首先講下今次戰利品
Neutrogena在屈臣巿買的，買一送一，400台幣，即係約港紙$50一支眼霜，超抵！
Sofina防曬Lotion－$680台幣
Sofina爽膚水--$383台幣
好平呀，最後走之前再走左去屈臣巿買，今次係咁啱撞正減價，所以好平。
另外友人買左Dr. Wu，做緊買一送一，都好平過香港好多。
雖然今日十點半先起身，但都好眼訓，執埋行李都已經是十一點幾喇！
係酒店check out 後，再做埋暫存行李手續就出發。
點知落到樓下，好多舖頭都仲未開，結果我們走到蜂大Cafe吃早餐，可惜既係我地黎得太遲喇！早餐只去到十一點半呀！
我點的Earl Grey Tea同吐司
（因本人唔鐘意飲咖啡，無緣扮陳豪）
另外仲在問口買左個合桃酥，呢個超推介，好好味。
食完就走到台北車站買定今晚車飛去機場
今日超級天晴，台灣見到我地走，就天晴喇，真係岩有此理。。。
台灣原來會在餅舖賣點心，好搞笑。
買完車飛，又去醫一醫肚，食左郭蒸餃，上次來台北覺得這裡不錯，所以今次來Encore。
入店後，發覺這裡面積少了一半，不知是否生意不好，所以縮減了舖面面積。
原來過了早餐時間是沒有蛋餅的，所以我們只叫了蒸餃同小籠包，蒸餃還保持水準，但小籠包就很麻麻了。
我自己買左幾本書，仲買左幾本簿，實在太平，忍唔住手大出血。
行完書局後，既然已經四點喇！就返去西門町，準備返歸，返歸前走左去食台灣傳統食品－楊桃冰。
這間好像是好多好多年歷史，裝修好像香港舊時的涼茶舖，這裡不是太多人，很容易找到位置。
這個呢，我覺得麻麻，對我來說太酸喇，不過就好消暑，因為係食冰嘛！
食完就返酒店拎行李去機場喇！
由於我地住西門町，拎住行李搭地鐵會好麻煩，所以我地就搭的士到台北車站。
司機見我地拎住行李就問我地搭唔搭的士去機場，要$900台幣，我地買左機場巴士車飛梗係冇應承啦！
由西門町到台北車站只係需要$90台幣，超抵，最抵係佢無收行李費。
黎到車站見有時間，又買左炸物黎食，今次呢度有炸香菇，好好味。
沒有留言:
發佈留言