋啲迫攻水即係以前既誠實豆沙包，劇尾又玩變臉又係揸船出公海同用超高科技睇穿牌。 而點題既賭博片段就只係得一、兩場，仲要超求其，成套戲都只係翻炒舊橋，咁我不如睇韓版家有喜事好過。 

雖然有話新年都係搵套戲笑下，唔洗咁認真，不過見到啲咁唔認真製作，又老土既笑位，真係點都笑唔出。

睇完戲都好夜，但係西洋菜街都仲有好多小販，呢個情景係年初一、二、三先有，好熱鬧。 

年初二，留左係屋企hea，係屋企食左蘿蔔糕同奶皇年糕，個奶皇年糕好似係新產品，我都係第一次試，我覺得都有啲啲奶皇味，不過其實同普通年糕差唔多，我都係鐘意食奶皇包多啲，呢隻試過一次就夠喇。

年糕仲食到個人好滯，不宜多吃。 夜晚有放煙花，又係冇出街睇，我係屋企都睇到少少。睇無線直播，唔知今年無線個攝影師搞乜鬼，鬆郁濛，而亞視更加搞笑，拎返1990年既煙花片段出黎播，亞視真係出其不意。 

年初三，晏畫去左尖沙咀八月居同大佬們飲茶，仲有無見左六年既歌莉雅，勁多笑話，又梯又森林，真係好好笑。不過間酒樓食物就差左啲喇，最後我地係個度切蛋糕，因為今次係雪糕蛋糕，我地點切都切唔開，好彩有個好好心地侍應，幫我地好努力切開去。 

我見到fb有人post 話深水埗有好多熟食小販攤檔，所以落左去睇下。嘩，我估唔到有好多菲律賓人係度攞賣，佢地真係識搵地方，跟住周圍行左陣，本來諗住睇下ipad套同筆啦，點知都好貴，都係淘寶算喇，又搵唔到熟食，就打道回府。 夜晚去好彩酒家食飯，菜單同去結婚飲宴差唔多，又食到好飽好飽好飽。

之後又走左去行西洋菜街，見到好多小販，陪人地買左幾串小食，就走鬼喇！咁我們惟有行陣乾貨先，買了不少東西，分別是掛牆鐘（$99），法國版既Scrabble（$50），仲有陳奕迅演唱會DVD。 跟住又行返去朗豪坊個邊，睇下走完鬼未，可惜仲有好多亞Sirs係度，咁我地就走啦！點知行多幾個街口，就見到啲小販係個度開緊檔，咁地就去望下有乜食啦，不過食物方便呢有少少強差人意，同埋係個垃圾站隔離，有啲臭，我地乜都冇買就走左喇！ 

放哂係地下的翻版公仔，我覺得都幾污糟，你又唔會知公仔入面啲綿花係乜，可能係啲受污染既綿花，你晚晚攬住啲不知來歷既公仔都想嘔啦！

最初我估好少人買，點知我估錯喇，勁多人買隻返屋企。

眼仔碌碌的Winnie the pooh，話明翻版，手功當然麻麻，我地笑左好耐啲公仔個樣，呢隻Winnie the pooh實在太過精靈喇！

年初四，最後一日假喇，好唔捨得 。係屋企睇Eason's Concert，竟然跳線，係個一刻我好驚我張單扔左，扔左就無得換喇！最後都好好彩搵返出黎，即刻走左去換。

今次故事教訓我，正版質素都未必有保証！囧　買返黎要記得7日內要睇下，如果唔係過左保養冇得換就慘。

（諗返起我隻Wyman好似跳線.......)

Eason 隻碟上面既畫好靚呀！！

不過唔知點解唱片公司要係封底貼貼紙會遮住啲畫，真係用心製作．．．．

當日仲行過左間韓國水貨店，見到$109, 16塊masks ，好似好抵呀，就揀左16塊，睇下邊隻好用下次再補給。（友人話韓國當地買仲平，嘩，第時去到韓國我估我會掃超多貨。）