旅程完結 。又要回到現實

又要返工喇！

玩完五日四夜既新加坡trip ，再放自己多一日假，抖抖先返工！每次去旅行好似仲忙過返工咁，日日都行程緊密，勁累，所以有假都係唔好難為自己，放多一日係屋企執下野先返工～

返埋明日放三日，實在太好喇！好期待個Long Weekend!

今晚同舊同事聚會，唔知點解會睇錯時間，以為約左七點半，差唔多七點見到佢地話到左，我先如夢初醒。。。。我最近真係太失魂喇！雖然我地唔係成日見，但每次出黎都好開心Very Good~~

今晚笑點有牛仔褲行山事件、重慶森林食咖喱等等

最近開始追睇半澤直樹，又真係好有戲味，好想追落去，不過我成日覺得個男主角啲表情怪怪地，唔知睇落去會唔會好啲呢！

而家成十月，但我係屋企都係要開冷氣，點解會咁架？香港幾時先涼啲？