琴晚先記得原來我唔記得搬BLOG， 唔係而家寫緊呢個， 係http://cantonpopsong.blogspot.hk/。搬左我差唔多三、四個鐘，終於算搬完喇。。。。
搬BLOG過程有苦有樂，苦就係要用好多時間，樂就係睇番以前自己啲post，睇番以前啲心機。
其實我都有個開blog癮，開左勁多blogs，有個講歌，有個講相，一個就係而家呢個，相個個好耐冇updater喇，所以遲啲都應該會放埋落呢度。
－－－－－－－－－－－－－－－－－－－－－－－－－－－－－－
琴日係屋企睇勁歌金曲馬拉松，聽到呢首歌，覺得好好聽，一定要post 出黎比大家聽下， 我好鐘意呢啲熱血追夢歌！（講開勁歌金曲，我真係好唔鐘意睇到阿蛋，可唔可以搵第二個做主持，見到佢我就轉左台喇）
黃浩琳－牆外之音
沈震軒－講多變真
估唔到呢個靚仔唱歌咁好聽！！佢就係My盛Lady入面個靚仔～～show 哂肌肉個個呢！
藍奕邦－美麗到不能
近期favour，越聽越好聽，超正能量既砍！！
馮允謙－世界劇團
J. Arie－第一志願
又係新人，呢首又係熱血追夢歌，都係好好聽！！！
最後梗係我既歌神－
Eason－任我行
人大左，而家成日都好鐘意hae係屋企，唔想有太多gathering .....
2013年12月22日星期日
2013年12月20日星期五
聖誕交換禮物
今年平安夜會去BBQ，希望到時唔好落雨而啲野食又好味啲啦！
本來今年又諗住玩交換禮物，不過呢，經一番討論後都係取消呢個環節啦！以前都會慶高采烈玩呢個Game，但係當自己屋企越黎越多雜物，越黎越無位擺時，就唔鐘意玩呢個環節。
之前執屋，搵返好多係交換禮物得黎既東東，就覺得好浪費，好似有十年歷史既雪人杯、攬枕、簿同埋毛巾，好多對我黎講都係無用，但新簇簇唔要又好可惜，結果之後我就放左上網送比人。
始終你覺得好靚既野，對抽到既人係可以完全唔鐘意，除非你搵到班志同道合既朋友，大家喜好差唔多，咁樣玩呢個Game先唔會做成浪費。
－－－－－－－－－－－－－－－－－－－－－－－－－－－－－－
講返近期生活，最開心莫過於睇My盛Lady，子華真係做得好好，套劇好好笑。其實佢拎視帝都好啱，因為睇得子華係呢套戲到放左好多自己既構思落去，我估計好多教主金句都係佢自己諗出黎。
睇訪問佢話下年年尾會開楝篤笑，到時一定會去棒佢場！！！
宜蘭台北遊記3.1 橫風橫雨走佬去台北－Hotel Via丰居酒店
今日係最後一日留係宜蘭，今日係宜蘭就冇乜行程，準備過台北喇！
今日民宿多左好多人，所以民宿主人自己煮早餐，早餐普通啦，最慘係生果被其他住宿既人食到七七八八。
咁我地問左民宿主人可唔可以車我地去車站，佢話OK，約好時間我地就執行李。見執完有啲時間，我地又四圍去影相，可惜今日天氣仲差過琴日，落微微雨，其實最初打算黎宜蘭，係想去影下一大片綠色既葱田，不過我地黎呢幾日都經過唔到一個，咁惟有帶住呢個遺憾咁走人啦！
KEKE我其實好唔明點解香港人影相要V字手勢，唔知第二個國家啲人係咪都係咁
首先黎講下我地今次間酒店 --丰居酒店(Hotel Via)，呢間我地都未住過，見佢係西門町，又平平地，又有浴缸，所以就揀呢間，今次住過都覺得好唔錯，間房都算大間，服務員好有禮貎，環境也十分清潔，Nice!!
地址：臺灣108臺北市萬華區中華路一段114巷17號2樓
張床好似唔知乜野名牌子黎架，我都覺得訓得好舒服
浴缸，正呀！！
Reception 位
樓梯位
零食位
間酒店其實係啲橫街入面，樓下好多賣衫既地方，不過到左深夜，全部舖頭close 哂，呢間又係橫街既酒店，其實都有啲啲驚。
宜蘭台北遊記5.2 －Delay delay and delay
宜蘭台北遊記4.2－華山1914文化創意產業園區
宜蘭台北遊記4.1 胡同燒肉
宜蘭台北遊記3.2 紅樓 + 24小時誠品
宜蘭台北遊記3.1 橫風橫雨走佬去台北－Hotel Via丰居酒店
2013台北宜蘭自由行 2.4 晚飯時間
2013台北宜蘭自甲行 2.3 羅東林業文化園區
2013台灣宜蘭遊記 2.2 國立傳藝藝術中心
2013台北宜蘭之旅 2.1 早餐
宜蘭台北遊記1.2
宜蘭台北遊記1.1--到埗喇！
2013台北．宜蘭玩完雜感
2013年12月16日星期一
雞煲
上星期三約左mark 6去食任食雞煲打邊爐，間舖係油麻地新開架，做緊新開張優惠$158全包，食物任叫，汽水任拎，仲有雪糕添。今次訂位係用 Openrice既tablemate訂位，好方便，之後仲好有禮貌打黎confirm我。
我地今次叫左少辣少麻既雞煲，呢度話係即叫即整，所以要等20分鐘先上到個煲架，咁呢度都有啲熟食同前菜拎既，係等既時候就食下前菜啦。
個雞煲唔錯，啲雞都滑，其實食完啲雞已經飽飽地，跟住都唔係叫到好多轉野食。
今次試菜滿意，最鐘意佢野食選擇好多，服務態度良好，希望係佢未加價之前再黎一次，同埋希望下次唔好剩咁多野啦，始終浪費食物唔係咁好嘛。
不過平日打邊爐真係好辛苦，我都成2點鐘訓，但個肚仲脹住，成晚個胃頂住，訓得超級唔舒服，第二日超眼訓。
地址: 油麻地上海街375-379號明新大廈1樓及2樓全層地下5-7號舖
星期四返學啦，而家教緊3D Max比較難，所以我地成日留堂，放學都成十點鐘喇！今日返學冇買包食，天氣又涷，放學結果走左去吉野家食我最鐘意既蟹子三文魚飯，咁夜仲食咁大碗飯真係肥死人喇．．．．．
食極都唔厭..最衰無得外賣啦!
2013年12月11日星期三
畫公仔+剪頭髮
記得細個都鐘意畫公仔架，不過我啲美術功課好低分，覺得自己冇天份，搞下搞下就對畫公仔完全冇興趣，仲覺得自己點畫都畫得唔會靚。
最近學緊設計，所以多左好多好多機會畫公仔，畫開左就有條癮，同埋叫做上左小小手，畫啲公仔無咁核突，咁又有返啲心機畫下。
上面兩個係我既自畫像，其實都唔係好似，一來我個時啲頭髮冇咁短，二來我冇咁瘦，不過卡通化嘛，咁梗係癮惡揚善啦！
黎緊希望keep住畫啦，畫多啲公仔比大家睇。
－－－－－－－－－－－－－－－－－－－－－－－－－－
之前去左剪頭髮，而家剪頭髮越黎越貴，成百六蚊一個頭。
今次剪完都係激鬼死人，因為我好唔鐘意個髮型。
入到去我就同個髮型師話話剪短剪碎，今次我錯在冇比幅相叫佢跟住剪，佢就自由發揮，剪到一半我就覺得唔對路，點剪到我兩邊咁短，佢見我個樣怪怪地，佢問我 "做乜呀？”；我話 "而家個頭好似頭盔呀”；佢就話"唔洗驚，而家都未剪完．．．"。
結果佢剪左個Monchhichi頭比我，OH NO!!咁我打死唔走叫佢再修下佢啦，我話而家好老土呀，佢無我符低下，再剪，最後就剪到勁頭同埋左右髮腳唔balance ．．．．點解會咁架！！
而家我淨係希望啲頭髮快啲長返，同埋下次如果比我遇到個心儀既髮型師，我會問佢拎卡片架喇，我唔希望我個頭再比人剪衰左呀！！！
2013年12月8日星期日
2013台北宜蘭自由行 2.4 晚飯時間
最後去左好多當地人話好食既武藏坊，我地一早請左民宿主人幫我地訂位，係香港多數訂位都係留姓氏，而呢度就係用全名，當個服務員叫左團友個全名出黎，我就爆笑！
間舖有兩個套餐，咁我地懶得諗就一人叫一個，菜單如下：
呢個餐我就覺得好麻麻，可能台灣人同我地口味唔係好同，我覺得唔值呢個價錢。
頭頭盤，係菜同埋木魚
呢個豆腐好味道，係呢個時候我仲對呢間舖頭滿懷期望
我覺得啲魚生太厚切喇，好似食緊香口膠。
個壽司卷太太大喇，未食就散左喇！
應該仲有條魚架，唔知點解無影到，不過條魚係超級多骨，我食食下都有心機喇！
之後仲行左去夜巿，我太飽就冇乜買野食，反而團友食力驚人，繼續食。
今日買左呢兩樣，仲有啲手信冇影到，個美麗日記eye mask好似平過香港幾蚊啦！
宜蘭台北遊記5.2 －Delay delay and delay
宜蘭台北遊記4.2－華山1914文化創意產業園區
宜蘭台北遊記4.1 胡同燒肉
宜蘭台北遊記3.2 紅樓 + 24小時誠品
宜蘭台北遊記3.1 橫風橫雨走佬去台北－Hotel Via丰居酒店
2013台北宜蘭自由行 2.4 晚飯時間
2013台北宜蘭自甲行 2.3 羅東林業文化園區
2013台灣宜蘭遊記 2.2 國立傳藝藝術中心
2013台北宜蘭之旅 2.1 早餐
宜蘭台北遊記1.2
宜蘭台北遊記1.1--到埗喇！
2013台北．宜蘭玩完雜感
2013台北宜蘭自甲行 2.3 羅東林業文化園區
去完國立傳藝藝術中心，就係國立出面等車去返火車站附近，其實旅遊書話會有免費shuttle bus，不過呢我地搵唔到啦！
我地見到有車話去車站就上車，去到車站都差唔多四點。車站入面有Information Center，有好熱心既大叔大嬸係度，唔知係咪義工黎呢。佢地教我地行一條節徑，話個度係羅東林業既側門，不過四點鐘就會關門，叫我地行快啲趕過去。
就係呢個門口喇，趕到去好似三點五十分左右，真係好趕！
話說台灣以前有木業，而宜蘭係台灣既三大，會有好多木材係呢度運出去，後尾台灣禁止伐木，所以就變左左個公園。
因為我好鐘意木頭，所以我覺得呢度都幾好睇。黎到呢個公園，行左一陣就狂被蚊咬，我地又冇帶蚊怕水，隻腳被咬到成隻豬碲咁。
我地見到有車話去車站就上車，去到車站都差唔多四點。車站入面有Information Center，有好熱心既大叔大嬸係度，唔知係咪義工黎呢。佢地教我地行一條節徑，話個度係羅東林業既側門，不過四點鐘就會關門，叫我地行快啲趕過去。
就係呢個門口喇，趕到去好似三點五十分左右，真係好趕！
話說台灣以前有木業，而宜蘭係台灣既三大，會有好多木材係呢度運出去，後尾台灣禁止伐木，所以就變左左個公園。
因為我好鐘意木頭，所以我覺得呢度都幾好睇。黎到呢個公園，行左一陣就狂被蚊咬，我地又冇帶蚊怕水，隻腳被咬到成隻豬碲咁。
呢到好靚架，如果有藍天白雲仲正。
係度影左好多相，呢個係我團友黎，不過我仲未畫佢個頭像，用住我個樣先啦，哈哈!
最後我地見有少少時間，就衝埋去睇幾米廣場，我地本身係羅東，而家就要搭一個站去宜蘭。
搭火車就有啲困難，因為除左揀目的地，仲要揀埋邊間火車公司，不過我地後來上車都冇跟到買票個間火車公司，唔知係咪其實唔係好理。
去到宜蘭，其實都開始天黑，去到又唔知點行過去，火車站又冇指示，於是我地就問左當地兩個女學生，女學生一啲都唔知我地講乜，後尾佢個同學就話係咪個啲公仔呀，就指左條明路我地行。離火車站其實只係大約７分鐘就到，去到發現個廣場幾細，仲要啲公仔放左係兩度地方，中間係隔左條馬路架喎，要行一個圈先去到到對面。
搭火車就有啲困難，因為除左揀目的地，仲要揀埋邊間火車公司，不過我地後來上車都冇跟到買票個間火車公司，唔知係咪其實唔係好理。
去到宜蘭，其實都開始天黑，去到又唔知點行過去，火車站又冇指示，於是我地就問左當地兩個女學生，女學生一啲都唔知我地講乜，後尾佢個同學就話係咪個啲公仔呀，就指左條明路我地行。離火車站其實只係大約７分鐘就到，去到發現個廣場幾細，仲要啲公仔放左係兩度地方，中間係隔左條馬路架喎，要行一個圈先去到到對面。
來到呢度其實已經天好黑，好彩部相機爭氣！
走個時係個公園度見到呢幾隻字，好搞笑！
台北宜蘭之全紀錄
宜蘭台北遊記5.2 －Delay delay and delay
宜蘭台北遊記4.2－華山1914文化創意產業園區
宜蘭台北遊記4.1 胡同燒肉
宜蘭台北遊記3.2 紅樓 + 24小時誠品
宜蘭台北遊記3.1 橫風橫雨走佬去台北－Hotel Via丰居酒店
2013台北宜蘭自由行 2.4 晚飯時間
2013台北宜蘭自甲行 2.3 羅東林業文化園區
2013台灣宜蘭遊記 2.2 國立傳藝藝術中心
2013台北宜蘭之旅 2.1 早餐
宜蘭台北遊記1.2
宜蘭台北遊記1.1--到埗喇！
2013台北．宜蘭玩完雜感
訂閱：
文章 (Atom)