今日係最後一日留係宜蘭，今日係宜蘭就冇乜行程，準備過台北喇！
今日民宿多左好多人，所以民宿主人自己煮早餐，早餐普通啦，最慘係生果被其他住宿既人食到七七八八。
咁我地問左民宿主人可唔可以車我地去車站，佢話OK，約好時間我地就執行李。見執完有啲時間，我地又四圍去影相，可惜今日天氣仲差過琴日，落微微雨，其實最初打算黎宜蘭，係想去影下一大片綠色既葱田，不過我地黎呢幾日都經過唔到一個，咁惟有帶住呢個遺憾咁走人啦！
KEKE我其實好唔明點解香港人影相要V字手勢，唔知第二個國家啲人係咪都係咁
首先黎講下我地今次間酒店 --丰居酒店(Hotel Via)，呢間我地都未住過，見佢係西門町，又平平地，又有浴缸，所以就揀呢間，今次住過都覺得好唔錯，間房都算大間，服務員好有禮貎，環境也十分清潔，Nice!!
地址：臺灣108臺北市萬華區中華路一段114巷17號2樓
張床好似唔知乜野名牌子黎架，我都覺得訓得好舒服
浴缸，正呀！！
Reception 位
樓梯位
零食位
間酒店其實係啲橫街入面，樓下好多賣衫既地方，不過到左深夜，全部舖頭close 哂，呢間又係橫街既酒店，其實都有啲啲驚。
沒有留言:
發佈留言