1015-1018雜記

星期二同金仔食飯，原來佢諗住轉去銀行工作，仲叫我試下去銀行做，不過我就覺得自己無咁既能力入銀行做喇，我仲成日諗起杜琪峰套奪命金，HOCC比人係咁猝數既無奈。

星期三，係公司遇到個煩人，講野勁Mean勁黑人憎！

星期四，返第一日學喇，好似好harsh咁，好多功課，仲有個好大既問題係佢好似成日要畫野咁，但我係唔識得畫野架嘛，我會唔會畢唔到業架．．．．

終於到Happy Friday喇，又放2日假，星期日睇HOCC，不過我仲未溫書呀！晏晝去食左間好好味既日本餐廳－德美。海膽魚生飯都只係$79，超抵又好味喎！

呢間德美，係紅磡同尖沙咀都有舖頭架！

好多野食呀，有湯、沙律、蒸蛋同甜品，個甜品好好味！

跟住行左入去紅磡間卓悅，呢間卓悅同出面街個啲有啲唔同架，呢間會有好多食品賣架，佢有好多種類既貨，都幾抵架，我地幾個係咁睇，睇到唔知時間添！

話咁快就收到金仔有offer既消息喇，恭喜哂佢～
我都好想轉環境呀。。。。