今朝一起身就慘烈喇......我訓矮頸....痛到癲!!!!
我歸咎於琴晚冇開冷氣訓，搞到我訓矮頸！！
仲要起身喉嚨勁痛，牙都未刷就食左粒喉糖，真係好多好多病痛！
今日係國慶假。。。我同大頭講，政府咪好想我地愛國既，如果我地個國慶假有多幾日假既話，我諗我既愛國指數一定提高不少！
由於太痛，今日冇乜野做過。朝早，煎左蘿蔔糕黎食，但整唔到好似出面酒樓咁香口，失敗左。
晏晝睇電視，睇到蓋世寶，明明佢之前有一排做旅遊節目，紅過一陣架，點解之後無線冇捧佢既。。。
夜啲頂唔順，又走左去訓多陣，好似好番少少！
夜晚去試左屋企附近既功夫點心，食物普普通通啦，係有個叫做鳳凰煎燸米雞，好味道，呢個係將啲平時既糯米雞整到圓扁型，跟住再佢兩面都煎一煎，都係香口野啱我食!
沒有留言:
發佈留言