雞煲

上星期三約左mark 6去食任食雞煲打邊爐，間舖係油麻地新開架，做緊新開張優惠$158全包，食物任叫，汽水任拎，仲有雪糕添。今次訂位係用 Openrice既tablemate訂位，好方便，之後仲好有禮貌打黎confirm我。

我地今次叫左少辣少麻既雞煲，呢度話係即叫即整，所以要等20分鐘先上到個煲架，咁呢度都有啲熟食同前菜拎既，係等既時候就食下前菜啦。

個雞煲唔錯，啲雞都滑，其實食完啲雞已經飽飽地，跟住都唔係叫到好多轉野食。

今次試菜滿意，最鐘意佢野食選擇好多，服務態度良好，希望係佢未加價之前再黎一次，同埋希望下次唔好剩咁多野啦，始終浪費食物唔係咁好嘛。

不過平日打邊爐真係好辛苦，我都成2點鐘訓，但個肚仲脹住，成晚個胃頂住，訓得超級唔舒服，第二日超眼訓。

地址: 油麻地上海街375-379號明新大廈1樓及2樓全層地下5-7號舖

星期四返學啦，而家教緊3D Max比較難，所以我地成日留堂，放學都成十點鐘喇！今日返學冇買包食，天氣又涷，放學結果走左去吉野家食我最鐘意既蟹子三文魚飯，咁夜仲食咁大碗飯真係肥死人喇．．．．．

食極都唔厭..最衰無得外賣啦!