429-501

429
早餐：梳打餅
午餐：八方雲集，貢丸麵＋5隻煎餃
晚餐：冬菇米線＋半個橙

今日都係好唔健康，要一日食兩個生果先合格，而我只係食左半個．．．

今朝好慘，追巴士，但追唔到之餘，仲頭暈，可能因為無食早餐又狂奔，就搞到我成個朝早都唔舒服。
返工都係比大公主激死，

430
早餐：瑪利餅
午餐：炒蛋＋蒜蓉多士＋蕃茄牛肉通粉＋涷檸茶
晚餐：麻薯包＋菜＋3粒小籠包＋細杯牛油粟米＋西米盞（本來諗住去掃街架，但唔知點解去到又無乜興趣，杯牛油粟米呢，實在太多牛油喇，好肥呀！）

今朝早左出門口，但搭左架好慢既車，又遲大到，平時一程車只需要二十分鐘，今日差不多成三十分鐘，唉！
夜晚走左去葵芳廣場買衫，好開心買到兩件衫，間舖頭賣既衫話係日本貨同山系架，最初驚佢價錢好貴，點知一問都係＄200一件，好抵呀！

葵芳廣場係少數香港未被自由行攻破既商場，呢度起碼有好多小商店，有不類型既衫褲鞋襪，而唔似大商場咁得一式一樣的大牌子，希望呢個商場可以繼續咁樣落去啦，如果唔係我都唔知可以去邊度行街喇！

501
早餐：朱古力包（好罪惡的朱古力．．．）
午餐：一樂叉燒燒鵝飯
晚餐：一風堂拉麵＋炒雜菜
今日都係唔及格，太少Fiber喇！

今日放假，行程豐富，先去中環試食一樂燒鵝，但失望而回，由中環行去文武廟，第一次去影相，都幾特別，不過Timing唔啱，希望下次去影得再靚啲。跟住搭車出銅鑼灣探Line公仔，超多人，要入Pop up Store要等3個鐘．．．之後就行銅鑼灣，買唔到衫，反而買左一袋零食，卓悅開既一生良品啲零食真係好抵。最後行到好累好累先返到屋企，成個銅鑼灣都係自由行，聽國語仲多過廣東話，唉！

今日仲搵返上年夏天褲出黎著，點知．．．．著唔落，我要認真啲減肥喇！